ხარაგაულის მერიამ საკრებულოს სოციალური პროგრამების 9 თვის ანგარიში წარუდგინა. ,,kharagaulinews” დაინტერესდა როგორ აფასებს მერის პირველი მოადგილე, ვარლამ ჭიპაშვილი 9 თვის თავზე მერიის მუშაობას სოციალური მიმართულების მხრივ. ,,ხარაგაულის მუნიციპალიტეტისათვის ერთ-ერთი მთავარი პრიორიტეტი არის სოციალური მიმართულება.ზოგადად სოციალური ფონი ხარაგაულში არ  არის სახარბიელო, ამას  ის ფაქტიც ამძიმებს, რომ პანდემიაა ქვეყანაში და მსოფლიოში.  შესაბამისად მომართვიანობა მუნიციპალიტეტის სოციალურ პროგრამებზე გაზრდილია.მინდა გითხრათ, რომ სოციალური მიმართულებით ცხრა თვის ხარჯები ნამდვილად არის გაზრდილი სხვა პერიოდთან შედარებით. რატომ? პასუხი მარტივია, ახლა პანდემიაა და არავის დაავიწყდეს რომ დღეს ყველაზე მეტად სჭირდება ადამიანს ყურადღება და ვერავინ ერთ მაგალითსაც ვერ დაასახელებს, რომ გადაწყვეტილების მიღებისას რაიმე პოლიტიკური ნიშნით ვიხელმძღვანელეთ. შესაბამისი კომისიის მიერ ფასდება ადამიანების ჯანმრთელობის მდგომარეობა და რა ფინანსური შესაძლებლობები გააჩნია ოჯახს.კობა ლურსმანაშვილისთვის, როგორც მერისთვის ყოველთვის იყო პრიორიტეტი სოციალური მიმართულება და ამ კუთხით ჩვენ მთელი წლის განმავლობაში მაქსიმალურად ვეცადეთ თითოეულ ოჯახამდე მივსულიყავით და მათი საჭიროებები მოგვეცვა."  კოვიდ პანდემიას პასუხობს  ხარაგაულის მუნიციპალიტეტის მერიის ახალი სოციალური პროგრამა. კერძოდ, სოციალური პროგრამის ფარგლებში, მოქალაქის ოპერაციის,სამედიცინო მომსახურების, კვლევის და მედიკამენტების დაფინანსების პროგრამას დაემატა პუნქტი, რომელიც კოვიდის და კოვიდის შემდგომი გართულებების მკურნალობისას, შესაბამისი დოკუმენტების წარმოდგენის შემთხვევაში, მედიკამენტების შესაძენად - 150 ლარამდე თანხის გაცემას ითვალისწინებს. როგორც მერის პირველი მოადგილე აღნიშნავს , მთავარია მოსახლეობის ინფორმირება მუნიციპალური პროგრამების შესახებ. ინფორმაციის მიწოდების პროცესში მაქსიმალურად არიან ჩართულები მერის წარმომადგენლები, რომლებიც უშუალოდ ახდენენ მოსახლეობის ინფორმირებას და მოქალაქეებს დოკუმენტების მოწესრიგებაში ეხმარებიან. ვარლამ ჭიპაშვილი: ,,მნიშვნელოვანია საზოგადოების ინფორმირება  მუნიციპალური პროგრამებთან დაკავშირებით, რა სახის დახმარებით შეუძლიათ ისარგებლონ  დებულების მიხედვით, ასევე რა კრიტერიუმები არის დაწესებული და როგორია იმ დოკუმენტების ჩამონათვალი, რომლებიც განაცხადისას უნდა წარმოადგინოს მოქალაქემ.“ კომისია მოქალაქეებიდან შემოსულ განცხადებებს სისტემატურად განიხილავს. ,,გადაწყვეტილებები კომისიის სხდომაზე მიირება სამართლიანად. კომისიის შემადგენლობაში სხვადსხვა სამსახურების წარმომადგენლობა შედის და , ვფიქრობ გადაწყვეტილელებთან მიმართებაში კითხვის ნიშნები არ არსებობს. ერთჯერადი დახმარებების ლიმიტი წლის დასაწყისიდანვე გაიზარდა, ანუ მიმდინარე 9 თვის განმავლობაში გაზრდილია არა მარტო იმ ბენეფიციართა რაოდენობა, რომლებსაც დავემხარეთ არამედ თვითონ დახმარების ზღვრული ოდენობა. ჩვენ სოციალურ პროგრამებს დაემატა ვეტერანტა დახმარების და გადაუდებელი დახმარების პროგრამა, რაც 2021 წლისთვს სიახლე იყო.“ როგორი იქნება 2022 წლის სოციალური პროგრამები და რამდენი იქნება ხარაგაულის ბიუჯეტი სოციალური მიმართულებით ამ კითხვაზე მერის პირველი მოადგილე პასუხობს: ,,ახლა ბიუჯეტის პროექტზე ვმუშაობთ და ვფიქრობთ გარკვული ცვლილებები კვლავ გვექნება. სავარაუდოდ, ფინანსურ რესურს თუ მოვიძევთ გარკვეული პროგრამების ფინანსური ზღვარი გადაიხედება და გაიზრდება. ეს ეხება კომუნალური ხარჯის დაფინანსებას, მრავალშვილიან ოჯახებს, მარჩენალდაკარგულ ოჯახებს და მარტოხელა მშობლებს. გვაქვს მერისგან დავალება, რომ დროული და ადეკვატური იყოს რეაგირება სოციალურ პროგრამებტან დაკავშირებით და დახმარების გაწევა გართულებული ბიუროკრატიული ბარიერების , თუმცა კანონიერად მოხდეს. აქვს თუ არა მერიას გრძელვადიანი სოციალური პროგრამები და თუ არის კონკრეტული ინიციატივები ამ კუთხით ამასთან დაკავშირებით ვარლამ ჭიპაშვილი გვპასუხობს: ,,ჩვენი ოპონენტები გვსაყვედურობენ გრძელვადიან სოციალურ პროგრამებთან დაკავშირებით, თუმცა რატომღაც ასეთი ადამიანებისგან კონკრეტული ინიციატივები არასდროს მომისმენია. გრძელვადიან შედეგზე გათვლილი პროგრამები აუცილებელია , მაგრამ ის  ამ ეტაპზე ვერ ჩაანაცვლებს იმ სოციაულურ პროგრამებს , რომლითაც მოქალაქეები გადაუდებელი აუცილებლობის შემთხვევაში სარგებლობენ. ეს ნელი პროცესია. ჩვენ ვფიქრობთ და ვმუშაობთ ასეთ პროგრამებზე და ამ კუთხით სხვათა ინიციატივებსაც გავითვალისწინებთ.“   ხარაგაულის მერიის მიერ სოციალური პროგრამებით გაწეული დახმარებების 9 თვის მაჩვენებელი ასე გამოიყურება: იანვრიდან სექტემბრის თვის ჩათვლით შემოსულია 2191 განცხადება. ადმინისტრაციული დაპირება გაიცა 555 განცხადებაზე- 325500 ლარის ოდენობით. ახალშობილთა ოჯახების დახმარების ქვეპროგრამით დაკმაყოფილდა   87 განცხდება -15400 ლარი. ერთჯერადი ფინანსური დახმარების ქვეპროგრამით დაკმაყოფილდა -1080 განცხადება თანხით  193100 ლარი. სამკურნალო და საოპერაციო ხარჯების დახმარების ქვეპროგრამით ანგარიშსწორებისთვის  სამკურნალო დაწესებულებებში გადაირიცხა    314700 ლარი, დაკმაყოფილდა 549 განცხადება. შშმ პირთა მკურნალობა  -30 განცხადება 11107 ლარი. შშმ პირთა მომვლელის ყოველთვიური დახმარება 40 ბენეფიციარი 11640 ლარი. მრავალშვილიანი ოჯახების დახმარება-39 განცხადება -8850 ლარი. მარტოხელა მშობლის დახმარება - 10 განცხადება -2000 ლარი. მარჩენალდაკარგულთა დახმარება - 19 განცხადება 4100 ლარი. დიალეზზე მყოფი პაციენტების და ლეიკემიით დაავადებულთა დახმარება  15  პირი   18900  ლარი. ყოველთვიური დახმარების ქვეპროგრამებით მოსარგებლეა 100 ბენეფიციარი, უსინათლო პირები,  დევნილები და სამამულო ომის ვეტერანები. 9 თვეში ამ მიმართულებით დახარჯულია 27100 ლარი. საქართველოს ტერიტორიული მთლიანობისთვის ომში დაღუპულთა ოჯახების დახმარება - 5 ბენეფიციარი, 4500 ლარი. სადღესასწაულო დღეების დახმარება - 23200 ლარი. ხანდაზმულთა დახმარება 1000 ლარი, 2 ბენეფიციარი. სოციალურად დაუცველი გარდაცვლილის ოჯახის დახმარება - 6000 ლარი, დაკმაყოფილდა 30 განცხადება. ომისა და სამხედრო ძალების ვეტერანთა დახმარება - 7750 ლარი, დაკმაყოფილდა 33 განცხადება. ომისა და სამხედრო ძალების ვეტერანთა დაკრძალვა - 1000 ლარი, დაკმაყოფილდა 4 განცხადება. სტიქიის შედეგად დაზარალებული, მძიმე საცხოვრებელი პირობების მქონე მოქალაქეების და უსახლკარო პირთა დახმარება - 108300 ლარი, დაკმაყოფილდა 111 განცხადება. ბინის ქირით უზრუნველყოფა 5 განცხადება 4300 ლარი.   ცხრა თვეში მუნიციპალური სოციალური პროგრამით ისარგებლა 2609 ბენეფიციარმა და დახარჯულია 762947  ლარი.

ა(ა)იპ ადგილობრივი დემოკრატიის სააგენტო საქართველო (LDA Georgia) ხარაგაულის მერიასთან ერთად ახალი ონლაინ პლატფორმის შექმნას იწყებს.  ხარაგაულის მერი, კობა ლურსმანაშვილი, დღეს უშუალოდ შეხვდა ა(ა)იპ ადგილობრივი დემოკრატიის სააგენტო საქართველო დირექტორს ნინო ხუხუას და პროექტის მიზნებსა და დანიშნულებას, სამუშაო ჯგუფის წევრებთან ერთად,  უშუალოდ გაეცნო. მოქალაქეთა უკუკავშირის პლატფორმის ბმული სახელად -  „მოქალაქეთა უკუკავშირი/Citizens feedback“ ხარაგაულის ვებ გვერდზე kharagaulinews.gov.ge  განთავსდება. ახალი ონლაინ პლატფორმის მიზანი იქნება  მოქალაქეების მხრიდან შეფასდეს მუნიციპალიტეტის მიერ განხორციელებული  სერვისები და პროგრამები.  როგორც ხარაგაულის მერი, კობა ლურსმანაშვილი აღნიშნავს ხარაგაულის მერია  კომუნიკაციის აღნიშნულ ფორმას, ეფექტურად გამოიყენებს მუნიციპალური სერვისების ეფექტიანობის გასაზომად. ,,საინტერესოა, რომ ბმულის  გახსნის შემდეგაც ნებისმიერ მოქალაქეს შეეძლება მუნიციპალური სერვისების/პროგრამების შეფასება, რომლითაც მან ისარგებლა საბიუჯეტო წლის განმავლობაში. შესაძლოა შეფასების საგნად იქცეს ორი ძირითადი მიმართულება, კერძოდ: სოციალური პროგრამები და ახალგაზრდული პროგრამები, რასაც შესაძლოა დაემატოს ინფრასტრუქტურული პროექტები. დღეს ჩვენ ეს უკუკავშირი არ გვაქვს , შესაბამისად არ გვაქვს ზუსტი ინფორმაცია, როგორია ჩვენი მომსახურების ხარისხი, რა საჭიროებები დგას ჩვენი ბენეფიციარების წინაშე. ახალი ელექტრონული პლატფორმა შეიძლება გახდეს ჩვენი საუკეთესო პრაქტიკა, რომელსაც ხარაგაულის მერია ვფიქრობ წარმატებით გაართმევს თავს.“  ა(ა)იპ ადგილობრივი დემოკრატიის სააგენტო საქართველოს დირექტორი, ნინო ხუხუა: ,,ხარაგაული მერი,  ნამდვილად გამოირჩევა მხარდაჭერით იმ პროექტების მიმართ , რომელიც მოქალაქეთა ჩართულობას და ადგილობრივი ხელისუფლების ანგარიშვალდებულებას ისახავს მიზნად. სწორედ ამიტომ შეირჩა ხარაგაულის მერია  საპილოტე მუნიციპალიტეტად. ახალი პლატფორმა შესაძლებლობას აძლევს ბენეფიციარს გამოხატოს მადლიერება, კომენტარი, ან შენიშვნა იმ განხორციეებულ პროგრამაზე , რომელიც მუნიციპალიტეტმა მას შესთავაზა.“ შეხვედრას ესწრებოდნენ: ადმინისტრაციული სამსახურის უფროსი, კახა გოლუბიანი, მერის თანაშემწე, ჟანა ნემსაძე, მერიის საზოგადოებასთან ურთიერთობის განყოფილების უფროსი, ინგა ბერაძე და აიტი სპეციალისტი, ჯაბა ფცქიალაძე. პლატფორმა „მოქალაქეთა უკუკავშირი/Citizens feedback“ , თანხვედრაში იქნება მუნიციპალიტეტის არსებული ვებ გვერდის დიზაინთან და ადაპტირებული სმარტფონებისა და პლანშეტებისთვის. მუნიციპალური პროგრამისა თუ სერვისის შეფასებისთვის  უნივერსალური კითხვარი შემუშავდება, რომელიც შედგენილი იქნება ასარჩევი/მოსანიშნი კითხვებისგან და ასევე მოქალაქეს ექნება კომენტარის დატოვების შესაძლებლობაც.  ახალი ონლაინ პლატფორმა სატესტო რეჟიმში დეკემბრის თვეში ამუშავდება.   ა(ა)იპ ადგილობრივი დემოკრატიის სააგენტო საქართველო (LDA Georgia) იმერეთის 11 მუნიციპალიტეტებში ახორციელებს გრანტს ,,მოქალაქეთა ჩართულობის ხარისხის ზრდა ადგილობრივ თვითმმართველობაში’’, რომლის მიზანია გადაწყვეტილების მიღების პროცესში მოქალაქეთა ჩართულობის ხარისხის ზრდა და ადგილობრივი ხელისუფლების ანგარიშვალდებულების უზრუნველყოფა.  გრანტის განხორციელება შესაძლებელი გახდა  გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით.    

ხარაგაულის მერიის მიერ გამოცხადებული  სამოქალაქო ბიუჯეტის კონკურსი დასრულდა კონკურსში 7 გამარჯვებული პროექტი გამოვლინდა.  სულ1076 ხმა შემოვიდა  ,  ხმების ყველაზე მეტი რაოდენობა 14,3% ხარაგაულის აღმნიშვნელი დეკორატიული აბრების მოწყობის იდეამ  მიიღო. კენჭისყრის შედეგად მეორე ადგილზე 12,2 % - ით გადავიდა პროექტი ,,ჯანსაღი ცხოვრების წესი სოფლად’’ , აღნიშნული იდეის ფარგლებში სოფელ ვერტვიჭალაში მინი მოედანი მოეწყობა. ხმების 11,6 % -ით მესამე ადგილი ერგო იდეას “ხარაგაული ჩაიფიქრე”, რომელიც ხარაგაულის სერზე ტურისტული ლოკაციის მოწყობას ითვალისწინებს. მეოთხე ადგილზე 9, 3 % -ით  “ლილეს წყარო’’-ს  პროექტი გავიდა. გამარჯვებულ პროექტებს შორის მოხვდა  ფრენბურთის მოედნის მშენებლობის იდეა. აღნიშნულმა პროექტმა ხმების  9,3% - ი დააგროვა. ხმების 8,6 % - ი მიიღო სოფელ ღორეშაში ხელოვნურ საფარიანი  მინი მოედნის მოწყობის იდეამ. 7,3 % - ი საპროექტო იდეამ, რომელიც სოფელ ფარცხნალში დევდარიანების და ლეჟავების უბანში,  წყლის ჭაბურღილის მოწყობას ითვალისწინებს. აღნიშნული პროექტები ხარაგაულის მუნიციპალიტეტის 2022 წლის ბიუჯეტიდან დაფინანსდება.  დაფიქსირდა აქტივობის ძალიან კარგი მაჩვენებელი, რისთვისაც მადლობას ვუხდით, როგორც იდეის ავტორებს , ასევე მათ მხარდამჭერებს. ხარაგაულის მერია, პროექტს  გერმანიის საერთაშორისო თანამშრომლობის საზოგადოების  (GIZ) მხარდაჭერით ახორციელებდა. #Giz #GGLD #GermanCooperation DEGE    

ხარაგაულის მუნიციპალიტეტის მერიის თანამშრომლებისთვის საქართველოს ადგილობრივი თვითმმართველი ერთეულების ფინანსისტთა ასოციაცია (სათეფა)   სწავლებას ახორციელებს. სწავლების პროცესი ახალი ელექტრონული პროგრამის დანერგვას ითვალისწინებს , რომლის საშუალებითაც მერია ქონების მართვას განახორციელებს. საქართველოს ადგილობრივი თვითმმართველი ერთეულების ფინანსისტთა ასოციაციის თავმჯდომარე, დათო ხოსრუაშვილი:   ,,ჩვენი ასოციაცია ეხმარება მუნიციპალიტეტებს საბიუჯეტო და ქონების მართვის მიმართულებით არსებული გამოწვევების დაძლევაში. დღეს ჩვენ  ხარაგაულის მერიის თანამშრომებს ახალი ელექტრონული პროგრამა გავაცანით, რომლის საშუალებითაც ეფექტურად მოხდება ინვენტარიზაციის პროცესის წარმართვა და ზოგადად ქონების მართვა. ეს არის ერთიანი ბაზა , რომელშიდაც  ერთდროულად შეძლებენ მუშაობას ქონების მართვის და საფინანსო სამსახურის თანამშრომლები.“   ხრაგაულის მერის , კობა ლურსმანაშვილის ინფორმაციით, ხარაგაულის მერია აქტიურად თანამშრომლობს  ადგილობრივი თვითმმართველი ერთეულების ფინანსისტთა ასოციაციასთან. ,,ხარაგაულის მერია ამ ორგანიზაციის წევრია. ჩვენ მათგან ვიზიარებთ იმ პრაქტიკას და რეკომენდაციებს , რომელიც ჩამოყალიბებული და მიღებული არის წლების განმავლობაში, რათა უფრო ეფექტურად განვკარგოთ საბიუჯეტო სახსრები და გონივრული გადაწყვეტილებები მივიღოთ. მერის პირველი მოადგილე, ვარლამ ჭიპაშვილი: მოგეხსენებათ  ხარაგაულის მუნიციპალიტეტში  ინვენტარიზაციის პროცესი წლების განმავლობაში არ ჩატარებულა. ეს  ერთ-ერთი პრობლემატური საკითხი იყო,რომლის მოგვარებაზეც  ვმუშაობთ და ეს პროცესი საფუძვლიანად დავიწყეთ.  მნიშვნელოვანია, რომ ორგანიზაციის მიერ მოწვეულია აუდიტი. ამას კანონი ითვალისწინებს და ინვენტარიზაციის პროცესის ჩატარება უშუალოდ მათი ჩართულობით ხდება . ამ ეტაპზე,  ოთხასი დაურეგისტირებელი ობიექტი აღვნუსხეთ და მოვაქციეთ ჩვენს ბაზაში . პროცესი გამართულად მიდის, ვფიქრობ ახალი ელექტრონული პროგრამა, რომელთან დაკავშირებითაც დღეს ჩვენმა  თანამშრომლება სწავლება გაიარეს, ინვენტარიზაციის პროცესს და ქონების მართვას მნიშვნელოვნად შეუწყობს ხელს ხარაგაულის მუნიციპალიტეტში.

ხარაგაულის საკრებულომ მიმდინარე წლის ცხრა თვის ბიუჯეტის გეგმა-შესრულების ანგარიში განიხილა 1 ნოემბერს საკრებულოს სხდომა გაიმართა. სხდომას საკრებულოს თავმჯდომარე, მანანა ბარბაქაძე და  დეპუტატების ერთი ნაწილი ონლაინ რეჟიმში ჩაერთვნენ. სხდომაზე მერიამ საკრებულოს ორი საკითხი წარუდგინა განსახილველად: პირველი საკითხი გახლდათ მიმდინარე წლის ცხრა თვის ბიუჯეტის  შესრულების ანგარიში, რომელიც საფინანსო საბიუჯეტო სამსახურის უფროსმა, ვლადიმერ გელაშვილმა წარუდგინა დეპუტატებს. ხოლო მეორე, მერიაში მიმდინარე ინვენტარიზაციის პროცესთან დაკავშირებული ინფორმაცია. საკითხი ეკონომიკისა და ქონების მართვის სამსახურის უფროსის მოვალეობის შემსრულებელმა, მაია ალავიძემ გააცნო დეპუტატებს.  მომხსენებლის, ვლადიმერ გელაშვილის ინფორმაციით,  2021 წლის დამტკიცებული ბიუჯეტი  შემოსულობების ნაწილში  8 018, 9 ათასი ლარით განისაზღვრებოდა, თუმცა განვლილ 9 თვეში განხორცილებული ცვლილებების შედეგად  მუნიციპალიტეტის ბიუჯეტი     9 892,9 ათასი ლარით გაიზარდა.  მომხსენებელმა ხაზი გაუსვა იმ ფაქტს, რომ შემოსულობების მატება    გასულ  წელთან  შედარებით  გამოწვეულია ორი მიზეზით -  სახელმწიფო ბიუჯეტის ფონდებიდან გამოყოფილი სახსრების  და საკუთარი  შემოსულობების გაზრდით.  შესაბამისად,  მიმდინარე წლის საანგარიშო პერიოდში  მუნციპალიტეტმა მიიღო   12 863,9 ლარის შემოსულობები, რაც დაგეგმილის 88,4%-ია.  სახელმწიფო  ბუჯეტიდან  მისაღები ტრანსფერები 9 თვეში დაგეგმილი იყო  8 035,9 ათასი ლარით თუმცა მიღებული იქნა  6 187 ,2 ათასი ლარი, ანუ დაგეგმილის 77%.   როგორც ანგარიშში ვკითხულობთ, მიზნობრივი ტრანსფერი, სრულად მიღებულია, სახელმწიფოს ბიუჯეტის ფონდებიდან,  გამოყოფილი კაპიტალური  ტრანსფერი კი - ნაწილობრივ.     ტრანსფერების გეგმის შეუსრულებლობა გამოწვეულია იმით, რომ   დაგეგმვა და ვალდებულებების აღება   ხდება დადებული ხელშეკრულებების  მიხედვით, ხოლო თანხის დარიცხვა   ფაქტიურად  შესრულებული სამუშაოების მიხედვით ხდება. რაც შეეხება  მუნიციპალიტეტის 9 თვის საკუთარი შემოსულობების გეგმას. მომხსენებლის ინფორმაციით   საკუთარი შემოსულობების გეგმა შესრულებულია 102,6%-ით.  ბიუჯეტის ხარჯვითი ნაწილი   2021 წლის  დამტკიცებული ბიუჯტით განისაზღვრებოდა  9 090, 1 ათასი ლარით. ცვლილებების შედეგად,   დაზუსტებული ბიუჯეტი განისაზღვრა 21 795,5 ათასი ლარით.  მიმდინარე წლის   საანაგარიშო პერიოდში (9 თვე) ბიუჯეტი  გადასახდელების ნაწილში შეადგენს  18 002,1 ათას ლარს და   ფაქტიურად გაწეულია  13 948,8  ათასი ლარი, შესაბამისად გადასახდელები დაფინანსებულია  77,5%-ით.  

ლეღვანში გზის რეაბილიტაციის სამუშაოები გრძელდება მერის  მოადგილე, დავით დევდარიანი მერიის ინფრასტრუქტურისა და კეთილმოწყობის სამსახურის უფროსის მოვალეობის შემსრულებელთან , პეტრე შარიქაძესთან ერთად სოფელ ლეღვანში, ქვიანთის უბანში გზის რეაბილიტაციის მიმდინარე  სამუშაოებს გაეცნო.  მერის მოადგილე, დავით დევდარიანი ,,სოფელ ლეღვანში, ქვიანთში უბანში  გზის რეაბილიტაციის სამუშაოები მიმდინარეობს. გზა საკმაოდ რთული რელიეფის არის და სპეციალური ტექნიკის გამოყენება გახდა საჭირო. პროექტზე 250 ათასი ლარი იხარჯება და 1 კილომეტრამდე გზა მობეტონდება, დარჩენილი 700 მეტრის რეაბილიტაცია 2022 წელს განხორციელდება.“      

ხარაგაულის მერის, კობა ლურსმანაშვილის აქტიური მუშაობის და ძალისხმევის შედეგად 2018 -2019 წლებში შეჩერებულ პროექტზე ხარაგაულის მერიამ ახალი ტენდერი გამოაცხადა და შემსრულებელი კომპანია გამოავლინა.   სოფელ დეისში მიმდინარე სამუშაოები დღეს მერის მოადგილე, დავით დევდარიანმა ინფრასტრუქტურისა და კეთილმოწყობის სამსახურის უფროსის მოვალეობის შემსრულებელთან, პეტრე შარიქაძესთან ერთად დაათვალიერა. მერის მოადგილე, დავით დევდარიანი ,,კომპანიას, რომელმაც ვერ შეასრულა ნაკისრი ვალდებულებები და ვერ განახორციელა სოფელ დეისის გზის რეაბილიტაცია ხელშეკრულება შეუწყდა. ხარაგაულის მერიამ გამოაცხადა ახალი ტენდერი და  გამოავლინა შემსრულებელი კომპანია, რომელმაც აქტიურად დაიწყო სამუშაოები და პროექტს ვადებში დაასრულებს.“  პროექტი, რომლის ფარგლებში სოფელ დეისში, გზის 1800 მეტრიანი მონაკვეთი მობეტონდება რეგიონული განვითარების ფონდიდან 344 ათასი ლარით ფინანსდება. დეისის გზის რეაბილიტაცია ,,გაცოცხლებული პროექტებიდან“  ერთ-ერთია. 2021 წელს ათი ინფრასტრუქტურული პროექტი განახლდა,  მათგან 8 უკვე დასრულდა, ხოლო სოფელ დეისის და სარგვეშის გზის რეაბილიტაცია  განხორციელების ეტაპზეა. ,,ხარაგაულის მერიამ შეძლო  2018-2019 წლებში დაწყებული და შემდეგ შეჩერებული პროექტების გადაფასებაც, გაცოცხლებაც და ადგილობრივი ბიუჯეტიდან თანხების დამატება, რათა ეს პროექტები მოქმედებაში მოგვეყვანა“ - აცხადებს დავით დევდარიანი. სოფელ დეისში სამუშაოებს შ.პ.ს. „გგ“ ასრულებს.

ხარაგაულის მერის, კობა ლურსმანაშვილის ბრძანებით,  დავით დევდარიანი მერის მოადგილის თანამდებობაზე ხარაგაულის მუნიციპალიტეტის მერის უფლებამოსილების ვადით დაინიშნა. მერის  მოადგილეს,  უფლებამოსილების სფეროდ საზედამხედველო და ინფრასტრუქტურული მიმართულებები განესაზღვრა. დავით დევდარიანი მერის მოადგილის პოსტს 2020 წლიდან იკავებს. ბრძანებას მერის მოადგილის დანიშვნის შესახებ ხელი დღეს 28 ოქტომბერს მოეწერა.  

  ხარაგაულის საკრებულოს აპარატის უფროსის, ლენა კალანდაძისგან მიღებული ინფორმაციით, 1 ნოემბერს საკრებულოს მორიგი სხდომა გაიმართება.   ხარაგაულის მუნიციპალიტეტის საკრებულოს 2021 წლის 01 ნოემბრის მორიგი სხდომის დღის წესრიგი ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის მესამე კვარტლის საპროგნოზო მაჩვენებლების შესრულების მდგომარეობის შესახებ ინფორმაცია. მომხს: ვლადიმერ გელაშვილი   ხარაგაულის მუნიციპალიტეტის ბალანსზე არსებული ქონების აღრიცხვისა და მოვლა პატრონობის კუთხით მერიის ეკონომიკისა და ქონების მართვის სამსახურის მიერ გაწეული მუშაობის შესახებ ინფორმაცია მომხს: მაია ალავიძე  

პირველი საკადრო გადაწყვეტილება Ხარაგაულის მუნიციპალიტეტის მერის, კობა ლურსმანაშვილის ბრძანებით, მერის პირველი მოადგილის პოზიციაზე, ვარლამ ჭიპაშვილი ახალი ვადით დაინიშნა. ვარლამ ჭიპაშვილი, დღეიდან, 27 ოქტომბრიდან საკუთარ უფლებამოსილებას, მერის უფლებამოსილების ვადით შეასრულებს. Შეგახსენებთ რომ ის აღნიშნულ თანამდებობაზე 2020 წლიდან მუშაობს. ვარლამ ჭიპაშვილს საკურატორო სფეროდ საფინანსო-საბიუჯეტო მიმართულება, ეკონომიკა, ჯანდაცვა, სოციალური და კულტურა - განათლება განესაზღვრა.