ღია დიალოგის რეჟიმში ცენტრალური, სამხარეო და ადგილობრივი ხელისუფლების წარმომადგენლების რეგიონის მოსახლეობასთან შეხვედრები გრძელდება.  მორიგი შეხვედრა ხარაგაულის მუნიციპალიტეტის სოფელ ჯაფაროულის, ზედა ლაშესა და ლაშეს იგორეთში გაიმართა. მოსახლეობამ სოფლებში არსებულ გამოწვევებსა და საჭიროებებზე ისაუბრა. შეხვედრებზე გამოიკვეთა პრიორიტეტები და თვითმმართველობასთან ერთად დაიგეგმა სოფლებში განსახორციელებელი პროექტები. მოსახლეობას მიეწოდა ინფორმაცია ყველაზე მწვავე საკითხზე, რაც საშეშე და სამასალე მერქანზე ხელმიუწვდომლობას გულისხმობდა. აღსანიშნავია, რომ მთავრობა კომპლექსურად მუშაობს საკითხზე, რათა მოსახლეობისთვის ტყე-კაფის მოხმარება სათანადოდ გამოყენებადი გახდეს. გამარტივდა ასევე, ქვა-ღორღის მოპოვებასთან დაკავშირებული რეგულაციები, რაც ასევე, მწვავედ იდგა სოფლად მცხოვრები მოსახლეობის წინაშე. ღია შეხვედრებმა ხარაგაულის მუნიციპალიტეტის 30-მდე სოფელი უკვე მოიცვა. დიალოგის ფორმატი მოსახლეობასთან კვლავ გაგრძელდება და შეხვედრა ყველა ადმინისტრაციულ ერთეულში ჩატარდება.

ხარაგაულის საბავშვო ბაღებში უპრეცედენტო პროექტი განხორციელდა. იმერეთის მასშტაბით პირველად, 30 კილოვატამდე, ქსელში ჩართული მზის მიკრო ელექტროსადგური ვარძიის, ხიდრის, წყალაფორეთის, კიცხის და დაბის #1 საბავშვო ბაღებში დამონტაჟდა. პროექტი - "ალტერნატიული ენერგიის წყაროები და მისი გავლენა ადგილობრივი თემის განვითარებაზე“ არასამთავრობო ორგანიზაციის „ქალები ქვეყნის მომავლისათვის“ ინიციატივით, ეკოგრანტების პროგრამის მხარდაჭერით და ხარაგაულის  თვითმმართველობის თანამონაწილეობით განხორციელდა. არასამთავრობო ორგანიზაცია "ქალები ქყვეყნის მომავლისათვის“ დამფუძნებლის ხათუნა მანჯავიძის ინფორმაციით, დღესდღეობით მსოფლიოში ეკონომიკის სხვადასხვა დარგში უფრო და უფრო მეტად იყენებენ ენერგიის არატრადიციულ ანუ ალტერნატიულ წყაროებს, რომელიც მუდმივად განახლებადია და ნაკლებად აბინძურებს გარემოს. ხარაგაულის ბაღების გაერთიანების დირექტორის მამუკა ჭიპაშვილის თქმით, მზის ელექტროსდგურების დამონატაჟებით საკმაოდ მნიშვნელოვანი თანხები დაიზოგება, რომელიც მომავალში ისევ ბაღებისა და ბავშვების საჭიროებებზე გადანაწილდება. პროექტის შემაჯამებელ ღონისძიებას, რომელიც 25 ოქტომბერს, წყალაფორეთის საბავშვო ბაღში გაიმართა, გარემოს დაცვისა და სოფლის მეურნეობის სამინისტროს, BP-ისა და ადგილობრივი თვითმმართველობის წარმომადგენლები დაესწრნენ. პროექტი დაფინანსებულია BP-ისა და მისი პარტნიორების მიერ ბაქო-თბილისი-ჯეიჰანის ნავთობსადენისა და სამხრეთ კავკასიის გაზსადენის პროექტების ფარგლებში. პროგრამის განმახორციელებელი პარტნიორია კონსულტაციისა და ტრენინგის ცენტრი, სი-თი-სი.

ხარაგაულის მუნიციპალიტეტის სოფელ ლეღვანში, ბურჯანაძეების უბანში, დროებითი ხიდის მონტაჟი მიმდინარეობს. საავტომობილო ხიდი ბურჯანაძეების უბანში, მიმდინარე წლის ივნისში მოსული უხვი ნალექის შედეგად ადიდებულმა მდინარე ლეღვნულამ დააზიანა. ამ ეტაპზე სრულდება დროებითი ხიდის მოწყობა, რომელიც მდინარე ლეღვნულაზე იმ დრომდე იქნება, ვიდრე ახალი საავტომობილო ხიდის მშენებლობა არ დაიწყება.   რაც შეეხება ახალი ხიდის მშენებლობას, როგორც მერიის ინფრასტრუქტურის სამსახურში ამბობენ პროექტი მზადაა. მუნიციპალიტეტის მერია ელოდება თანხის გამოყოფას, რომლის მიღებისთანავე გამოცხადდება ტენდერი და დაიწყება მშენებლობა. ხიდის არარსებობა პრობლემას უქმნიდა მოსახლეობის გადაადგილებას. ხარაგაულის მერია მადლობას უხდის სამხარეო ადმინისტრაციას გამოჩენილი გულსიხმიერებისთვის, რომელთა შუამდგომლობითაც მოხდა ხარაგაულის მუნიციპალიტეტისთვის სახიდე კონსტრუქციის გადმოცემა, თხოვების წესით. რაც შეეხება, ასევე ივნისის სტიქიით დაზიანებულ სხვა ხიდებსა და ხიდ ბოგირებს, პროექტები მზადაა და ამ შემთხვევაშიც მერია ელოდება თანხი გამოყოფას. 

7 ივნისის სტიქიით დაზიანებული ხარაგაულის მუნიციპალიტეტის ლეღვნის ცენტრალურ გზაზე პირველი მონაკვეთის აღდგენის სამუშაოები დასასრულს უახლოვდება. დასრულდა საყრდენი გაბიონის მოწყობა და დაიწყო გზის სავალი ნაწილის აღდგენა. სამუშაოებზე 137 000 ლარი დაიხარჯება. რაც შეეხება გზის მეორე მონაკვეთს საყრდენი კედლის მოწყობის სამუშაოები ინტენსიურ რეჟიმში მიმდინარეობს. სახელშეკრულებო პირობებით სამშენებლო კომპანია გზის ჩაწყვეტილი მონაკვეთის აღდგენას დეკემბერში დაასრულებს.  საერთო ჯამში ლეღვნის ცენტრალური გზის აღდგენით სამუშაოებზე ნახევარ მილიონამდე ლარი დაიხარჯება.  

საგანმანათლებლო ინტელექტ-ჩემპიონატი  - „ეტალონი“, ხარაგაულში, 29 ოქტომბერს გაიმართება.   ეტალონში მონაწილეთა შესარჩევად, ხარაგაულის მუნიციპალიტეტის საჯარო სკოლებში ტესტირებები, 8 ოქტომბერს ჩატარდა. კონკურსის შედეგად სკოლებიდან 75 სხვადასხვა ასაკის მოსწავლე შეირჩა. ხარაგაულის ეტალონი მოსწავლე, 29 ოქტომბერს გამართული კონკურსის შედეგად გამოვლინდება, რომელიც დაბის #3 საჯარო სკოლაშო, 12 საათზე დაიწყება. პროექტს „ეტალონის“ ავტორი და წამყვანი, გოჩა ტყეშელაშვილი გაუძღვება. მონაწილეთა სია: ნინო კიკნაძე - საღანძილის საჯარო სკოლა - IX დავით კამკამიძე - საღანძილის საჯარო სკოლა XI თენგიზ ლომიძე- ვახანის საჯარო სკოლა X მარიტა ბლუაშვილი -ვახანის საჯარო სკოლა X ბეჟან ჩხიკვაძე - ბაზალეთის საჯარო სკოლა VIII  მურმან ბიწაძე - ღორეშის საჯარო სკოლა VIII  სანდრო გაჩეჩილაძე - ღორეშის საჯარო სკოლა XI დიმიტრი ღონღაძე - წიფის საჯარო სკოლა XI ლუკა ზეიდელი - წიფის საჯარო სკოლა X ლიზი კურტანიძე - ხარაგაულის N3 საჯარო სკოლა X ელენე ჩიჩილიძე - ხარაგაულის N3 საჯარო სკოლა X ქეთევან ლაცაბიძე - ხარაგაულის N3 საჯარო სკოლა X ეკატერინე ბუაჩიძე - ნადაბურის საჯარო სკოლა VIII მარიამ ბუაჩიძე - ნადაბურის საჯარო სკოლა X მარიამ გელაშვილი - ნადაბურის საჯარო სკოლა XI მარიამ რიკაძე ბორითის - საჯარო სკოლა X თამარ გაჩეჩილაძე - ბორითის საჯარო სკოლა X ნუნუ ჩაჩანიძე - კიცხის საჯარო სკოლა VIII გიორგი ბერაძე - კიცხის საჯარო სკოლა IX თეკლა ავალიშვილი - კიცხის საჯარო სკოლა IX ნინო მაისურაძე - კიცხის საჯარო სკოლა IX ნიკა მაჩიტაძე - კიცხის საჯარო სკოლა X მათე მაჩიტაძე - კიცხის საჯარო სკოლა X ანა გოდიბაძე - კიცხის საჯარო სკოლა X ოთარ ჩხიკვაძე - კიცხის საჯარო სკოლა X ნინო ვეფხვაძე - ლეღვანის საჯარო სკოლა X თეონა შარიქაძე - ლეღვანის საჯარო სკოლა X დავით მესხი - წმინდა ანდრია პირველწოდებულის სახელობის გიმნაზია X კესო ჩხიკვაძე - წმინდა ანდრია პირველწოდებულის სახელობის გიმნაზია X ლიზი ლაცაბიძე - წმინდა ანდრია პირველწოდებულის სახელობის გიმნაზია X მარიამ სახვაძე - უბისის საჯარო სკოლა VIII სალომე ლურსმანაშვილი - უბისის საჯარო სკოლა VIII მარიამ ყურაშვილი - მოლითის საჯარო სკოლა X ლიზა ღონღაძე - მოლითის საჯარო სკოლა X დიანა ლომსაძე - ლაშის საჯარო სკოლა IX ნიკოლოზ კვინიკაძე - ლაშის საჯარო სკოლა X სალომე კვირიკაშვილი - ლაშის საჯარო სკოლა XI გოჩა ლომიძე - ვერტყვიჭალის საჯარო სკოლა XI ანი ბლიაძე - ვერტყვიჭალის საჯარო სკოლა XI ნინო ლომიძე - ვერტყვიჭალის საჯარო სკოლა XI ნინო გოგოლაძე - ვერტყვიჭალის საჯარო სკოლა XI ინოლა ღონღაძე - ვერტყვიჭალის საჯარო სკოლა XI თამთა პავლაძე - ბორის საჯარო სკოლა VIII გიგა ბერაძე - ბორის საჯარო სკოლა IX დავით ბერაძე - ბორის საჯარო სკოლა XI გიგა მაისურაძე - ვარძიის საჯარო სკოლა VIII თათია ხიჯაკაძე - ვარძიის საჯარო სკოლა XI გვანცა გოგოლაძე - ვაშლევის საჯარო სკოლა IX მარიამ ტაბატაძე - მარელისის საჯარო სკოლა IX ნია ყიფიანი - მარელისის საჯარო სკოლა IX ნინო არევაძე - მარელისის საჯარო სკოლა IX ნონა ყიფიანი - მარელისის საჯარო სკოლა XI მარი ქურდაძე - მარელისის საჯარო სკოლა X ლუკა ცისკაძე - მარელისის საჯარო სკოლა X ნინო ყიფიანი - მარელისის საჯარო სკოლა X ნათია გოგოლაძე - ხუნევის საჯარო სკოლა VIII ნათია ლომიძე - ხუნევის საჯარო სკოლა VIII ეკა ლომიძე - ხუნევის საჯარო სკოლა VIII ლუკა გაგოშიძე - ხიდრის საჯარო სკოლა X გიორგი ტყემალაძე - ხიდრის საჯარო სკოლა X გიორგი ლელაძე - ხიდრის საჯარო სკოლა X  ნია ფოფხაძე - ხარაგაულის N2 საჯარო სკოლა IX საბა მესხი - ხარაგაულის N2 საჯარო სკოლა X ქეთი დავაძე - ხარაგაულის N2 საჯარო სკოლა X ლია კამკამიძე - ხარაგაულის N2 საჯარო სკოლა XI თამუნა გრიგალაშვილი - ხევის საჯარო სკოლა IX მარიამ ხაჩიძე - ხევის საჯარო სკოლა IX თამარ სამხარაძე - ხევის საჯარო სკოლა IX ნინო გრიგალაშვილი - ხევის საჯარო სკოლა XI ნათია ხაჩიძე- ხევის საჯარო სკოლა XI თამაზ დალალიშვილი - ზვარეს საჯარო სკოლა VIII თინათინ ტალახაძე - ზვარეს საჯარო სკოლა IX ინგა გოგნაძე - ზვარეს საჯარო სკოლა X შორენა ცისკაძე - სარგვეშის საჯარო სკოლა IX მაია გელაშვილი - სარგვეშის საჯარო სკოლა VIII

13 ოქტომბერს პირველად ხარაგაულში რაგბის რეგიონული ფესტივალი გაიმართა.  ამ დღიდან ხარაგაულის რაგბის გუნდი, ოფიციალურად, საქართველოს რაგბის კავშირის წევრი გახდა. პატარა ბორჯღალოსნებით დაკომპლექტებული გუნდი ხარაგაულში მას შემდეგ ჩამოყალიბდა, რაც მუნიციპალიტეტის მერს, ნიკოლოზ თოფურიძეს, ახალგაზრდებმა ამ ინიციატივით მიმართეს. მათი ერთობლივი ძალისხმევით და სპორტისა და შიდა ტურიზმის ცენტრის ხელშეწყობით სოფელ კიცხის სტადიონის ბაზაზე რაგბის სექციამ ერთი წლის წინ დაიწყო ფუნქციონირება. საქართველოს რაგბის კავშირის დასავლეთ საქართველოს საქმიანობის კოორდინატორის, იოსებ დეკანოიძის ინფორმაციით, ხარაგაულის რაგბის გუნდს ყავს პროფესიონალი მწვრთნელი, გია გოგოლიძე, რომელმაც რაგბის ფედერაციაში სემინარები წარმატებით გაიარა. ხარაგაულში რაგბის რეგიონულ ფესტივალში დასავლეთ საქართველოს 21-მა გუნდმა მიიღო მონაწილეობა, რომელთაც სტადიონზე სპეციალური პროგრამა წარმოადგინეს, საჩვენებელი თამაშები გამართეს და შემოწმება გაიარეს. რაგბის ფესტივალი ყოველწლიურად, სპეციალური კალენდრის მიხედვით, სხვადასხვა მუნიციპალიტეტებში ტარდება. აღსანიშნავია, რომ 2020 წელს კალენდრის მიხედვით ფესტივალს კვლავ ხარაგაული უმასპინძლებს. რეგიონული ფესტივალის ყველა გუნდი წამახალისებელი სიგელებითა და სერტიფიკატებით დაჯილდოვდა.

სპორტინგი - ასე ეწოდება სპორტის სახეობას, რომელიც სტენდით სროლაში შეჯიბრს გულისხმობს. ხარაგაული ერთ-ერთი პირველი მუნიციპალიტეტია, სადაც მოყვარულებს შორის სპორტინგის ჩემპიონატი ჩატარდა. ტურნირი 4 ეტაპად გაიმართა, რომელიც ყველა შემდეგ ეტაპზე რთულდებოდა. 14 მონაწილიდან ნახევარ ფინალში ექვსი მონაწილე გადავიდა. საბოლოოდ კი, სამი გამარჯვებული გამოვლინდა.  პირველი ადგილი კოტე კვირიკაშვილმა დაიკავა, მეორე ადგილზე მალხაზ სარალიძე გავიდა, ხოლო მესამე ადგილის მფლობელი მერაბ ყანჩაველი გახდა. სპორტის ეს ურთულესი სახეობა საქართველოში 2009 წლიდან იკიდებს ფეხს და ჩემპიონატები ძირითადად, თბილისის მიმდებარე ტერიტორიებზე იმართება. ხარაგაულში ტურნირი, საქარიქედის მინდვრებზე ჩატარდა და დიდი ოვაციების ფონზე ჩაიარა. მონაწილეებმა ერთსულოვნად აღნიშნეს, რომ ერთი ძალიან აზარტული და სასიამოვნო დღე გაატარეს. სპორტინგის ორგანიზატორია ხარაგაულის მერიის კულტურის სამსახური. ტურნირზე სპეციალურად ამ დღისთვის მოწვეული იყვნენ სპორტინგის კონსტრუქტორები და ჩემპიონატის უსაფრთხოდ ჩატარებისთვის ტურნირში ჩართული იყო ყველა შესაბამისი უწყება.

ხარაგაულის მერიაში ადგილობრივი ხელისუფლების წარმომადგენლებსა და გაერთიანებული წყალმომარაგების კომპანიის თანამშრომლებს შორის შეხვედრა გაიმართა. შეხვედრაზე მხარეებმა ხარაგაულში  24 საათიანი წყალმომარაგების აღდგენაზე ისაუბრეს. კერძოდ, კომპანიას უკვე მზად აქვს პროექტები, რომლის მიხედვითაც ხარაგაულში ე.წ „წყალკანალის“ ტერიტორიაზე ახალი ჭაბურღილების მოწყობა და სტიქიით დზიანებული ლეღვნის წყლის მაგისტრალის აღდგენა მოხდება. გაერთიანებული წყალმომარაგების კომპანიის აქტივების სამსახურის უფროსის, ნიკა კახიძის ინფორმაციით, ხარაგაულის უწყვეტი წყალმომარაგებისთვის ლეღვნის სათავე ნაგებობის აღდგენასთან ერთად ხარაგაულში აუცილებელია ალტერნატიული ჭაბურღილების მოწყობა, რადგან როგორც ცნობილია ძლიერი ნალექის დროს ლეღვნის წყალი იმღვრევა, რის შემდეგაც მოსახლეობას წყალმომარაგება უწყდება. რაც შეეხება აღნიშნულ პრობლემას კომპანიის წარმომადგენლების განმარტებით, საპროექტო ორგანიზაცია ვერ მივიდა იმ წერტილამდე საიდან ხდება ლეღვნის წყლის ამღვრევა. რეალურად ეს არის ბუნებრივად, მიწისქვეშ კარსტული წარმოშობის წყალი, რომელსაც საიდანღაც ემატება უხვი ნალექის შედეგად მთიდან წამოსული ნიაღვრის წყალი და ხდება ამღვრევა. გამომდინარე აქედან, კომპანია ადგილობრივი თვითმმართველობის წარმომადგნლებთან ერთად თანხმდება შემდეგზე: ხარაგაულის უწყვეტი წყალმომარაგებისთვის იმუშავებს ორი სათავე ნაგებობა, უხვი ნალექსი დროს გაითიშება ლეღვნის სათავე და ჩაირთვება ხარაგაულის ალტერნატიული ჭაბურღილი.    ამ ეტაპზე ორ მხარეს შორის მიმდინარეობს შესაბამისი ტექნიკური დეტალების დაზუსტება.

პედაგოგთა პროფესიული დღისადმი მიძღვნილი ღონისძიებები ხარაგაულში ორი დღის განმავლობაში მიმდინარეობდა. 4 ოქტომბერს, ხარაგაულის მუნიციპალიტეტის მერიის, საგანმანათლებლო რესურსცენტრისა და სპმთპ-ის ხარაგაულის რაიონული ორგანიზაციის ინიციატივით, სამუსიკო სკოლის დარბაზში საჯარო სკოლების პედაგოგებთან შეხვედრა გაიმართა.    ღონისძიებაზე რესურსცენტრისა და ადგილობრივი ხელისუფლების წარმომადგენლებმა 2018-2019 სასწავლო წლის წარმატებული პედაგოგები, რომლებიც სხვადასხვა კრიტერიუმებით და გამორჩეული აქტივობებით შეფასდნენ, ფასიანი საჩუქრებითა და წამახალისებელი სიგელებით დააჯილდოეს.   ხარაგაულის სკოლის პედაგოგებს პროფესიული დღე მიულოცეს მერიის კულტურის სამსახურის უფროსმა, ირინე ჩხეიძემ, საგანმანათლებლო რესურსცენტრის უფროსმა, მარინა ვეფხვაძემ და ადგილობრივი თვითმმართველობის წარმომადგენლებმა. ღონისძიება მუსიკალური ნომრებით გააფორმეს კულტურის ცენტრთან არსებულმა ანსამბლმა „ხარაგაულის ხმებმა“ და სამუსიკო სკოლის მოსწავლეებმა. მასწავლებელთა დღისადმი მიძღვნილი ღონისძიება გაიმართა ასევე, 5 ოქტომბერს, დაბის #1საბავშვო ბაღში, რომელშიც მუნიციპალიტეტის სკოლამდელ დაწესებულებათა თანამშრომლები მონაწილეობდნენ.   საბავშვო ბაღების აღმზრდელების და თანამშრომლების ჩართულობით შემოქმედებით საღამოზე წარმოდგენილი იყო მუსიკალური და თეატრალური ნომრები. მოეწყო ასევე, ხელნაკეთი ნივთების გამოფენა. ღონისძიებას ხარაგაულის მერის მოადგილე, თემურ ჩხეიძე და ბაღების გაერთიანების დირექტორი მამუკა ჭიპაშვილი დაესწრნენ, რომელთაც სკოლამდელი აღზრდის პედაგოგებს პროფესიული დღე მიულოცეს და მათ წარმატებები უსურვეს. პედაგოგთა პროფესიულ დღეს განსხვავებული აქტივობით გამოეხმაურა ხარაგაულის მერი ნიკოლოზ თოფურიძე. მან მუნიციპალიტეტში მცხოვრები უხუცესი პედაგოგი, დარო გელაშვილი ვერტყვიჭალის საჯარო სკოლის დირექტორ, ლენა აბაშიძესთან ერთად მოინახულა და მასწავლებლის დღე პირადად მიულოცა. 92 წლის ქიმიის პედაგოგმა, სოფელ ვერტყვიჭალის საჯარო სკოლაში 50 წელი გაატარა.  აღსანიშნავია, რომ ხარაგაულის მერია პროფესიული დღის აღსანიშნავად, დარო გელაშვილს, ფულადი ჯილდოს სახით 500 ლარს გადასცემს, რომელიც მის პირად ანგარიშზე ჩაირიცხება.

ხარაგაულში ორი დღეა „ევროპის მემკვიდრეობის დღეები“ აღინიშნება.  ხარაგაულის ისტორიულ მუზეუმში ღონისძიებები 2019 წლის საერთო თემის „ხელოვნება და სანახაობა“ ფარგლებში ჩატარდა. 3 ოქტომბერს დაბის სკოლების უმცროსკლასელება წარმოადგინეს პროექტი „ჩვენ ვაფერადებთ სამყაროს“, რომლის ფარგლებში მუზეუმის ეზოში ევროკავშირის ქვეყნები მოხატეს. 4 ოქტომბერს ევროპის დღეების აქტივობებში მუნიციპალიტეტის საჯარო სკოლები ჩაერთვნენ, რომელთაც მათ მიერ არჩეული ევროკავშირის ქვეყნები წარმოადგინეს. ევროპის მემკვიდრეობის დღეების ჩატარების ინიციატივა ჯერ კიდევ 1985 წელს გაჩნდა, ხოლო 1999 წლიდან ევროპის საბჭოსა და ევროკომისიის ერთობლივი პროგრამის სახე მიიღო, რომელშიც მონაწილებას იღებს ევროპის კულტურული კონვენციის ხელმომწერი 50 ქვეყანა. ევროპის მემკვიდრეობის დღეები ყოველი წლის შემოდგომაზე, ერთ-ერთ შაბათ-კვირას იმართება და წარმოადგენს ევროპულ ღირებულებებზე დაფუძნებულ ღონისძიებათა ერთობლიობას, რომელიც გამოფენების, კონფერენციების, საჯარო ლექციების, და სხვადასხვა მიზნობრივი ჯგუფებისათვის დაგეგმილი შემეცნებით-გასართობი პროგრამების მეშვეობით ხელს უწყობს საერთო ევროპული მემკვიდრეობის შესახებ ცნობიერების ამაღლებასა და პოპულარიზაციას.