მერის პირველი მოადგილე, ვარლამ ჭიპაშვილი ,,სოფლის მხარდაჭერის პროგრამის“ ფარგლებში, ხუნევის ადმინისტრაციულ ერთეულში ვერტყვიჭალის, ვერტყვილის,ხუნევის, ბჟინევისა და გედსამანიის მცხოვრებლებს შეხვდა. ვარლამ ჭიპაშვილმა ხუნევის მაჟორიტარ დეპუტატთან, ლენა აბაშიძესთან და მერის წარმომადგენელთან ხუნევის ადმინისტრაციულ ერთეულში, კახა ლომიძესთან ერთად ყურადღებით მოისმინა მოსახლეობის ხედვები, სოფლებში არსებულ საჭიროებებთან დაკავშირებით. კრებაზე, მოსახლეობის აქტიური ჩართულობის ფონზე,განსახორციელებელი საპროექტო წინადადებები ღია კენჭისყრით შეირჩა. ხარაგაულის მერის, კობა ლურსმანაშვილის გადაწყვეტილებით, აუცილებლობის შემთხვევაში, ხარაგაულის მერია , მოსახლეობის მიერ შერჩეულ პროექტებზე , ადგილობრივი ბიუჯეტიდან, დამატებით, თანადაფინანსებას განახორციელებს. მერის პირველი მოადგილე, ვარლამ ჭიპაშვილი:   ,, მნიშვნელოვანია მოსახლეობის აქტიურობა, ჩვენ მაქსიმალურად ვცდილობთ თვითმმართველობის საქმიანობაში ჩაერთოს ადგილობრივი მოსახლეობა.ნებისმიერი საკითხი და პრობლემა ,რომელიც საბიუჯეტო სახსრებით უნდა მოგვარდეს მოსახლეობის მიერ უნდა იყოს იდენტიფიცირებული და შერჩეული." მიმდინარე წელს, ,,სოფლის მხარდაჭერის" პროგრამის ფარგლებში ხუნევის ადმინისტრაციულ ერთეულში განხორციელდება: ხუნევი - სასაფლაოს და ამბულატორიის ეზოს შემოღობვა, ხიდ-ბოგირის შეკეთება, გარე განათების სისტემისა და კალოს უბანში სანიაღვრეს მოწყობა; ვერტყვიჭალა - გოგოლაძეების უბანში გზის მობეტონება, სოფლის ცენტრში სკვერის მოწყობა, ეკლესიის მიმდებარე ტერიტორიაზე ღობის შეკეთება, სოფლის ცენტრალურ გზაზე სანიაღვრე არხის გაკეთება, გარე განათების სისტემის მოწყობა; ბჟინევი - სასაფლაოს შემოღობვა; ვერტყვილა - გარე განათების სიტემისა და სანიაღვრე არხის მოწყობა, საყრდენი კედლის აშენება, სასაფლაოს შემოღობვა; გედსამანია - წყლის სათავე ნაგებობის შეკეთება, ეკლესიის შემოღობვა, ხიდ-ბოგირის რეაბილიტაცია, გარე განათების სისტემის მოწყობა, რიკაძეების საუბნო გზის შეკეთება. შეგახსენებთ, რომ „სოფლის მხარდაჭერის პროგრამის“ ფარგლებში მოსახლეობასთან შეხვედრები 14 მარტს დასრულდება. მერია საპროექტო წინადადებებს მოსაწონებლად საკრებულოს წარუდგენს. წარმომადგენლობითი ორგანოს მიერ დამტკიცებულ პროექტებზე მომზადდება ხარჯთაღრიცხვები, რის შემდეგაც ინფრასტრუქტურული სამუშაოები დაიწყება.

ხარაგაულის მერიამ, დედის დღე, მრავალშვილიან, მარტოხელა და საქართველოს ტერიტორიული მთლიანობისთვის ომში დაღუპული ჯარისკაცების დედებს მიულოცა. მერი, კობა ლურსმანაშვილი: ,,მინდა დღეს, ყველა დედას, განსაკუთრებულად ვუსურვო მშვიდობა. საქართველოს ისტორია ქალების, დედების გმირობის, თავდადებისა და გამძლეობის მაგალითია. სწორედ ყველაზე ძლიერ ადამიანებს ვულოცავ გაზაფხულის პირველ და ულამაზეს დღესასწაულს, დედის დღეს!" დედის დღე,   სოციალური სამსახურის უფროსმა ნანა კიკნაძემ და  ბავშვთა უფლებების დაცვის და მხარდაჭერის განყოფილების უფროსმა თეა ბერიძემ იმ მარტოხელა დედებს მიულოცა, რომლებიც შშმ ბავშვებს ზრდიან.  მერიის სახელით, მარტოხელა დედებს საჩუქრები (საოჯახო ტექნიკა) და ყვავილები გადაეცათ. ხარაგაულის მერია გამოხატავს პატივისცემას და მზაობას მრავალშვილიანი დედების დახმარებისა და მხარდაჭერისთვის. ჩვენ გვახსოვს და პატივს მივაგებთ საქართველოს ტერიტორიული მთლიანობისთვის ომში დაღუპული გმირებს და მათ დედებს. მერია ზრუნავს მოწყვლადი ჯგუფების წარმომადგენლებზე.

ხარაგაულის მერიამ, დედის დღე, მრავალშვილიან, მარტოხელა და საქართველოს ტერიტორიული მთლიანობისთვის ომში დაღუპული ჯარისკაცების დედებს მიულოცა. მერი , კობა ლურსმანაშვილი: ,,მინდა დღეს, ყველა დედას, განსაკუთრებულად ვუსურვო მშვიდობა. საქართველოს ისტორია ქალების, დედების გმირობის, თავდადებისა და გამძლეობის მაგალითია. სწორედ ყველაზე ძლიერ ადამიანებს ვულოცავ გაზაფხულის პირველ და ულამაზეს დღესასწაულს, დედის დღეს!" დედებს, დედის დღე, უშუალოდ მიულოცა მერის პირველმა მოადგილემ, ვარლამ ჭიპაშვილმა . მერიის სახელით საჩუქარები გადაეცათ  აფხაზეთის ომში დაღუპული გმირების დედებს:  აზა კაპანაძეს, დარეჯან მუმლაძეს, ანნა ბაბლიძეს, ზინა თაბაგარს, მარინა გლუნჩაძეს,  თინა პაქსაშვილს და  როენა და ანა ჭყოიძეს. მერის პირველი მოადგილე, ვარლამ ჭიპაშვილი :,,გაზაფხულის ამ ლამაზ დღეს ვულოცავ ყველა ქალბატონს, მომავალ დედებს. განსაკუთრებთ კი მინდა მივულოცო ტერიტორიული მთლიანობისათვის დაღუპული მეომრების დედებს და მადლობა გადავუხადო გმირი შვილების გაზრდისთვის,რომელმაც თავი შესწირეს ჩვენი ქვეყნის ერთიანობას”. მერიის სოციალური სამსახურის , კულტურის სამსახურის და ბავშვთა უფლებების დაცვის და მხარდაჭერის განყოფილების ურთიერთ თანამშრომლობით, მუნიციპალიტეტის მასშტაბით, დედის დღესთან დაკავშირებით, ხარაგაულის მერიის სახელით, საჩუქრები (საოჯახო ტექნიკა) და ყვავილები მრავალშვილიან (7 და მეტი შვილი), მარტოხელა (რომლებიც შშმ ბავშვებს ზრდიან) და საქართველოს ტერიტორიული მთლიანობისთვის ომში დაღუპული ჯარისკაცების დედებს გადაეცათ. ხარაგაულის მერია გამოხატავს პატივისცემას და მზაობას მრავალშვილიანი დედების დახმარებისა და მხარდაჭერისთვის. ჩვენ გვახსოვს და პატივს მივაგებთ საქართველოს ტერიტორიული მთლიანობისთვის ომში დაღუპული გმირებს და მათ დედებს. მერია ზრუნავს მოწყვლადი ჯგუფების წარმომადგენლებზე.  

ხარაგაულის მერიამ, დედის დღე, მრავალშვილიან, მარტოხელა და საქართველოს ტერიტორიული მთლიანობისთვის ომში დაღუპული ჯარისკაცების დედებს მიულოცა. მერი, კობა ლურსმანაშვილი: ,,მინდა დღეს, ყველა დედას, განსაკუთრებულად ვუსურვო მშვიდობა. საქართველოს ისტორია ქალების, დედების გმირობის, თავდადებისა და გამძლეობის მაგალითია. სწორედ ყველაზე ძლიერ ადამიანებს ვულოცავ გაზაფხულის პირველ და ულამაზეს დღესასწაულს, დედის დღეს!" მერის პირველმა მოადგილემ, ვარლამ ჭიპაშვილმა დედის დღე უშუალოდ მიულოცა სოფელ ღორეშაში მცხოვრებ მრავალშვილიან დედას ირინე ჩხიტუნიძეს. კულტურის სამსახურის ორგანიზებით , დედის დღეს  საჩუქრები (საოჯახო ტექნიკა) და ყვავილები მრავალშვილიან (7 და მეტი შვილი) დედებს გადაეცათ. საჩუქრები მრავალშვილიან დედებს მერიის სახელით, კულტურის სამსახურის უფროსმა ირინე ჩხეიძემ და ამავე სამსახურის თანამშრომელმა ლელა შარიქაძემ გადასცა. 3 მარტს დედის დღესთან დაკავშირებით, ხარაგაულის მერიის სახელით, საჩუქრები (საოჯახო ტექნიკა) და ყვავილები გადაეცა ასევე მარტოხელა (რომლებიც შშმ ბავშვებს ზრდიან) და საქართველოს ტერიტორიული მთლიანობისთვის ომში დაღუპული ჯარისკაცების დედებს. ხარაგაულის მერია გამოხატავს პატივისცემას და მზაობას მრავალშვილიანი დედების დახმარებისა და მხარდაჭერისთვის. ჩვენ გვახსოვს და პატივს მივაგებთ საქართველოს ტერიტორიული მთლიანობისთვის ომში დაღუპული გმირებს და მათ დედებს. მერია ზრუნავს მოწყვლადი ჯგუფების წარმომადგენლებზე.  

  ხარაგაულის მერიაში  საკადრო ცვლილებებია.  ეკონომიკისა და ქონების მართვის  და ინფრასტრუქტურისა და კეთილმოწყობის სამსახურებს ახალი ხელმძღვანელები ჰყავს.  მერიის ადმინისტრაციული სამსახურის , საქმისწარმოებისა და ადამიანური რესურსების მართვის განყოფილების პირველი კატეგორიის უფროსი სპეციალისტის ადამიანური რესურსების მართვის საკითხებში ია ტაბატაძის ინფორმაციით, ხარაგაულის მერიაში ვაკანტური იყო, პირველადი სტრუქტურული ერთეულის ხელმძღვანელის, ეკონომიკისა და ქონების მართვის სამსახურის და ინფრასტრუქტურისა და კეთილმოწყობის სამსახურის უფროსის პოზიცია. ასევე ვაკანსია გამოცხადდა ინფრასტრუქტურისა და კეთილმოწყობის სამსახურის, მეოთხე რანგის მეორე კატეგორიის უმცროსი სპეციალისტის თანამდებობაზე , კეთილმოწყობისა და ტერიტორიის დასუფთავების საკითხებში დასახელმწიფო შესყიდვებისა და მატერიალურ-ტექნიკური უზრუნველყოფის სამსახურის, მესამე რანგის, მესამე კატეგორიის უფროსი სპეციალისტის თანამდებობაზე მატერიალურ-ტექნიკური უზრუნველყოფის საკითხებში.   საქართველოს მთავრობის 2017 წლის 21 აპრლის  204 დადგენილების „ საჯარო სამსახურში კონკურსის წესის ჩატარების შესახებ“ მოთხოვნათა შესაბამისად, აღნიშნულ პოზიცებზე გამოცხადებული იყოს შიდა, ღია და დახურული  კონკურსი პოზიციების შესაბამისად. ხარაგაულის მუნიციპალიტეტის მერიის საკონკურსო კომისიამ მიიღო გადაწყვეტილება მერიაში არსებულ ვაკანსიებზე,         შიდა კონკურსის საფუძველზე მომხდარიყო კარიერული განვითარება:       კერძოდ, განხორციელდა საჯარო მოხელის კარიერული განვითარება და ხარაგაულის მუნიციპალიტეტის მერიის ადმინისტრაციული სამსახურის, მეორადი სტრუქტურული ერთეულის ხელმძღვანელი,  იურიდიული განყოფილების უფროსი ინგა ლურსმანაშვილი დაინიშნა ხარაგაულის მუნიციპალიტეტის მერიის, პირველადი სტრუქტურული ერთეულის ხელმძღვანელად, ეკონომიკისა და ქონების მართვის სამსახურის უფროსის თანამდებობაზე 2022 წლის 1 მარტიდან განუსაზღვრელი ვადით.       ასევე განხორციელდა საჯარო მოხელის კარიერული განვითარება და ხარაგაულის მუნიციპალიტეტის მერიის ინფრასტრუქტურისა და კეთილმოწყობის სამსახურის, მეორადი სტრუქტურული ერთეულის ხელმძღვანელი ინფრასტრუქტურის განვითარების განყოფილების უფროსი  პეტრე შარიქაძე დაინიშნა ხარაგაულის მუნიციპალიტეტის მერიის,  პირველადი სტრუქტურული ერთეულის ხელმძღვანელად, ინფრასტრუქტურისა და კეთილმოწყობის სამსახურის უფროსის თანამდებობაზე 2022 წლის 1 მარტიდან განუსაზღვრელი ვადით.    ღია კონკურსის საფუძველზე შეირჩა:        ია არღუნაშვილი ხარაგაულის მუნიციპალიტეტის მერიის ინფრასტრუქტურისა და კეთილმოწყობის სამსახურის, მეოთხე რანგის მეორე კატეგორიის უმცროსი სპეციალისტის თანამდებობაზე კეთილმოწყობისა და ტერიტორიის დასუფთავების საკითხებში, 2022 წლის 1 მარტიდან 12 თვის გამოსაცდელი ვადით, 2023 წლის 1 მარტის ჩათვლით.  დახურული კონკურსის საფუძველზე შეირჩა      ნინო ხარაძე ხარაგაულის მუნიციპალიტეტის მერიის სახელმწიფო შესყიდვებისა და მატერიალურ-ტექნიკური უზრუნველყოფის სამსახურის, მესამე რანგის, მესამე კატეგორიის უფროსი სპეციალისტის თანამდებობაზე მატერიალურ-ტექნიკური უზრუნველყოფის საკითხებში 2022 წლის 1 მარტიდან განუსაზღვრელი ვადით. ინფორმაციისთვის: - შიდა კონკურსი ცხადდება პროფესიული საჯარო მოხელის ვაკანტური თანამდებობის დასაკავებლად საჯარო დაწესებულების ან/და ამ დაწესებულების სისტემის მასშტაბით და მასში მონაწილეობის მიღების უფლება აქვს იქ დასაქმებულ მოხელეს.- შიდა კონკურსში მონაწილეობის უფლება არ აქვს რეზერვში ჩარიცხულ პირს და შრომით ხელშეკრულებით დასაქმებულ პირს,      -  დახურულ კონკურსში მონაწილეობის უფლება აქვს მოქმედ  პროფესიულ საჯარო მოხელეს, მოხელეთა რეზერვში ჩარიცხულ პირსა და შრომითი ხელშეკრულებით დასაქმებულ პირს, თუ იგი არანაკლებ 1 წელია მუშაობს საჯარო სამსახურის სისტემაში და აკმაყოფილებს „საჯარო სამსახურის შესახებ“ საქართველოს კანონის 27-ე და 29-ე მუხლებით  გათვალისწინებულ მოთხოვნებს. - ღია კონკურსში მონაწილეობის უფლება აქვს საქართველოს ქმედუნარიან მოქალაქეს, რომელიც აკმაყოფილებს „საჯარო სამსახურის შესახებ“ საქართველოს კანონის 27-ე და 29-ე მუხლებით გათვალისწინებულ მოთხოვნებს.

ხარაგაული, უკრაინას მხარდაჭერას უცხადებს და სამხედრო მოქმედებების შედეგად დაზარალებული უკრაინელი მოსახლეობისთვის  ჰუმანიტარული ტვირთის შეგროვებას იწყებს.   ხარაგაულის მერის, კობა ლურსმანაშვილის ინფორმაციით, უკრაინის დასახმარებლად ჰუმანიტარული მიზნებისთვის, ხარაგაულის მუნიციპალიტეტის მერიის სარეზერვო ფონდიდან თანხა გამოიყოფა.   ხარაგაულელებს, სურვილის შემთხვევაში, ომში მყოფი უკრაინელების დასახმარებლად საკვები და სამედიცინო პროდუქტები,ასევე სპეციალური საჭიროების ნივთები შეგიძლიათ ხარაგაულის მერიის ადმინისტრაციული შენობის პირველ სართულზე, მოქალაქეთა ინფორმირებისა და ჩართულობის ცენტრში მოგვაწოდოთ.   მერიაში შექმნილი სამუშაო ჯგუფის თანამონაწილეობით ორგანიზება გაუკეთდება,    ამანათების შეგროვებას და დახარისხებას.    ჰუმანიტარული ტვირთი ხარაგაულიდან საქართველო სახელით უკრაინაში გაიგზავნება.       დამატებითი ინფორმაციისთვის შეგიძლიათ მიმართოთ; პასუხისმგებელი პირი:  ვარლამ ჭიპაშვილი , მერის პირველი მოადგილე.   საკონტაქტო პირი: ინგა ბერაძე, ტელ: 599 44 20 57 , ჟანა ნემსაძე ტელ: 595902720    

მიმდინარე წლის 04 მარტს 11.00 საათზე, ხარაგაულის მუნიციპალიტეტის საკრებულოს ბიუროს რიგგარეშე სხდომა გაიმართება.   ბიუროს რიგგარეშე სხდომის   საკითხთა ნუსხა   ხარაგაულის მუნიციპალიტეტის საკრებულოს 2021 წლის 16 დეკემბრის N24 დადგენილებაში „ხარაგაულის მუნიციპალიტეტის თვითმმართველი ერთეულის 2022 წლის ბიუჯეტის დამტკიცების შესახებ“ ცვლილების შეტანის თაობაზე მომხს: ვლადიმერ გელაშვილი ხარაგაულის მუნიციპალიტეტის საკრებულოს 2021 წლის 03 დეკემბრის N50/ 69.692133728 განკარგულებაში „ხარაგაულის მუნიციპალიტეტის საკრებულოს ბიუროს შემადგენლობის დამტკიცების შესახებ“ ცვლილების შეტანის თაობაზე მომხს: ოთარი ლურსმანაშვილი ხარაგაულის მუნიციპალიტეტის საკრებულოს 2016 წლის 14 მარტის №7 დადგენილების ,,ხარაგაულის მუნიციპალიტეტის ბიუჯეტიდან სარეზერვო ფონდის განკარგვის წესის დამტკიცების შესახებ,” ძალადაკარგულად გამოცხადების შესახებ მომხს: ვლადიმერ გელაშვილი  

28 თებერვლიდან ხარაგაულის მერია სოფლის მხარდაჭერის პროგრამის ფარგლებში შეხვედრებს იწყებს. პირველი შეხვედრა ხუნევის ადმინისტრაციულ ერთეულში შემავალ სოფლებში გაიმართება. შეხვედრებს ხარაგაულის მერი, კობა ლურსმანაშვილი და მერიის შესაბამისი სამსახურების წარმომადგენლები დაესწრებიან.   ,,ჩვენ უნდა გამოვიყენოთ წინა წლების გამოცდილება. მოსახლეობა კარგად უნდა იყოს ინფორმირებული, რა ფინანსური რესურსი აქვს მის დასახლებას,(რომელიც მაცხოვრებლების რაოდენობის შესაბამისად ნაწილდება), რომ სოფლის კონკრეტული საჭიროება, კონკრეტულ თანხებს შეუსაბამოს.მერია წელსაც მოახდენს პროექტების თანადაფინანსებას. გვაქვს მოტივაცია ხარაგაულში ,,სოფლის მხარდაჭერის“ პროგრამის ფარგლებში დაგეგმილი პროექტები ვადებში და ეფექტურად სრული ღიაობით და გამჭვირვალობით წარიმართოს-" აცხადებს ხარაგაულის მერი, კობა ლურსმანაშვილი. რა ხდება სოფლის მხარდაჭერის პროგრამების ფარგლებში გამართულ საერთო კრებაზე? სოფლის მხარდაჭერის სახელმწიფო პროგრამა გაძლევთ შესაძლებლობას დაესწროთ თქვენი სოფლის საერთო კრებას და თქვენი მონაწილეობით, თანასოფლელებთან ერთად განკარგოთ ის თანხა, რომელიც თქვენი სოფლისთვის არის გამოყოფილი. კრების ჩატარების გრაფიკი და თქვენი სოფლისთვის გამოყოფილი თანხის ოდენობა შეგიძლიათ იხილოთ ხარაგაულის მუნიციპალიტეტის ვებ-გვერდზე: https://bit.ly/3JPVLBg #ყურადღება თუ თქვენ გაქვთ რაიმე იდეა, რაც უკეთესობისკენ შეცვლის თქვენს უბანს , სოფელს და ემსახურება თემის კეთილდღეობას და განვითარებას. გამოაგზავნეთ თქვენი საპროექტო განაცხადის იდეები ხარაგაულის მუნიციპალიტეტის მერიაში 28 თებერვლამდე. საპროექტო წინადადების ფორმა შეგიძლიათ იხილოთ მოცემულ ბმულზე: https://bit.ly/3p8glFp როგორ უნდა შეავსოთ #საპროექტო #განაცხადი და ვის უნდა გაუგზავნოთ? თქვენ შეგიძლიათ საპროექტო წინადადების ფორმა ელექტრონულად გადააგზავნოთ მერიაში pr.kharagauli@gmail.com ასევე თქვენ შეგიძლიათ თქვენი იდეა ზეპირი სახით აუხსნათ (მერის წარმომადგენელს ადმინისტრაციულ ერთეულში), რომელიც დაგეხმარებათ ფორმის შევსებაში და თქვენს განაცხადს მერიაში წარადგენს. თქვენ შეგიძლიათ ტელეფონით დაუკავშირდეთ მერიის უფლებამოსილ პირს ან მერის წარმომადგენელს და აუხსნათ მათ თქვენი პროექტის იდეა. უფლებამოსილი პირი თავად შეავსებს საპროექტო განაცხადს და პროექტის ავტორის გრაფაში მიუთითებს თქვენს მონაცემებს. #გახსოვდეთ , საპროექტო იდეების წარმოდგენა შესაძლებელია 28 თებერვლამდე. ,,სოფლის მხარდაჭერის" პროგრამის ფარგლებში გამართულ კრებაზე თქვენ, თქვენს თანამოაზრეებთან ერთად უნდა დაიცვათ თქვენს მიერ წარდგენილი იდეა. #ეს_მნიშვნელოვანია , რადგან პროგრამის ფარგლებში განხორციელდება მხოლოდ ის იდეა,რომელსაც მეტი მხარდამჭერი ეყოლება. მიმდინარე წელს სოფლის მხარდაჭერის პროექტის ფარგლებში შემდეგი სახის პროექტები დაფინანსდება: სასმელი წყლის პროექტები, (მათ შორის , ჭაბურღილები, წყალსადენები, სათავე და გამწმენდი ნაგებობები, ჭა ) სარწყავი სისტემები ნაპირსამაგრი სამუშაოები გზები და გზისპირა მოსაცდელები ხიდები, ცხაურები ,ხიდბოგირები, გადასასვლელები გარე განათება სკოლების მიმდებარე ტერიტორიის კეთილმოწყობა სკოლამდელი დაწესებულებები და შესაბამისი ინვენტარი ამბულატორიის შენობები სასაფლაოების შემოღობვა და კეთილმოწყობა სპორტული ინფრასტრუქტურა , მოედნები და მოედნების ინვენტარი სკვერები მათ შორის საბავშვო სკვერები , შესაბამისი ინვენტარით, აგერეთვე სარეკრეაციო სივრცეები წისქვილების რეაბილიტაცია მინიჰესი    

  ხარაგაულის თოჯინების თეატრის დასი  ახალ საბავშვო სპექტაკლზე  შეუდგა მუშაობას.   ,,იისფერა" - ასეთია პიესის სახელწოდება , რომელიც საბავშვო მწერალს გივი ჭიჭინაძეს ეკუთვნის.    როგორც სპექტაკლის რეჟისორი ირინე  ჩხეიძე ამბობს,  დიდხანს ფიქრობდა თუ  რა შეეთავაზებინა ხარაგაულელი ბავშვებისთვის.    ,,ეს არის სპექტაკლი,სადაც  ბავშვები ნახავენ, თუ რა შეუძლია ერთად დგომას, სიყვარულსა და მეგობრობას. ვფიქრობ , პატარები ძალიან გაიხარებენ" - ამბობს ირინე ჩხეიძე.                    

დღეს, ბიუროს სხდომაზე ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის შესრულების ანგარიში განიხილეს. სხდომას საკრებულოს თავმჯდომარე, მანანა ბარბაქაძე ხელმძღვანელობდა. საკითხის განხილვას ესწრებოდა მერის პირველი მოადგილე ვარლამ ჭიპაშვილი. 2021 წლის ბიუჯეტთან დაკავშირებით, სახაზინო საბიუჯეტო დაგეგმარების განყოფილების უფროსმა, ნინო მაღლაკელიძემ დეტალურად ისაუბრა. „გასული წლის დამტკიცებული ბიუჯეტი, შემოსულობების ნაწილში განისაზღვრებოდა 8 018 900  ლარით, წლის განმავლობაში განხორციელებული საბიუჯეტო ცვლილებების შედეგად შემოსულობები გაიზარდა 10. 210 6 ათასი ლარით, რომელიც საბოლოოდ განისაზღვრა 18 229,5 ათასი ლარით. შემოსავლები გაიზარდა სახელმწიფო ბიუჯეტის ფონდიდან გამოყოფილი ტრანსფერის -9 080.3 ათასი ლარით და საკუთარი შემოსავლები 715,0 ათასი ლარის დამატების შედეგად.” ბიუროს სხდომაზე, გასულის წლის ბიუჯეტთან დაკავშირებით, გარკვეული სახის განმარტებები გააკეთა, მერის პირველმა მოადგილემ, ვარლამ ჭიპაშვილმა . მისი განცხადებით, პროგრესია, როგორც ბიუჯეტის შესრულების ისე გადასახდელების (ხარჯების) ნაწილში. ვარლამ ჭიპაშვილი: ,,უნდა აღინიშნოს, რომ 2021 წლის ბიუჯეტში ასახული ციფრები მეტყველებს, რომ პროგრესი გვაქვს, როგორც შემოსულობების შესრულების ასევე ბიუჯეტით დაგეგმილი პროგრამების დაფინანსების მხრივ. წინ გადადგმული ნაბიჯი გვაქვს, შემოსავლების შესრულების მხრივ, გეგმა გადაჭარბებით 106,7%-ით არის შესრულებული. გეგმა ასევე გადაჭარბებით შესრულდა გადასახდებისა და არაფინანსური აქტივების კლებიდან. საერთო ჯამში შემოსულია 3 345 000 ლარით მეტი, რაც ნამდვილად არ არის მცირე თანხა.   2021 წელს წინა წელთან შედარებით 2 000 000 ლარით მეტი დავხარჯეთ ინფრასტრუქტურული პროექტების განსახორციელებლად. გაზრდილია როგორც ინფრასტრუქტურული პროექტების რაოდენობა ისე შესრულების მაჩვენებელი. გასულ წელს ხარაგაულის მერიამ პირველად 200 ათასი ლარის თანადაფინანსება გასწია ,,სოფლის მხარამჭერი“ პროგრამის ფარგლებში განსახორციელებელი პროექტების შესასრულებლად. რაც ყველაზე მნიშვნელოვანია, გაზრდილია დაფინანსება სოციალური მიმართულებით ,რაზეც ოპონენტები ხშირად გვაკრიტიკებდნენ და არ სჯეროდათ, რომ ამ მიმართულებით დაფინანსება მილიონ ლარს გადააჭარბებდა. აღსანიშნავია,რომ წინა წელთან შედარებით 230 000 ლარით მეტი მოხმარდა სოციალური პროგრამების დაფინასებას. ინფორმაციისთვის, ერთჯერადი დახმარებების ლიმიტი წლის დასაწყისიდანვე გაიზარდა, ანუ გაზრდილია არა მარტო იმ ბენეფიციართა რაოდენობა, რომლებსაც დავემხარეთ არამედ თვითონ დახმარების ზღვრული ოდენობა. გასულ წელს ჩვენ სოციალურ პროგრამებს დაემატა ვეტერანთა დახმარების და გადაუდებელი დახმარების პროგრამა, რაც 2021 წლისთვის სიახლე იყო" - განმარტა საკრებულოს ბიუროს სხდომაზე მერის პირველმა მოადგილემ, ვარლამ ჭიპაშვილმა. აღნიშნულ საკითხთან დაკავშირებით   საკუთარი შეხედულებები გამოთქვეს დეპუტატებმა.  სხდომაზე ასევე განხილული იყო ადმინისტრაციული სამსახურის ანგარიში, რომელიც  ამავე სამსახურის უფროსმა, კახა გოლუბიანმა წარადგინა. საკრებულოში კიდევ ერთი ოპოზიციური ფრაქციის შექმნასთან დაკავშირებით განცხადება გააკეთა იურიდიული, სამანდატო, საპროცედურო საკითხთა და ეთიკის კომისია კომისიის თავმჯდომარემ - ოთარ ლურსმანაშვილმა. ფრაქციის სახელწოდებით „ხარაგაულელებისთვის“ შემადგენლობაში გაერთიანდებიან კოტე ბერაძე და ირმა ვეფხვაძე პარტია(„გახარაია საქართველოსთვის“) და ომარ გაგოშიძე(პარტია „ლელო"). სხდომაზე წარდგენილი საკითხები შემდგომი განხილვისთვის დარგობრივ კომისიებს გადაეგზავნებათ.   საკრებულოს მორიგი სხდომა 7 მარტს გაიმართება. ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის შესრულების შესახებ ანგარიში. ვრცლად იხილეთ: https://bit.ly/3oZicw0  ხარაგაულის მუნიციპალიტეტის მერიის ადმინისტრაციული სამსახურის ანგარიში გაწეული მუშაობის შესახებ  ვრცლად იხილეთ: https://bit.ly/36to5LE