ინვენტარიზაციის პროცესი, რომელიც ხარაგაულის სოფლების დონეზე მუნიციპალური ქონების აღრიცხვას მოიცავს უკვე დაიწყო და კერძო აუდიტის ჩართულობით მიმდინარეობს. ხარაგაულის მერის პირველი მოადგილე, ვარლამ ჭიპაშვილი ,  პროცესის უშუალო ხელმძღვანელია. დღეს ხარაგაულის საკრებულოს სხდომაზე, დღის წესრიგის მიხედვით, ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხასა და საპრივატიზაციო ობიექტთა გეგმაში  ცვლილებების შეტანის შესახებ მოისმინეს ინფორმაცია. მერის პირველმა მოადგილემ, ვარლამ ჭიპაშვილმა სხდომაზე იმ ერთეული ტექნიკის შესახებ წარმოადგინა ინფორმაცია , რომელიც ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხას დაემატება. საპრივატიოზაციო ობიექტთა ნუსხას დაემატა შემდეგი მოძრავი ქონებები: ,,ავტომანქანა ,,ზილი“ , ტრაქტორი ,,ბელარუსი“, ტრაქტორი დეტე75 , სახნავი გუთანი კულტივატორი. ვარლმა ჭიპაშვილი: ,, ეს ოთხი მოძრავი ქონება უნდა დაემატოს საპრივატიზაციო ობიექტთა ნუსხას, რაზედაც საკრებულს თანხმობა გვსურს. ეს არის  მუნიციპალური ქონება, რომლის პრივატიზება გადაწყვიტა მერიამ. არსებობს  აუდიტის დასკვნა,რომელსაც შეგიძლიათ გაეცნოთ , თითოეული მათგანი, მათი მდგომარეობის გამო, მუნიციპალური ინტერესებისთვის ვეღარ იქნება გამოყენებული და აუდიტის დასკვნის მიხედვით, უმეტესი მათგანი შეფასებულია როგორც ჯართი.“ საკრებულოს თავმჯდომარემ, მანანა ბარბაქაძემ  განმარტა, რომ საკითხს თან ერთვის აუდიტის დასკვნები და შეფასებები, რომელსაც საკრებულოს წევრები დაინტერესების შემთხვევაში შეუძლიათ გაეცნონ. ვარლამ ჭიპაშვილმა აუდიტის მიერ შეფასებული საპრივატიზებო ქონება, საკრებულოს ახალი განფასებით წარუდგინა.  ,,ავტომანქანა ,,ზილი“  2400ლარი, ტრაქტორი ,,ბელარუსი“ 1500 ლარი, ტრაქტორი DT75 – 4200ლარი , სახნავი გუთანი კულტივატორი-1200 ლარი. ასევე საკრებულოს ეთხოვა, ახალი ცვლილებით საპრივატიზებო ობიექტთა ნუსხაში შეტანილ მოძრავ ქონებას ,,გაზ-66“ აუდიტის ახალი გადაფასებით ნაცვლად  3100 ლარისა, ღირებულება 2100 ლარად განესაზღვროს. ,,ინვენტარიზაციის პროცესი მიდის და გთხოვთ ხელი შეგვიწყოთ, რომ სამართლიანად წარიმართოს ეს პროცესი. შეიქმნა შესაბამისი კომისია, მოვიწვიეთ კერძო აუდიტი, მათი ჩართულობით მოხდება ინვენტარიზაციის პროცესის წარმართვა, დავიწყებთ სოფლების შემოვლას, ყოველთვის იწყებოდა ეს პროცესი , მაგრამ ბოლომდე არ მიდიოდა. ჩვენ დავიწყეთ ახლა და გპირდებით ,,სტიკერების“ დაკვრაზე არ გავჩერდებით.“- აღნიშნა ვარლამ ჭიპაშვილმა.      

  მოხდება თუ არა უნივერმაღის შენობის რეაბილიტაცია  ,,განახლებული რეგიონების“ პროგრამის ფარგლებში - ამ საკითხით დაინტერესდნენ დღეს ხარაგაულის მუნიციპალიტეტის საკრებულოს სხდომაზე. ე.წ უნივერმაღის შენობა, ეკომონიკის სამინისტროს გადაწყვეტილებით, მუნიციპალიტეტს საკუთრებაში სულ ახლახან გადმოეცა. შენობა, რომლის  რეაბილიტაცია ,,განახლებული რეგიონები“-ს  პროგრამის ფარგლებში  განიხილებოდა, პროექტის დაწყებამდე სპეციალისტებმა დაათვალიერეს, რის შემდეგაც კითხვები გაჩნდა მის მდგრადობასთან დაკავშირებით. ,,სპეცილისტები ამბობენ, რომ შენობა ავარიულ მდგომარეობაშია და მასზე გაწეული ხარჯი შესაძლოა არაეფექტური იყოს. იმის გამო, რომ არ გაჩნდეს ზედმეტი კითხვის ნიშნები , მივიღეთ გადაწყვეტილება აუცილებლად ჩატარდეს მერიის მხრიდანაც ექსპერტიზა და ამისთვის სამხარაულის ექსპერტიზის ბიუროს მივმართავთ, თუ დაიდება დასკვნა რომ შენობა საფრთხის შემცველია , მაშინ მასზე გაწეული ხარჯი არაეფექტური იქნება. განიხილავენ ასევე, მოხდეს შენობის მესაკუთრეებიდან გამოსყიდვა და  ამავე ადგილზე მოეწყოს რეკრეაციული ზონა. რაც მთავარია არ იგეგმება შენობის გაყიდვა და ეს ყველაფერი მოარული ჭორებია -‘’ განმარტა ვარლამ ჭიპაშვილმა.  

  დღეს ხარაგაულის საკრებულოს მორიგი სხდომა გაიმართა.სხდომას საკრებულოს თავმჯდომარე, მანანა ბარბაქაძე ხელმძღვანელობდა. სხდომაზე დღის წესრიგის მიხედვით ოთხი საკითხი განიხილეს. ის დეპუტატები , რომლებიც სხდომაზე პანდემიით გამოწვეული მდგომარეობიდან გამომდინარე არ იმყოფებოდნენ, სხდომას ონლაინ რეჟიმში ესწრებოდნენ. მერიის საფინანსო-საბიუჯეტო სამსახურის უფროსმა ვლადიმერ გელაშვილმა 2021 წლის ბიუჯეტის მეორე კვარტლის შესრულების შედეგები წარუდგინა საკრებულოს. ვლადიმერ გელაშვილი: ,,2021 წლის ბიუჯეტი  9 მილიონ 81100 ლარი გახლდათ, შემდეგ მოხდა ცვლილებები, და წლიური ბიუჯეტი  16 მილიონ 919ათას  900 ლარით განისაზღვრა, დღეს უკვე 17 მილიონს გადავაჭარბეთ.  მხოლოდ იანვარ- ივნისის თვის ბიუჯეტი  8 მილიონ 471 ათას 900 ლარი იყო, შესრულდა  6 მილიონ 914 ათას 800 ლარით, ესეიგი 81, 6 პროცენტით. გასული წლის შესაბამის პერიოდს 2 მილიონ 17 ათას 400 ლარით გადავაჭარბეთ.  განსაკუთრებით აღსანიშნავია, რომ ადგილობრივი შემოსავლები შესრულდა 110, 1 პროცენტით, ასევე მოგახსენებთ გასავლებს , რასაც ჩვენ ხარჯებს ვუწოდებთ, 6 თვის გადასახდელების ნაწილში ხარჯები 11 მილიონ 187 ათას 300 ლარით განისაზღვრა, და  7 მილიონ 260 ათას 800 ლარით შესრულდა, გასული წლის შესაბამის პერიოდთან შედარებით 2021 წლის 6 თვის ხარჯები მილიონ 576 ათას 500 ლარით არის გაზრდილი.“

ხარაგაულის მუნიციპალიტეტის მიერ წარდგენილი ორი საკონკურსო იდეა, ხუნევის ბაღის მშნებლობა და დაბა ხარაგაულში დევების ქანდაკებებისა  და მიმდებარე სკვერის რეაბილიტაცია, საქართველოს რეგიონული განვითარებისა და ინფრასტრუქტურის სამინისტროსა და ევროკავშირის მხარდაჭერით გამოცხადებულ ,,საპილოტე რეგიონების ინტეგრირებული განვითარების პროგრამის“ საგრანტო კონკურსში, კონკურსის მეორე ეტაპზე გადავიდა. მერის , კობა ლურსმანაშვილის, განმარტებით ამჯერად პრიორიტეტი მიენიჭა იმ პროექტს, რომელიც წელსვე შეიძლება გაკეთდეს და დასრულდეს. სწორედ ამ ფორმით შეირჩა დევების ტერიტორია და ხუნევის ბაღი. ,,სრიგპ“ -ს საგრანტო კონკურსის ფარგლებში წარდგენილი იყო ასევე ისეთი მასშტაბური პროექტები, როგორიცაა ცაშეკრულას კანიონის და დიდი ისტორიული მნიშვნელობის მქონე დევების გამოქვაბულის რეაბილიტაცია. წინადადებების სახით წარდგენილი იყო  ასევე ახალი მუზეუმის მშენებლობა,   და კულტურისა და დასვენების პარკის რეაბილიტაცია. ხარაგაულის მუნიციპალიტეტი დევების  ქანდაკებებისა და მიმდებარე სკვერის და ხუნევის ბაღის რეაბილიტაციისთვის საჭირო პროექტების ტექნიკური დოკუმენტაციის მომზადებისა და თანადაფინანსებისათვის  25 ათას ლარს გაიღებს. ხარაგაულის მერის, კობა ლურსმანაშვილის ინფორმაციით 2022 წლისთვის ,,საპილოტე რეგიონების ინტეგრირებული განვითარების პროგრამის“ ფარგლებში, ხარაგაულის მუნიციპალიტეტის მერია კვლავ წარადგენს საკონკურსო იდეებს , რომელიც ძირითადად ხარაგაულის ტურისტული პოტენციალის წარმოჩენას და რეკრეციული ზონის გაუმჯობესებას შეუწყობს ხელს.

30 ივლისს 15 საათზე ხარაგაულის მუნიციპალიტეტის საკრებულოს რიგგარეშე სხდომა გაიმართება, ამის შესახებ ინფორმაცია დღეს გამართულ ბიუროს სხდომაზე გაკეთდა. საკრებულოს თავმჯდომარის მანანა ბარბაქაძის განცხადებით, სხდომაზე გატანილი იქნება საკითხი საბიუჯეტო ცვლილების შესახებ. ხარაგაულის მუნიციპალიტეტს საქართველოს რეგიონებში განსახორციელებელი პროექტების ფონდიდან გზების რეაბილიტაციისათვის ოთხი პროექტის სახელშეკრულებო ღირებულების შესავსებად დამატებით 233 011 ლარი გამოეყო. ,,აღნიშნული თანხით მუნიციპალიტეტი სოფელ ღარიხევის, თეთრაწყაროს, ბაზალეთის და მაქათუბნის საუბნო გზების რეაბილიტაციას დაასრულებს, რომელთა სრული რეაბილიტაცია ნაცვლად 2022 წლისა, მიმდინარე წელს დასრულდება.“- აღნიშნავს ჩვენთან საუბარში მერის პირველი მოადგილე, ვარლამ ჭიპაშვილი. საბიუჯეტო ცვლილებას ხვალ საკრებულოს რიგგარეშე სხდომაზე დაამტკიცებენ.  

დღეს ხარაგაულის მუნიციპალიტეტის საკრებულოს რიგგარეშე სხდომა გაიმართა. სხდომაზე დეპუტატებს მერიის საფინასო-საბიუჯეტო სამსახურის უფროსმა, ვლადიმერ გელაშვილმა საბიუჯეტო ცვლილება წარუდგინა. საბიუჯეტო ცვლილების თანახმად, ხარაგაულის ბიუჯეტში გადასახადებიდან მისაღები შემოსავლები გაიზარდა 1 007,8 ათასი ლარით, მათ შორის, დამატებითი ღირებულების გადასახადი 507,8 ათასი ლარით გაიზარდა და ამჟამად შეადგენს 6 036,2 ათას ლარს. ქონების გადასახადიდან მისაღები შემოსავალი გაიზარდა 500,0 ათასი ლარით და შეადგენს 1 600,0 ათ. ლარს.   ხარაგაულის მუნიციპალიტეტის მერის პირველმა მოადგილემ, ვარლამ ჭიპაშვილმა საბიუჯეტო ცვლილებასთან დაკავშირებით განაცხადა: „გვაქვს შესაძლებლობა ახალი დაფინანსება მოსახლეობის სხვადასხვა საჭიროებაზე მივმართოთ. პრიორიტეტად განისაზღვრა ინფრასტრუქტურული და სოციალური მიმართულება. სოციალური მიმართულება 150 000 ლარით არის გაზრდილი, კიდევ უფრო მეტად უნდა ვიაქტიუროთ, რათა ჩვენი მოაქალაქეების პრობლემების შესაძლებლობის ფარგლებში აღმოვფხვრათ.“ ახალი დაფინანსებიდან 605,8 ათასი ლარი სხვადასხვა ინფრასტრუქტურული და სოციალური პროექტების განსახორციელებლად, ხოლო დარჩენილი თანხა უკვე აღებული ვალდებულებების დასაფარად მიემართება. გზების კაპიტალური შეკეთება- 120,0 ლარი; გზების მიმდინარე შეკეთება - 180,0 ათასი ლარი; სასმელი წყლის უზრუნველყოფა - 100,0 ათასი ლარი; გარე განათების ახალი წერტილების მოწყობა - 30,0 ათასი ლარი; ა(ა)იპ დასუფთავების ადა კეთილმოწყობის გაერთიანება - კეთილმოწყობის ობიექტების მშენებლობა, რეაბილიტაცია - 10,0 ათასი ლარი, (პროექტის დოკუმენტაციის მომზადება და თანადაფინანსება);   რელიგიის ხარჯებში - 15,0 ლარი; დაბა ხარაგაულში დევების ქანდაკებებისა და მიმდებარე სკვერის რეაბილატაციისათვის საქართველოს რეგიონალური განვითარებისა და ინფრასტრუქტურის სამინისტროს საპილოტე რეგიონების ინტეგრირებული პროგრამაში ჩასართავად -   პროექტის ღირებულება 300,0 ათასი ლარი; სოციალური დაცვის ხარჯებში 150,0 ათასი ლარი, მათ შორის, სამკურნალო და საოპერაციო ხარჯებით დახმარება - 30,0 ათასი ლარი; ერთჯერადი ფინანსური დახმარება - 70,0 ათასი ლარი; სტიქიური მოვლენების შედეგად და/ან მძიმე საცხოვრებელი პირობების მქონე ოჯახების დახმარება - 35,0 ათასი ლარი; ომისა და სამხედრო ძალების ვეტერანთა დახმარება - 10,0 ათასი ლარი. სოციალური დაცვისა და უზრუნველყოფის ობიექტების რეაბილიტაცია და ინვენტარით უზრუნველყოფა - 5,0 ათასი ლარი. საქართველოს რეგიონალური განვითარების ადა ინფრასტრუქტურის სამინისტროს საპილოტე რეგიონების ინტეგრირებული განვითარების პროგრამაში ჩართულია ასევე ხუნევის საბავშვო ბაღის რეაბილიტაცია. პროექტის ტექნიკური დოკუმენტაციის მომზადებისა   და თანადაფინანსებისათვის   საჭიროა 15,0 ათასი ლარი.  

ხარაგაულის მერია , სოფლად არსებული გამოწვევების დაძლევის  მიზნით, დამატებით თანხებს გამოჰყოფს, რომელიც გზებზე, წყალსა და გარე განათებაზე მიემართება. აღნიშნულის  შესახებ ინფორმაცია, ხარაგაულის მერმა, კობა ლურსმანაშვილმა, ორშაბათის ტრადიციულ თათბირზე გააკეთა. თათბირზე აღინიშნა, რომ დამატებითი თანხების ფარგლებში ხარაგაულის მერია სოფლად სასმელი წყლის პრობლემების მოგვარების მიზნით  100 ათას ლარს დახარჯავს. კობა ლურსმანაშვილი: ,, ჩვენ გავაკეთეთ გეგმა,რომელიც ჩვენი მოქალაქეების მხრიდან შემოსული  მოთხოვნების შედეგად შემუშავდა.  ხარაგაულის მერია 100 ათასი ლარით აფინანსებს სოფლად სასმელი წყლის პრობლემების მოგვარების საკითხს. შეძენილი იქნება მილები, რეზერვუარები, მოხდება არსებული სისტემების განახლება და ჩატარდება აღდგენითი სამუშოები. ეს არის ერთ- ერთი მასშტაბური ხასიათის სამუშაოები და შესყიდვები, რომელსაც ჩვენ სოფლებში სასმელი წყლის პრობლემების გადაჭრის მიზნით, მოქალაქეების მოთხოვნების შესაბამისად  განვახორციელებთ.“ ახალი საბიუჯეტო ცვლილებით, თანხები სოფლად არსებული გამოწვევების დაძლევის  მიზნით ასე გადანაწილდა. გზების კაპიტალური შეკეთება- 120,0 ლარი; გზების მიმდინარე შეკეთება - 180,0 ათასი ლარი; სასმელი წყლის უზრუნველყოფა - 100,0 ათასი ლარი; გარე განათების ახალი წერტილების მოწყობა - 30,0 ათასი ლარი; ხარაგაულის მერის, კობა ლურსმანაშვილის მიერ , მერის წარმომადგენლებს კიდევ ერთხელ მიეცათ რეკომენდაცია, სოფლად შესასრულებელი სამუშაოების შესყიდვის მიზნით, დროულად წარმოადგინონ პროექტები.    

დაბა ხარაგაულში დევების ქანდაკებებისა  და მიმდებარე სკვერის რეაბილატაცია და ხუნევის ბაღის მშნებლობა - ეს ის პროექტებია, რომელიც ხარაგაულში, საქართველოს რეგიონალური განვითარებისა და ინფრასტრუქტურის სამინისტროს - ,,საპილოტე რეგიონების ინტეგრირებული განვითარების პროგრამის“ საგრანტო კონკურსის ფარგლებში დაფინანსდება. ხარაგაულის მუნიციპალიტეტი, დევების  ქანდაკებებისა და მიმდებარე სკვერის რეაბილიტაციისთვის საჭირო პროექტების ტექნიკური დოკუმენტაციის მომზადებისა და თანადაფინანსებისათვის  10 ათას ლარს გაიღებს, ხოლო ხუნევის ბაღისთვის  15,0 ათას ლარს.  კობა ლურსმანაშვილი: ,,ჩვენი სურვილია, დევები ერთ-ერთ მნიშვნელოვან რეკრეაციულ ზონად ვაქციოთ, აქ არ არის მხოლოდ არსებულის განახლებაზე საუბარი, პროექტის ფარგლებში უფრო მასშტაბური სამუშაოები ჩატარდება. ვფიქრობთ, კლდოვანი ნაწილის ზემოთ მოეწყოს სკვერი, და დევების ტერიტორიასა და სამომავლოდ შექმნილ რეკრეაციულ ზონასთან დამაკავშირებელი ასასვლელი გაკეთდეს, სადაც იქნება სველი წერტილები, ტურისტული ინფრასტრუქტურის შესაბამისი შენობა ნაგებობები. განახლებას საჭიროებენ  თვითონ დევების მონუმენტებიც. საერთო ჯამში,  ამ პროექტზე ნახევარი მილიონი დაიხარჯება, ეს არის ხარაგაულელებისთვის ერთ-ერთი ყველაზე საყვარელი და მნიშვნელოვნი ადგილი. ხარაგაული ამ ადგილზე ეგებება და ხვდება სტუმრებს და ჩვენთვის მნიშვნელოვანია ამ ადგილის მოწესრიგება, რომელიც ქმნის განწყობას ხარაგაულზე და სიმბოლურ დატვირთვას ატარებს.“ ხარაგაულის მერის, კობა ლურსმანაშვილის ინფორმაციით,  ,,საპილოტე რეგიონების ინტეგრირებული განვითარების პროგრამის“ საგრანტო კონკურსის ფარგლებში წარდგენილი იყო ასევე ისეთი მასშტაბური პროექტები, როგორიცაა ცაშეკრულას კანიონის და დიდი ისტორიული მნიშვნელობის მქონე დევების გამოქვაბულის რეაბილიტაცია. წინადადებების სახით წარდგენილი იყო  ასევე ახალი მუზეუმის მშენებლობა,   და კულტურისა და დასვენების პარკის რეაბილიტაცია. მერის , კობა ლურსმანაშვილის, განმარტებით ამჯერად პრიორიტეტი მიენიჭა იმ პროექტს, რომელიც წელსვე შეიძლება გაკეთდეს და დასრულდეს. სწორედ ამ ფორმით შეირჩა დევების ტერიტორია და ხუნევის ბაღი. შეგახსენებთ, რომ სოფელ ხუნევის საბავშვო ბაღის შენობა დაზიანებულია და რეაბილიტაციას საჭიროებს. ბაღი 30 აღსაზრდელზეა გათვლილი. კობა ლურსმანაშვილი: ,,ზოგადად, იმ ინფრასტრუქტურულ პროექტებს , რომელსაც მუნიციპალიტეტი სხვადასხვა ფონდებიდან ახორციელებს  მილიონი ლარის ღირებულების 2 პროექტი ემატება. მომავალი წლიდან  ჩვენ შეგვიძლია ,,საპილოტე რეგიონების ინტეგრირებული განვითარების პროგრამის“ ფარგლებში  სხვა პროეტების განხორციელებაზეც ვიზრუნოთ. ხარაგაული ინფრასტრუქტურული მიმართულებით არ ჩერდება, უფრო მეტი სიახლეების მოლოდინში ვართ, მიმაჩნია რომ ხარაგაული წარმატებით ახერხებს გაართვას თავი გამოწვევებს.“          

დღეს ხარაგაულის მუნიციპალიტეტის საკრებულომ ბიუროს რიგგარეშე სხდომა გამართა. სხდომაზე ბიუროს წევრებმა დღის წესრიგით გათვალისწინებული საკითხები განიხილეს. ხარაგაულის მუნიციპალიტეტის მერიის წარმომადგენლებმა დეპუტატებს 2021 წლის ბიუჯეტის 6 თვის შესრულების შედეგები გააცვნეს. სხდომაზე აღინიშნა, რომ შედეგები წინა პერიოდთან შედარებით გაუმჯობესებულია. მერის პირველმა მოადგილემ, ვარლამ ჭიპაშვილმა იმედი გამოთქვა, რომ შედეგები წლის ბოლომდე კიდევ უფრო გაუმჯობესდება. ვარლამ ჭიპაშვილმა ყურადღება სამოქალაქო ბიუჯეტზე გაამახვილა და აღნიშნა: „სამოქალაქო ბიუჯეტირება ხარაგაულისთვის სიახლეა და მნიშვნელოვანია მოქალაქეთა ინფორმირება. მოქალაქეებს შეუძლიათ წარმოადგინონ საკუთარი იდეა და მოიპოვონ დაფინანსება, მაქსიმუმ 30 000 ლარის ფარგლებში, საერთო ჯამში მუნიციპალიტეტს სამოქალაქო ბიჯეტირებისთვის 150 000 ლარი აქვს გამოყოფილი.“ სხდომაზე ასევე განიხილეს საბიუჯეტო ცვლილება, რომლის თანახმად, ხარაგაულის ბიუჯეტში გადასახადებიდან მისაღები შემოსავლები 1 007,8 ათასი ლარით, მათ შორის, დამატებითი ღირებულების გადასახადი 507,8 ათასი ლარით გაიზარდა ამჟამად შეადგენს 6 036,2 ათას ლარს. ქონების გადასახადიდან მისაღები შემოსავალი განისაზღვრა 500,0 ათასი ლარით და შეადგენს 1 600,0 ათ. ლარს.   ახალი დაფინანსებიდან 417 000 ლარი უკვე აღებული ვალდებულებების შესასრულებლად მიემართება, 590 000 ათასი ლარი კი შემდეგნაირად გადანაწილდება: გზების კაპიტალური შეკეთება- 120,0 ლარი; გზების მიმდინარე შეკეთება - 180,0 ათასი ლარი; სასმელი წყლის უზრუნველყოფა - 100,0 ათასი ლარი; გარე განათების ახალი წერტილების მოწყობა - 30,0 ათასი ლარი; ა(ა)იპ დასუფთავების ადა კეთილმოწყობის გაერთიანება - კეთილმოწყობის ობიექტების მშენებლობა, რეაბილიტაცია - 10,0 ათასი ლარი, (პროექტის დოკუმენტაციის მომზადება და თანადაფინანსება);   დაბა ხარაგაულში დევების ქანდაკებებისა და მიმდებარე სკვერის რეაბილატაციისათვის საქართველოს რეგიონალური განვითარებისა და ინფრასტრუქტურის სამინისტროს საპილოტე რეგიონების ინტეგრირებული პროგრამაში ჩასართავად -   პროექტის ღირებულება 300,0 ათასი ლარი; სოციალური დაცვის ხარჯებში 150,0 ათასი ლარი, მათ შორის, სამკურნალო და საოპერაციო ხარჯებით დახმარება - 30,0 ათასი ლარი; ერთჯერადი ფინანსური დახმარება - 70,0 ათასი ლარი; სტიქიური მოვლენების შედეგად და/ან მძიმე საცხოვრებელი პირობების მქონე ოჯახების დახმარება - 35,0 ათასი ლარი; ომისა და სამხედრო ძალების ვეტერანთა დახმარება - 10,0 ათასი ლარი. სოციალური დაცვისა და უზრუნველყოფის ობიექტების რეაბილიტაცია და ინვენტარით უზრუნველყოფა - 5,0 ათასი ლარი. საქართველოს რეგიონალური განვითარების ადა ინფრასტრუქტურის სამინისტროს საპილოტე რეგიონების ინტეგრირებული განვითარების პროგრამაში ჩართულია ასევე ხუნევის საბავშვო ბაღის რეაბილიტაცია. პროექტის ტექნიკური დოკუმენტაციის მომზადებისა   და თანადაფინანსებისათვის   საჭიროა 15,0 ათასი ლარი. ბიუროს სხდომაზე ასევე განიხილეს შემდეგი საკითხები: ხარაგაულის მუნიციპალიტეტის საკრებულოს 2020 წლის 9 მარტის N50/11 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ცვლილების შეტანის თაობაზე. ხარაგაულის მუნიციპალიტეტის საკრებულოს 2020 წლის 9 მარტის N50/12 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ცვლილების შეტანის თაობაზე.  

ხარაგაულის მუნიციპალიტეტის მერიაში სოციალური პროგრამებით ივნისი - ივლისის თვეში 730 ადამიანმა ისარგებლა და საერთო ჯამში 150 ათას 593 ლარი გაიცა. მუნიციპალიტეტის მერი, კობა ლურსმანაშვილი აცხადებს, რომ სოციალური თემა ხარაგაულის მუნიციპალიტეტის მერიისთვის პრიორიტეტია. ,,ხარაგაულის ადგილობრივი ბუჯეტიდან სოციალური მიმართულებით მილიონ ლარზე მეტი იხარჯება, ამ კუთხით თანხები კვლავ გაიზრდება. საკრებულოს უკვე მივმართეთ საბიუჯეტო ცვლილების მოთხოვნით , რის საფუძველზეც სოციალური პროგრამების დაფინანსება 150 ათასი ლარით მოიმატებს.“ მერის პირველი მოადგილე, ვარლამ ჭიპაშვილი მიიჩნევს, რომ ქვეყანაში არსებული პანდემიის ფონზე ხარაგაულის მუნიციპალიტეტის მერია ყველა პრობლემას ვერ გადაწყვეტს. ვარლამ ჭიპაშვილი : ,,ვართ მოტივირებულები მაქსიმალურად ვიმუშაოთ და მოვიცვათ მოქალაქეების ის საჭიროებები, რაც მათ აწუხებთ და შევეხიდოთ მათ პრობლემების გადაჭრაში. აქტიურად მუშაობს ჯანმრთელობისა და სოციალური დაცვის სამსახური, სოციალურ საკითხთა და სტიქიის შედეგად დაზარალებული და მძიმე საცხოვრებელი პირობების მქონე მოქალაქეთა კომისია. კომისიური მუშაობის ფორმატში აქტიურად განვიხილავთ შემოსულ განცხადებებს და დროულ და ეფექტურ რეაგირებას ვახდენთ მოსახლეობის მომართვიანობაზე“. თუ რა სახის დახმარებები გაიცა ხარაგაულის მერიის მიერ ივნისის და ივლისის თვეში, ინფორმაციას, მერიის ჯანმრთელობისა და სოციალური დაცვის სამსახურის უფროსი ნანა კიკნაძე გვაწვდის. ივნისის თვეში შემოსულია 191 განცხადება. ადმინისტრაციული დაპირება გაიცა - 65განცხადებაზე 39800 ლარის ოდენობით. ერთჯერადი ფინანსური დახმარება - 55 განცხადება - 9850 ლარი. სოციალურად დაუცველ და უპატრონო მიცვალებულთა სარიტუალო მომსახურება - 6 განცხადება 1200 ლ. სამკურნალო და საოპერაციო ხარჯების დახმარება - 30 განცხადება 17591 ლარი. შშმ პირთა მომვლელის დახმარება--39 განცხადება 1620 ლარი. ბინის ქირით უზრუნველყოფა -5 ოჯახი - 600 ლარი. დიალეზზე მყოფი პაციენტების დახმარება - 13 კაცი 2100 ლარი. უსინათლო პირთა დახმარება - 79 განცხადება 2370 ლარი. დევნილთა დახმარება - 18 კაცი 540 ლარი. საქართველოს ტერიტორიული მთლიანობისთვის ომში დაღუპულთა დახმარება - 4 კაცი 120 ლარი.     სულ დახმარება გაეწია 314 კაცს, 75791 ლარის ოდენობით. ასევე, ივნისის თვეში სტიქიის შედეგად დაზარალებული და მძიმე საცხოვრებელი პირობების მქონე კომისიამ ერთი მოქალაქე განცხადება 3000 ლარით დააკმაყოფილა.   ივლისი თვეში შემოსულია 172 განცხადება. ადმინისტრაციული დაპირება გაიცა - 45განცხადებაზე 26182 ლარის ოდენობით. ერთჯერადი ფინანსური დახმარება - 95 განცხადება-- 15500 ლარი. სამკურნალო და საოპერაციო ხარჯების დახმარება - 89 განცხადება 54400 ლარი. ახალშობილთა ოჯახების დახმარება - 13 განცხადება 2250 ლარი. გარდაცვლილი დევნილთა და ვეტერანთა დაკრძალვა - 1 განცხადება 250 ლარი. მარტოხელა მშობლების დახმარება - 3 განცხადება 300 ლარი. მარჩენალდაკარგულთა ოჯახების დახმარება - 2 განცხადება 400 ლარი. მრავალშვილიანი ოჯახების დახმარება - 8 განცხადება 1900 ლარი. 18 წლამდე შშმ პირთა დახმარება - 3 განცხადება 1600 ლარი. შშმ პირთა მომვლელის დახმარება - 40 განცხადება 1200ლარი. ბინის ქირით უზრუნველყოფა - 5 ოჯახი - 600 ლარი. დიალეზზე მყოფი პაციენტების დახმარება - 13 კაცი 1950 ლარი. უსინათლო პირთა დახმარება - 78 განცხადება 2340 ლარი. დევნილთა დახმარება - 18 კაცი 540 ლარი. საქართველოს ტერიტორიული მთლიანობისთვის ომში დაღუპულთა დახმარება - 3 კაცი 90 ლარი. სულ დახმარება გაეწია 416 განცხადებას 109502 ლარის ოდენობით.   ივლისის თვეში სტიქიის შედეგადა დაზარალებული და მძიმე საცხოვრებელი პირობების მქონე მოქალაქეთ 67   ოჯახის განცხადება დაკმაყოფილდა, რაზედაც  52300 ლარი გაიცა.