ხარაგაულის მერიის საფინანსო-საბიუჯეტო სამსახურის უფროსმა, ვლადიმერ გელაშვილმა, 4 მარტს გამართულ საკრებულოს სხდომაზე, დეპუტატებს, 2018 წლის ბიუჯეტის შესრულების ანგარიში წარუდგინა. ვლადიმერ გელაშვილის ინფორმაციით, 2018 წლის დაგეგმილი ბიუჯეტი  შესრულდა. როგორც მან განაცხადა გასული წლის  დამტკიცებული ბიუჯეტი 6 889,4 ათასი ლარით განისაზღვრებოდა, წლის განმავლობაში განხორციელებული საბიუჯეტო ცვლილებების შედეგად კი, შემოსულობები 6 711,8 ათასი ლარით გაიზარდა და თვითმმართველი ერთეული ხარაგაულის მუნიციპალიტეტის ბიუჯეტი 13 601,2 ლარით განისაზღვრა. ბიუჯეტის შესრულებასთან დაკავშირებით საკრებულოს კომისიებისა და ფრაქციების თავმჯდომარეებმა შესაბამისი დასკვნები წარმოადგინეს. საკითხის ირგვლივ თავიანთი შეხედულებები და მოსაზრებები გამოთქვეს ასევე, დეპუტატებმაც. საფინანსო-საბიუჯეტო კომისიის თავმჯდომარემ, ვარლამ ჭიპაშვილმა განცხადა, რომ 2018 წლის ბიუჯეტში ბუნებრივი რესურსებით სარგებლობის მოსაკრებლის გეგმა ვერ შესრულდა, ისევე როგორც ვერ შესრულდა შემოსავლები პრივატიზაციიდან. სხდომაზე  აუთვისებელ თანხებსა და დაუსრულებელ ინფრასტრუქტურულ პროექტბზე ისაუბრეს საკრებულოს განათლების, კულტურის და ახალგაზრდულ საქმეთა კომისი ის თავმჯდომარემ, დავით კიკნაძემ და ფრაქცია „ქართული ოცნება -კონსერვატორების“ თავმჯდომარემ, გივი თავზარაშვილმა . დავით კიკნაძემ ასევე ყურადღება გაამახვილა 2018 წელს  განხორციელებულ ა(ა)იპ-ების რეორგანიზაციის საკითხზე და აღნიშნა, რომ რეორგანიზაციამ შედეგი ვერ დადო. ფარქციის „ძალა ერთობაშია“ წევრმა, ქეთევან ზუმბაძემ კინოთეატრისა და N3 საჯარო სკოლის სარეაბილიტაციო სამუშაოების აუცილებლობასთან დაკავშირებით ისაუბრა.  ასევე განაცხადა, რომ კინოთეატრში ისევე, როგორც სპორტულ დარბაზში, ელექტროენერგიის ეკონომიის გამო გათბობა გამორთულია. დეპუტატის აზრით, ა(ა)იპ-ის ხელმძღვანელებმა, პირველ რიგში აუცილებელი პრობლემების მოგვარებაზე უნდა იზრუნონ, მითუმეტეს როდესაც ეს ბავშვებს ეხებათ და მათ ხარჯზე არ უნდა ხდებოდეს ეკონომიის გაკეთება. ფრაქცია „ქართული ოცნება -მრეწველების“თავმჯდომარის,  იუზა კელენჯერიძისა  და გივი თავაზარაშვილის განცხადებით, მევენახეობის განვითარება ხარაგაულის მუნიციპალიტეტში მნიშვნელოვანია და ამ სფეროს განვითარებისათვის მცირედი დაფინასება მაინც უნდა გაიცემოდეს მუნიციპალიტეტის ბიუჯეტიდან. მათი თქმით, სოფლის მეურნეობის მიმართულებით, 2019 წლის ბიუჯეტში არცერთი თეთრი არ არის გათვალისწინებული. სხდომაზე დეპუტატებმა სოციალური დახმარებების გაზრდის აუცილებლობაზე ისაუბრეს, დეპუტატების განცხადებით, ერთჯერად დახმარებები გასულ წელს საერთოდ არ გაცემულა, ხოლო  მიმდინარე წელს ბიუჯეტში ამისთვის მცირე თანხაა გათვალისწინებული. ფრაქციის „ძალა ერთობაშია“ თავმჯდომარე, თორნიკე ავალიშვილი სოციალურ მიმართულებებზე იმ 45 ათასი ლარის დამატებას მოითხოვს, რომელზეც დეპუტატებმა უარი უთხრეს მერს ავტომობილის შესაძენად. საბოლოოდ დეპუტატებმა საკითხი დადებითად შეაფასეს. სხდომაზე შემდეგ საკითხად საბიუჯეტო ცვლილება განიხილეს, რომელიც ვლადიმერ გელაშვილმა წარადგინა. ვლადიმერ გალაშვილის განმარტებით საქართველოს მთავრობის 2019 წლის 25  თებერვლის, N331  განკარგულებით, 2019  წელს   საქართველოს რეგიონებში განსახორციელებელი პროექტების ფონდიდან ხარაგაულის მუნიციპალიტეტს, დამატებით,  530,0 ათასი ლარი გამოეყო.  მისივე განცახდებით საჯარო სკოლების მცირე სარეაბილიტაციო სამუშაოების  დელეგირებული უფლებამოსილების განხორციელების მიზნით ხარაგაულის მუნიციპალიტეტს მეორე ეტაპზე 210 000  ლარი გამოეყო, სულ ამ მიმართულებით დაფინანსებამ 410 000 ლარი შეადგინა, ხოლო სოფლის მხარდაჭერის პროგრამის ფარგლებში, ხარაგაულის მუნიციპალიტეტი  მეორე ეტაპზე 430 000  ლარით დაფინანსდა და  სოფლის პროექტებზე საერთო ჯამში - 860 000 ლარი გაიხარჯება. დეპუტატები დადებითად აფასებენ მთავრობის გადაწყვეტილებას  ინფრასტრუქტურულ პროექტებზე, დამატებით, 530 ათასი ლარის  გამოყოფის საკითხს, თუმცა აღნიშნავენ, რომ ადმინისტრაციულ ერთეულებზე თანხები არათანაბრადაა გადანაწილებული. ზოგან მილიონ ლარზე მეტი იხარჯება, ზოგან კი-არცერთი თეთრი. დეპუტატთა  გადაწყვეტილებით ინფრასტრუქტურული პროექტების დაფინანსებასთან დაკავშირებით გაიმართება იურიდიული, სამანდატო, საპროცედურო საკითხთა და ეთიკის კომისიის სხდომა. საბოლოოდ, დეპუტატებმა  საბიუჯეტო ცვლილება დადებითად შეაფასეს.  

  ხარაგაულის მუნიციპალიტეტის საკრებულოს მორიგი სხდომა 4 მარტს გაიმართება, სადაც დეპუტატები ხარაგაულის მუნიციპალიტეტის  თვითმმართველი ერთეულის 2018 წლის   ბიუჯეტის შესრულების  ანგარიშს მოისმენენ.    საკითხს მერიის საფინანსო-საბიუჯეტო სამსახურის უფროსი ვლადიმერ გელაშვილი წარადგენს.                                                                         მეორე საკითხი, რომელსაც ასევე, ვლადიმერ გელაშვილი წარადგენს, ხარაგაულის მუნიციპალიტეტის საკრებულოს 2018 წლის 14 დეკემბრის N48 დადგენილებაში „ხარაგაულის მუნიციპალიტეტის თვითმმართველი ერთეულის 2019  წლის ბიუჯეტის  დამტკიცების  შესახებ“ ცვლილების შეტანის თაობაზე იქნება განხილული.

დღეს ხარაგაულის მუნიციპალიტეტის მერიის საფინანსო-საბიუჯეტო სამსახურის უფროსმა, ვლადიმერ გელაშვილმა, ბიუროს წევრებს თვითმმართველი ერთეულის 2018 წლის ბიუჯეტის შესრულების შესახებ ანგარიში წარუდგინა . ვლადიმერ გელაშვილის ინფორმაციით, ხარაგაულის მუნიციპალიტეტის 2018  წლის  დამტკიცებული ბიუჯეტი განისაზღვრებოდა 6 889,4 ათასი ლარით, წლის განმავლობაში განხორციელებული საბიუჯეტო ცვლილებების შედეგად შემოსულობები გაიზარდა  6 711,8 ათასი ლარით და განისაზღვრა 13 601,2   ათასი ლარით.        ბიუროს წევრები აღნიშნულ საკითხზე მსჯელობას კომისიებში განაგრძობენ. სხდომაზე ასვე განიხილეს  საკრებულოს  კომისიის თავმჯდომარეების მიერ წარმოდგენი ინფორმაცია 2019 წლის სამუშაო გეგმის დამტკიცებასთან დაკავშირებით. სხდომაზე წარდგენილ საკითხებს დეპუტატები დასამტკიცებლად 4 მარტის საკრებულოს სხდომაზე განიხილავენ.

21 იანვარს ბაღდათი-ხარაგაულის მაჟორიტარმა დეპუტატმა, კობა ლურსმანაშვილმა, ხარაგაულის კინოთეატრში გაწეული საქმიანობის შესახებ მუნიციპალიტეტის მოსახლეობას ანგარიში წარუდგინა. შეხვედრას, მოსახლეობასთან ერთად, საკრებულოს თავმჯდომარე, მანანა ბარბაქაძე, ხარაგაულის მუნიციპალიტეტის მერის პირველი მოადგილე, არჩილ მაღრაძე და ადგილობრივი თვითმმართველობის სხვა წარმომადგენლები ესწრებოდნენ. შეხვედრაზე მაჟორიტარმა დეპუტატმა, რომელიც ასევე რეგიონული პოლიტიკისა და თვითმმართველობის კომიტეტის და ბუნებრივი რესურსების კომიტეტის წევრია, იმ საკანონმდებლო ინიციატივებსა და რეფორმებზე ისაუბრა, რომელთა მიღებაშიც პირადად იყო ჩართული. კობა ლურსმანაშვილმა მოსახლეობის მხრიდან დასმულ შეკითხვებს უპასუხა და სამომავლო გეგმებზე ისაუბრა. შეხვედრა ეროვნულ-დემოკრატიული ინსტიტუტის (NDI) მხარდაჭერითა და დიდი ბრიტანეთის მთავრობის UK aid-ის ფინანსური ხელშეწყობით განხორციელდა.

  18 იანვარს ხარაგაულის მუნიციპალიტეტის საკრებულოს  რიგგარეშე სხდომაზე საბიუჯეტო ცვლილება განიხილეს, რომელიც რეგიონებში განსახორციელებლი პროექტების ფონდიდან თანხის გამოყოფის შედეგად განხორციელდა. საკითხი საფინანსო-საბიუჯეტო სამსახურის უფროსმა, ვლადიმერ გელაშვილმა წარადგინა.  ვლადიმერ გელაშვილის განცხადებით, ხარაგაულის მუნიციპალიტეტს, საქართველოს მთავრობის განკარგულებით, რეგიონებში განსახორციელებელი პროექტების ფონდიდან გზების რეაბილიტაციისთვის   3 670 000 ლარი გამოეყო.  საფინანსო-საბიუჯეტო სამსახურის უფროსმა ასევე განმარტა, რომ საჭიროა გასული წლის ნაშთის-3 962 966   ლარის 2019 წლის ბიუჯეტის ხარჯებში მიმართვა. ზემოთ აღნიშნული საბიუჯეტო ცვლილებების თანახმად 2019 წლის ბიუჯეტის შემოსულობები გაიზარდა 3 670 000  ლარით და განისაზღვრა 11 395 800 ლარით, ხოლო ხარაგაულის მუნიციპალიტეტის  2019 წლის ბიუჯეტის გადასახდელები გაიზარდა 7 632 966 ლარით და განისაზღვრა  15 358 766    ლარით. საკითხის განხილვისას საკრებულოს წევრებმა: ინგა მაღრაძემ, დავით კიკნაძემ, ვარლამ ჭიპაშვილმა და გია თავზარაშვილმა შენიშვნები გამოთქვეს. მათი განცხადებით რეგიონული განვითარების ფონდიდან გამოყოფილი 3 670 000 ლარი არ ითვალისწინებს იმ პროექტების სრულად განხორციელებას, რომელიც საკრებულომ მოიწონა.  დეპუტატები, აღნიშნავენ, რომ მერია თავისი შეხედულებით წყვეტს, რომელი პროექტი უნდა განხორციელდეს და არ ითვალისწინებს არც საკრებულოს და არც ხალხის ინტერესებს. მერის პირველი მოადგილე არჩილ მაღრაძე, რომელიც საკრებულოს რიგგარეშე სხდომას ესწრებოდა, დეპუტატების ბრალდებას არ დაეთანხმა და აღნიშნა, რომ ნებისმიერი პროექტის განხორციელება ხალხის ინტერესების გათვალისწინებით ხდება და ყველა მათგანი ხარაგაულის მოსხლეობისთვის კეთდება. მაღრაძის განცხადებით, მერიამ იმ ინფრასტრუქტურის სამინისტროში საკრებულოს მიერ მოწონებული 41 პროექტიდან გადააგზავნა - 20, რომლებიც უკვე  დაპროექტებული და ექსპერტიზა  გავლილი იყო.  20 პროექტიდან ინფრასტრუქტურის სამინისტრომ კი, მხოლოდ 15 მათგანის განხორციელებისთვის გამოყო 3 670 000 ლარი. როგორც მერის პირველი მოადგილე განმარტავს, მერიის ინფრასტრუქტურის სამსახურს უკვე დაწყებული აქვს ახალი პროექტების შეძენა და დაფინანსების მეორე ეტაპზე  მოხდება დანარჩენი მოწონებული ინფრასტრუქტურული პროექტების დაფინანსებაც.   იხ. პროექტების ჩამონათვალი     

  16 იანვარს ხარაგაულის მუნიციპალიტეტის საკრებულოს ბიუროს რიგგარეშე სხდომაზე საბიუჯეტო ცვლილება განიხილეს. საკითხი მერიის საფინანსო-საბიუჯეტო სამსახურის უფროსმა, ვლადიმერ გელაშვილმა წარადგინა.  ვლადიმერ გელაშვილის განცხადებით, ხარაგაულის მუნიციპალიტეტს, საქართველოს მთავრობის განკარგულებით, რეგიონებში განსახორციელებელი პროექტების ფონდიდან გზების რეაბილიტაციისათვის   3 670 000 ლარი გამოეყო.   საფინანსო-საბიუჯეტო სამსახურის უფროსმა ასევე განმარტა, რომ საჭიროა გასული წლის ნაშთის - 3 962 966   ლარის 2019 წლის ბიუჯეტის ხარჯებში მიმართვა. ზემოთ აღნიშნული საბიუჯეტო ცვლილებების თანახმად 2019 წლის ბიუჯეტის შემოსულობები 7 725 800 ლარი   გაიზარდა  3 670 000  ლარით და განისაზღვრა 11 395 800 ლარით, ხოლო ხარაგაულის მუნიციპალიტეტის  2019 წლის ბიუჯეტის გადასახდელები 7 725  800  ლარი  გაიზარდა 7 632 966 ლარით და განისაზღვრა  15 358 766    ლარით. საკითხის განხილვისას ბიუროს წევრებმა  შენიშვნები გამოთქვეს. მათი განცხადებით რეგიონული განვითარების ფონდიდან გამოყოფილი 3 670 000 ლარი არ ითვალისწინებს იმ პროექტების განხორციელებას, რომელიც საკრებულომ მოიწონა. მერიის ინფრასტრუქტურის სამსახურში განმარტავენ, რომ სწორედ იმ 41 პროექტიდან შეირჩა პირველ ეტაპზე დასაფინანსებელი პროექტები, რომელიც საკრებულომ მოიწონა, ხოლო პრიორიტეტი ინფრასტრუქტურის სამინისტროსთან შეთანხმებით იმ ობიექტებს მიენიჭა, რომლის პროექტიც ნაყიდი ქონდა მერიას.  ინფრასტრუქტურის სამსახურს დაწყებული აქვს ახალი პროექტების შეძენა და დაფინანსების მეორე ეტაპზე გზები სხვა სოფლებშიც დაიგება. ზემოთ აღნიშნულ საკითხს საკრებულოს დეპუტატები 19 იანვრის რიგგარეშე სხდომაზე განიხილავენ.

ხარაგაულის მუნიციპალიტეტის მერიის ოფიციალურ facebook გვერდზე გამოკითხვა - როგორ აფასებთ ხარაგაულის მერის საქმიანობას, ექვსი დღის განმავლობაში მიმდინარეობდა. გამოკითხვის შედეგად, მასში მონაწილეთა რაოდენობის მიხედვით, ადამიანთა 94%-მა ხარაგაულის მერის, ნიკოლოზ თოფურიძის საქმიანობა დადებითად შეაფასა, დანარჩენმა 6%-მა კი - უარყოფითად! მადლობა ყველას ვინც მიიღო მონაწილეობა გამოკითხვაში და ღიად დააფიქსირა საკუთარი აზრი. თქვენი შეფასება ჩვენთვის მნიშვნელოვანია! განსაკუთრებული მადლობა მათ ვინც კრიტიკულია. ჩვენ გულისყურით ვუსმენთ განსხვავებულ აზრს, ღიად ვსაუბრობთ პრობლემებზე და გუნდურად ვიღებთ გადაწყვეტილებებს. აქვე გაცნობებთ, რომ ხარაგაულის მერი, ნიკოლოზ თოფურიძე იწყებს გასული ერთი წლის საქმიანობის ანგარიშის წარდგენას მოსახლეობასთან. შეხვედრების განრიგს მიადევნეთ თვალი ხარაგაულის მუნიციპალიტეტის ვებ გვერდზე kharagaulinews.gov.ge და facebook გვერდზე.        

დღეს ხარაგაულის მუნიციპალიტეტის მერმა, ნიკოლოზ თოფურიძემ საკრებულოს მორიგ სხდომაზე დეპუტატებს 2018 წელს გაწეული მუშაობის შესახებ ანგარიში წარუდგინა. საკრებულოს სხდომას იმერეთის მხარის რწმუნებული-გუბერნატორი, შავლეგო ტაბატაძე, მერის პირველი მოადგილე, არჩილ მაღრაძე და მერიის სამსახურების უფროსები ესწრებოდნენ. მუნიციპალიტეტის მერი თავის ანგარიშში 2018 წელს განხორციელებულ ინფრასტრუქტურულ პროექტებს, კულტურულ, სოციალურ, ეკონომიკურ აქტივობებს შეეხო და აღნიშნა, რომ მიუხედავად არაერთი გამოწვევისა, მერიას მკაფიოდ აქვს განსაზღვრული მუნიციპალიტეტის განვითარების კურსი და გასული  წელი ნაყოფიერად შეაფასა. ხარაგაულის მერმა იხელმძღვანელა რა წარმოდგენილი ანგარიშით განმარტა, რომ 2018 წელს, ინფრასტრუქტურული პროექტების შესრულების მხრივ, 58%-იანი შესრულება აღინიშნება, რაც ნამდვილად წარმოადგენს პრობლემას. ნიკოლოზ თოფურიძის თქმით, აღნიშნული პრობლემის გამომწვევ მიზეზებზე მას არაერთხელ უსაუბრია საჯაროდ და ამის აღმოსაფხვრელად სახელმწიფო, ადგილობრივ თვითმმართველობასთან მჭიდრო თანამშრომლობით მუშაობს.   ხარაგაულის მერის ინფორმაციით, ძალიან მნიშვნელოვანია, რომ ბოლო ორი წლის განმავლობაში ხარაგაულის 40-ზე მეტ სოფელში აშენდა ცენტრალური გზები, ხოლო 2019 წლიდან მერია იწყებს პროექტს „წყალი ყველა სოფელს“.   ნიკოლოზ თოფურიძემ მოკლედ მიმოიხილა რამდენიმე მნიშვნელოვანი საკითხი: „აუცილებლად უნდა აღინიშნოს, რომ 2018 წლის ბიუჯეტი შესრულდა გადაჭარბებით. საფინანსო-საბიუჯეტო სამსახური სრული დატვირთვით მუშაობს, რათა მუნიციპალიტეტმა შემდგომ წლებში დამატებით შემოსავლები მიიღოს. 2018 წელს იყო ბევრი პრობლემა სოციალური მიმართულებით, სწორედ ამიტომ 2019 წლის ბიუჯეტში სოციალური მუხლის თანხა 170 000 ლარით მეტი განისაზღვრა. გასული წლის განმავლობაში ჩვენი ერთ-ერთი მთავარი პრიორიტეტი იყო ახალგაზრდების მიერ წამოყენებული ინიციატივების ხელშეწყობა და მხარდაჭერა. მაქვს  აქტიური ურთიერთობა ახალგაზრდების საინიციატივო ჯგუფთან, რომლებიც ხარაგაულის განვითარებისთვის სხვადასხვა პროექტებს იმუშავებენ.  ნაყოფიერად ვთანამშრომლობ ხარაგაულიდან წასულ ახალგაზრდებთან, რომლებიც თავის სიტყვას ამბობენ ხარაგაულის ცხოვრებაში და ბევრი კარგი გეგმები აქვთ.  2019 წლის ბიუჯეტში გათვალისწინებულია ახალგაზრდების მიერ ინიცირებული რამდენიმე პროექტის დაფინანსება“ - აღნიშნა ნიკოლოზ თოფურიძემ. მან ასევე განმარტა, რომ 2018 წელი იყო ძალიან საინტერესო წელი თავის ცვლილებებით, სიახლეებით და მათ შორის გამოწვევებით. მოკლედ მიმოიხილა სამსახურების საქმიანობა და მადლობა  გადაუხადა მერიის სამსახურის უფროსებს, რომლებიც ძალას არ იშურებდნენ საქმის შესასრულებლად. ანგარიშის დასასრულს, მუნიციპალიტეტის მერმა საკრებულოს დეპუტატების მხრიდან დასმულ შეკითხვებს უპასუხა. კითხვების ძირითადი ნაწილი შეუსრულებელ ინფრასტრუქტურულ პროექტებს, პრიორიტეტების შერჩევასა და ერთჯერადი სოციალური დახმარებების გაუცემლობას ეხებოდა. დეპუტატმა დავით კიკნაძემ საკუთარ საამომრჩევლო ოლქში პროექტების დაუფინანსებლობა გააპროტესტა და აღნიშნა, რომ საკრებულოს წევრები ხუთი წუთით ადრე იგებენ განსახორციელებელი პროექტების ჩამონათვალს და დროის სიმცირის გამო იძულებულნი არიან მოიწონონ. მუნიციპალიტეტის მერმა დეპუტატებს მეტი აქტიურობისკენ მოუწოდა და აღნიშნა, რომ მერი და მერიის სამსახურები ყველასთან თანამშრომლობენ და მათ საკუთარი წინადადებები და მოთხოვნები მერიასთან ერთად უნდა განიხილონ. საკრებულოს ოპოზიციონერი წევრი, თორნიკე ავალიშვილი უხარისხოდ შესრულებული გზების საკითხს შეეხო და დაინტერესდა რა ღონისძიებები ტარდება ამ მიმართულებით. მერის განცხადებით, მისი მერობის პერიოდში, რამდენიმე პროექტზე იყო ხარვეზი, თუმცა ასეთ შემთხვევაში მერიას აქვს ქმედითი ბერკეტი, მიღებულია ზომები და თუკი, მეწარმეები ხარვეზებს არ გამოასწორებენ თანხები სრულად არ ჩაერიცხებათ. საკრებულოს საფინანსო საბიუჯეტო კომისიის თავმჯდომარემ, ვარლამ ჭიპაშვილმა აღნიშნა, რომ ანგარიში უფრო მეტად კრიტიკული უნდა ყოფილიყო და მერს მეტი ესაუბრა პრობლემებზე. მან ასევე განმარტა, რომ მერიის სამსახურების ანგარიშების დადებითად შეფასებაში საკრებულოს მხარს არ უჭერდა. დეპუტატი მერის გასული წლის საქმიანობის უარყოფითად შეფასებაში ერთ-ერთ კრიტერიუმად, ბაზალეთის ადმინისტრაციულ ერთეულში, სტიქიის ფონდით პროექტების შეუსრულებლობას იშველიებს. პარტია „შენების მოძრაობის“ წევრმა ინგა მაღრაძემ აღნიშნა, რომ ძალიან კარგია როცა მერს, ანგარიშის წარდგენისას თან ახლავს სამსახურის უფროსები და გუნდი, რომელთან ერთადაც მუშაობს. დეპუტატმა განმარტა, რომ მერის ანგარიშის შეფასების დროს ოპოზიცია მეტად კონსტრუქციულია, ვიდრე უმრავლესობა. მან საკრებულოს, სადაც უმრავლესობა წინა მოწვევის დეპუტატებიც იყვნენ შეახსენა, რომ ის პრობლემები, რაზეც დღეს, ასე ღიად საუბრობენ, წლებია დგას და ამ პრობლემებზე არც თავიანთ წარმოდგენილ ანგარიშებში გაუმახვილებიათ ყურადღება. მუნიციპალიტეტის მერის საქმიანობა საკრებულოს კომისიებისა და ფრაქციების თავმჯდომარეებმა შეაფასეს და თავიანთი შენიშვნები გამოთქვეს. შეფასებამდე საკრებულოს წევრებს იმერეთის მხარის რწმუნებულ-გუბერნატორმა, შავლეგო ტაბატაძემ მიმართა: „მე ვარ ერთ-ერთი ყველაზე დიდი რეგიონის ხელმძღვანელი და სრული პასუხისმგებლობით ვაცხადებ, რომ მუნიციპალიტეტებში ბევრი პრობლემაა და ეს, მხოლოდ ერთი პირის პასუხისმგებლობის საკითხი არაა. მნიშვნელოვანია ეს თითოეულმა ჩვენგანმა, რომლებიც ხალხის მიერ ვართ არჩეულები, გავითვალისწინოთ და პასუხისმგებლობა გავიზიაროთ. სწორედ ამიტომ აუცილებელია აქტიურად ვიყოთ ჩართული მუნიციპალიტეტში მიმდინარე პროცესებში და პრობლემების გადასაჭრელად ერთობლივად ვიმუშაოთ. ვგეგმავ უახლოეს მომავალში დავიწყო მოსახლეობასთან შეხვედრები, მივალ ყველა სოფელში და მოსახლეობის პრობლემებს ადგილზე გავეცნობი. საჭიროა უფრო მეტი აქტიურობა, გუნდურობა და თანამშრომლობა“- აღნიშნა შავლეგო ტაბატაძემ. მუნიციპალიტეტის მერის საქმიანობის შეფასებაში მონაწილეობა არ მიიღეს საკრებულოს ოპოზიციურმა პარტიებმა, ხოლო უმრავლესობის წარმომადგენლებმა მისი საქმიანობა უარყოფითად შეაფასეს. მუნიციპალიტეტის მერის, ნიკოლოზ თოფურიძის 2018 წელს გაწეული საქმიანობის ანგარიში

დღეს ხარაგაულის მუნიციპალიტეტის საკრებულოს რიგგარეშე სხდომა გაიმართა. სხდომას მუნიციპალიტეტის მერი, ნიკოლოზ თოფურიძე და  მერის პირველი მოადგილე, არჩილ მაღრაძე დაესწრნენ. წლის ბოლო სხდომაზე საკრებულომ საბიუჯეტო ცვლილება განიხილა და 2019 წელს მუნიციპალიტეტში განსახორციელებელი პროექტები განიხილა. მერიის საფინანსო-საბიუჯეტო სამსახურის უფროსის, ვლადიმერ გელაშვილის განცხადებით, 2018 წლის საბიუჯეტო ცვლილების თანახმად, საქართველოს მაღალმთიანი დასახლებების განვითარების ფონდიდან  გამოყოფილი სახსრები 11 800 ლარით შემცირდა და 308 500 ლარით განისაზღვრა;  გზების მშენებლობის, რეკონსტრუქციისა და მოვლა-შენახვის ხარჯები  42 300  ლარით შემცირდა და 11 028 100 ათასი ლარით განისაზღვრა; ხარაგაულის მუნიციპალიტეტის ბიუჯეტი  შემოსულობების ნაწილში    17 700  ლარით გაიზარდა და    13 601 200 ლარით განისაზღვრა; საქართველოს რეგიონებში განსახორციელებელი პროექტების ფონდიდან გამოყოფილი  ტრანსფერი   29 500 ლარით გაიზარდა და  6 333 700  ლარით განისაზღვრა; ხარაგაულის მუნიციპალიტეტის ბიუჯეტი  გადასახდელების ნაწილში  17 700 ათასი ლარით გაიზარდა და   18 320 400   ლარით განისაზღვრა; სტიქიით   დაზარალებული ოჯახების საცხოვრებლით უზრუნველყოფის ხარჯები 60 000 ლარით გაიზარდა და  125 300 ათასი ლარით განისაზღვრა. 2019 წელს ხარაგაულში რეგიონული განვითარების ფონდიდან  განსახორციელებელი პროექტების ჩამონათვალი, საკრებულოს, მერიის ინფრასტრუქტურისა და კეთილმოწყობის სამსახურის უფროსმა, თემური თაბუკაშვილმა წარუდგინა. საკრებულოსა და მერიის შეთანხმებით, ასევე, მოსახლეობის მოთხოვნებიდან და პრიორიტეტებიდან გამომდინარე ხარაგაულში, 2019 წელს, 41 პროექტის განხორციელება იგეგმება. გთავაზობთ პროექტების ჩამონათვალს. ხარაგაულის მერის ინფორმაციით, პირველ ეტაპზე ხარაგაულს 3 700 000 ლარი გამოეყოფა და პრიორიტეტი იმ გზების მშენებლობას მიენიჭება, რომლის პროექტებიც უკვე არსებობს. ნიკოლოზ თოფურიძე განმარტავს, რომ თუ მუნიციპალიტეტი გეგმა გრაფიკით შეასრულებს პროექტებს, თანხების დამატება კიდევ მოხდება, რისი დიდი იმედიც აქვთ.  სხდომაზე დებატები გამოიწვია პროექტთა შესრულებისა და თანხების ათვისების დაბალმა მაჩვენებელმა. როგორც აღმასრულებელი ხელისუფლების წარმომადგენლებმა განაცხადეს შემსრულებელი კომპანიების დიდი ნაწილი არაკეთილსინდისიერად იქცევა და სამუშაოებს ჯარიმის თანხლებით აგრძელებენ. ინფრასტრუქტურისა და კეთილმოწყობის სამსახურის უფროსის, თემური თაბუკაშვილის ინფორმაციით, ის ვალდებულება, რაც მუნიციპალიტეტის მერიას სამუშაოების განსახორციელებლად ეკისრება, ზედმიწევნით ვადების დაცვით  სრულდება და პროექტების შესრულების დაბალი მაჩვენებელი ტენდერების ხშირი ჩავარდნითა და  მეწარმეების არაკეთილსინდისიერი დამოკიდებულებითაა გამოწვეული.          

ხარაგაულის მუნიციპალიტეტის საკრებულომ 2019 წლის ბიუჯეტი დაამტკიცა. საკითხის განხილვას ხარაგაულის მუნიციპალიტეტის მერი, ნიკოლოზ თოფურიძე, ესწრებოდა, რომელიც მერიის საფინანსო-საბიუჯეტო სამსახურის უფროს ვლადიმერ გელაშვილთან ერთად, დეპუტატების კითხვებს პასუხობდა. ხარაგაულის მუნიციპალიტეტის 2019 წლის ბიუჯეტი 767 000 ლარით გაიზარდა და 7 725 800 ლარით განისაზღვრა. საკრებულოს წევრების შეფასებით ხარაგაულის მუნიციპალიტეტის 2019 წლის ბიუჯეტი, წინა წელთან შედარებით გაუმჯობესებულია და წლის ბოლომდეა გაწერილი, თუმცა სრულად პროგრამული არ არის.  სხდომაზე, საფინანსო-საბიუჯეტო კომისიის თავმჯდომარემ, ვარლამ ჭიპაშვილმა კომისიის სახელით ბიუჯეტი დადებითად შეაფასა და წევრების მხრიდან, 2019 წლის ადგილობრივ ბიუჯეტთან დაკავშირებით გამოთქმულ შენიშვნებსა და რეკომენდაციებზე ისაუბრა, რომელთაგან მერიამ ნაწილის გათვალისწინება მოახერხა, ნაწილის - ვერა. დადებითად შეაფასა, 2019 წლის ბიუჯეტი ასევე, ფრაქცია „ქართული ოცნება-დემოკრატიული საქართველოს“ თავმჯდომარემ, პაატა გოგოლაძემ და აღნიშნა, რომ მომავალი წლის მთავარი ფინანსური დოკუმენტი, გასულ წელთან შედარებით გაცილებით ეფექტურია, თუმცა იქვე განმარტა, რომ მერიამ ფრაქციის შენიშვნებიდან, რომელიც ბიუჯეტში სოფლის მეურნეობის მიმართულებაში თანხების გაზრდას და ადმინისტრაციულ შენობაში საკონფერენციო დარბაზის მოწყობას გულისხმობდა - არ გაითვალისწინა.  „ქართული ოცნება-კონსერვატორების“ თავმჯდომარე, გივი თავზარაშვილი მიიჩნევს, რომ ხარაგაული აგრარული მუნიციპალიტეტია და აუცილებელია ბიუჯეტის 2% მაინც სოფლის მეურნეობის განვითარებისთვის დაიხარჯოს. მან აღნიშნულ მუხლში 10 ათასი ლარის განსაზღვრა არასაკმარისად მიიჩნია, პროტესტის ნიშნად სხდომათა დარბაზი დატოვა და ბიუჯეტის დამტკიცებაში მონაწილეობა არ მიიღო. ხარაგაულის მერის, ნიკოლოზ თოფურიძის განმარტებით, სოფლის მეურნეობის განვითარებისთვის სახელმწიფო ეფექტურ პროექტებს ახორციელებს, რომლითაც ნებისმიერ დაინტერესებულ ადამიანს შეუძლია ისარგებლოს. მერი ხაზგასმით აღნიშნავს, რომ მიმდინარე წელს, სოფლის მეურნეობის კუთხით კონკრეტული პროგრამის დაფინანსების მიზნით მერიისთვის ინიციატივით არავის მოუმართავს და თუ, ასეთს ექნება ადგილი 2019 წელს ამ მიმართულებით თანხებს აუცილებლად გაზრდიან.  ფრაქცია „თვითმმართველობა ხალხისთვის“ თავმჯდომარის, ინგა მაღრაძის განცხადებით, კარგი იქნება თუ, მუნიციპალიტეტის მერია ამა თუ იმ ფერმერული მეურნეობების განვითარების მიზნით, რაიმე საკონკურსო პროექტს შეიმუშავებს, რომელშიც მონაწილეობის საშუალება ექნებათ მუნიციპალიტეტში სოფლის მეურნეობის განვითარებით დაინტერესებულ პირებს.  როგორც ნიკოლოზ თოფურიძემ სხდომაზე აღნიშნა წარმოდგენილი წინადადება მისთვის მისაღებია და ამ საკითხთან დაკავშირებით ერთობლივად მუშაობის გაგრძელება შეიძლება. დეპუტატმა ვარლამ ჭიპაშვილმა მერს კონკრეტული კითხვით მიმართა თუ, რას ფიქრობს ის ა(აიპ) „სათნოების სახლისა“ და „მოქალაქეთა ჩართულობის ცენტრის“