საკრებულოს ბიუროს რიგგარეშე სხდომა გაიმართა. სხდომაზე ინფრასტრუქტურისა და კეთილმოწყობის სამსახურის უფროსმა, პეტრე შარიქაძემ, საკრებულოს წევრებს სოფლის მხარდამჭერი პროგრამის ფარგლებში დაგეგმილი პროექტების შესახებ ინფორმაცია წარუდგინა.

დადგენილი პროცედურების მიხედვით, ბიუროს წევრები პროექტებს გაეცნობიან, განიხილავენ და საკრებულოს სხდომაზე, მათ დამტკიცებაზე იმსჯელებენ.

პროექტების საკრებულოს მიერ მოწონების შემდეგ, ის მერიის შესაბამის სამსახურებს გადაეცემა , რაც მათ განხორციელებას შესაძლებელს გახდის.

ხარაგაულის მერია, საკრებულოს 181 პროექტს წარუდგენს დასამტკიცებლად.

სოფლის მხარდამჭერი პროგრამის ბიუჯეტი 890 ათას ლარს შეადგენს. მერის, კობა ლურსმანაშვილის, გადაწყვეტილებით, ადგილობრივი ბიუჯეტიდან პროექტების თანადაფინანსებისთვის დამატებით 234 ათასი ლარი გამოიყოფა.

აღნიშნულ საკითხს ხარაგაულის საკრებულო 7 აპრილის სხდომაზე განიხილავს.