წარმატებილი პროექტები
http://new.admin.kharagauli.ge/images/doc_files/ghjghjhkj.JPG
17/12/2018 09:31

ბიურომ მუნიციპალიტეტის მერის ანგარიში მოისმინა

დღეს ხარაგაულის მუნიციპალიტეტის მერმა, ნიკოლოზ თოფურიძემ საკრებულოს ბიუროს წევრებს გაწეული მუშაობის შესახებ ანგარიში წარუდგინა. საკითხის განხილვა კითხვა- პასუხის ფორმატში წარიმართა. საკრებულოს საფინანსო-საბიუჯეტო კომისიის თავმჯდომარე, ვარლამ ჭიპაშვილი  დაინტერესდა, რა მიზეზით შეფერხდა სტიქიის სალიკვიდაციო ფონდიდან გამოყოფილი თანხით საუბნო გზების რეაბილიტაცია ბაზალეთში, რა  შედეგები გამოიღო ა(ა)იპ-ების რეორგანიზაციამ და  რომელი პროექტების დაფინანსებაზე აწარმოებს მერია მოლაპარაკებებს მუნიციპალური განვითარების ფონდთან. ნიკოლოზ თოფურიძის განცხადებით, სტიქიის სალიკვიდაციო ფონდიდან დასაფინანსებელ პროექტებზე ტენდერში არაკეთილსინდისიერმა მეწარმემ გაიმარჯვა, რის შედეგადაც,  ამ დრომდე, ვერ მოხერხდა ბაზალეთში პროექტების განხორციელება. ნიკოლოზ თოფურიძის განმარტებით, ბაზალეთში ნანიტაშვილების გზის რეაბილიტაციის პროექტი, ამ დროისათვის ტენდერზეა და სამშენებლო სამუშაოები დაიწყება. მუნიციპალიტეტის მერმა, ასევე, მუნიციპალური განვითარების ფონდში წარდგენილ პროექტებზე ისაუბრა. ესენია ღორეშა-ბაზალეთის დამაკავშირებელი გზის რეაბილიტაცია, კიცხის სკოლის რეაბილიტაცია, სოფლებში ვერტყვიჭალასა და საღანძილეში საბავშო ბაღების მშენებლობა, ასევე, ნადაბურის ხიდის რეაბილიტაცია. კომენტარი გააკეთა მერმა ა(ა)იპ-ების რეორგანიზაცია-ოპტიმიზაციის შესახებაც და აღნიშნა, რომ ეს პროცესი ჯერ არ დასრულებულა და ხარაგაულში რეორგანიზაციები ისევ გაგრძელდება.  ფრაქცია „თვითმმართველობა ხალხისთვის“ თავმჯდომარე ინგა მაღრაძე დაინტერესდა, რა ბედი ეწევა ცენტრალურ პარკში არსებულ ამფითეატრს. მისი აზრით, ასევე ვერანაირი შედეგი ვერ გამოიღო ა(ა)იპ-ების რეორგანიზაციამ. ნიკოლოზ თოფურიძის თქმით, ამფითეატრთან დაკავშირებით ლევან სამხარაულის ექსპერტიზამ   დადო დასკვნა, რომ შენობა ექსპლუატაციისთვის არ არის ვარგისი. აღნიშნულიდან გამომდინარე უნდა მოხდეს ობიექტის დემონტაჟი და აშენდეს ახალი. დეპუტატ მალხაზ ფხალაძის განცხადებით, წყალაფორეთის ადმინისტრაციულ ერთეულში ყველაზე მეტად წყალთან დაკავშირებით არის პრობლემები. ნიკოლოზ თოფურიძის ინფორმაციით, 2019 წელი, მერიამ წყლის წლად გამოაცხადა, ამისთვის ბიუჯეტში თანხებიც განისაზღვრა. მერი განმარტავს, რომ ადგილობრივი ბიუჯეტის დაფინანსებას, დაემატება სოფლის მხარდაჭერის პროგრამით გამოყოფილი თანხები და სახელმწიფოს ნება, რომელიც არტეზიული ჭების დაფინანსებას გეგმავს.  ფრაქცია „ქართული-ოცნება მრეწველების“ თავმჯდომარემ  ვალოდა კელენჯერიძემ „საპატიო ხარაგაულელის“ სტატუსის მინიჭებასთან დაკავშირებით ისაუბრა. ვალოდა კელენჯერიძის განცხადებით, სპატიო ხარაგაულელის წოდება მიენიჭა 2014-2015 წლებში რამდენიმე წარმატებულ ხარაგაულელს და კარგი იქნება ეს ტრადიცია თუ აღდგება. ნიკოლოზ თოფურიძემ აღნიშნა, რომ მომავალ წელს აუცილებლად მოხდება „საპატიო ხარაგაულელების“  არჩევა. ხარაგაულის მერის წლიურ ანგარიშს საკრებულო 2019 წლის 8 იანვარს მორიგ სხდომაზე მოისმენს. ბიუროს სხდომაზე ასევე განიხილეს 2018 წელს რეგიონული განვითარების ფონდში წარსადგენი დასაფინანსებელი პროექტები, რომელიც ინფრასტრუქტურის სამსახურის უფროსმა თემურ თაბუკაშვილმა წარადგინა. ხარაგაულის მუნიციპალიტეტის მერია, რეგიონალური განვითარების ფონდში 9 057 304 მილიონამდე ლარის ღირებულების პროექტებს წარადგენს. ბიუროს წევრებმა, რეგიონული განვითარების ფონდში წარსადგენი პროექტები მოიწონეს, რომელთა განხილვა კომისიებში გაგრძელდება და საკითხი 24 დეკემბრის საკრებულოს რიგგარეშე სხდომაზე გავა. სხდომაზე საფინანსო-საბიუჯეტო სამსახურის უფროსმა ვლადიმერ გელაშვილმა მორიგი საბიუჯეტო ცვლილება წარადგინა. ვლადიმერ გელაშვილის განცხადებით, სტიქიის სალიკვიდაციო ფონდიდან ხარაგაულის მუნიციპალიტეტს 60 ათასი ლარი ჩაერიცხა. ამავე სხდომაზე დეპუტატებმა განიხილეს ფრაქცია „ქართული-ოცნება მრეწველების“ ანგარიში, რომელიც ამავე ფრაქციის თავმჯდომარემ, იუზა კელენჯერიძემ წარუდგინა ბიუროს წევრებს. სხდომაზე ასევე განიხილეს: 1. ხარაგაულის მუნიციპალიტეტის საკრებულოს სამანდატო საპროცედურო საკითხთა და ეთიკის კომისიის ანგარიში გაწეული მუშაობის შესახებ; 2. ხარაგაულის მუნიციპალიტეტის საკრებულოს 2017 წლის 21 ნოემბრის #50/72 განკარგულებაში „ხარაგაულის მუნიციპალიტეტის საკრებულოს საფინანსო - საბიუჯეტო კომისიის შემადგენლობის დამტკიცების შესახებ“ ცვლილების შეტანის თაობაზე.
სრულად
http://new.admin.kharagauli.ge/images/dfghgjjhk.PNG
13/12/2018 13:04

12 დეკემბერს საკრებულოს რიგგარეშე სხდომა გაიმართება

გაცნობებთ, რომ ხარაგაულის მუნიციპალიტეტის საკრებულო 12 დეკემბერს, 11 საათზე,  რიგგარეშე  სხდომას გამართავს. სხდომაზე შემდეგ საკითხებს განიხილავენ: ხარაგაულის მუნიციპალიტეტის საკრებულოს 2017 წლის 19 დეკემბრის N42 დადგენილებაში ,,ხარაგაულის მუნიციპალიტეტის თვითმმართველი ერთეულის 2018 წლის ბიუჯეტის დამტკიცების შესახებ“ ცვლილების შეტანის თაობაზე მომხს: ვლადიმერ გელაშვილი ხარაგაულის მუნიციპალიტეტის თვითმმართველი ერთეულის 2019 წლის ბიუჯეტის დამტკიცების შესახებ მომხს: ვლადიმერ გელაშვილი ხარაგაულის მუნიციპალიტეტის საკრებულოს თავმჯდომარის ანგარიში გაწეული მუშაობის შესახებ მომხს: მანანა ბარბაქაძე ხარაგაულის მუნიციპალიტეტის გენდერული თანასწორობის საბჭოს მიერ გაწეული მუშაობის შესახებ ანგარიში მომხს: მანანა ბარბაქაძე ხარაგაულის მუნიციპალიტეტის საკრებულოს 2019 წლის წლიური და კვარტალური სამუშაო გეგმის დამტკიცების შესახებ მომხს: მანანა ბარბაქაძე ფრაქცია „ძალა ერთობაშია“-ს რეგისტრაციის ცნობად მიღების შესახებ მომხს: ოთარ ლურსმანაშვილი
სრულად
http://new.admin.kharagauli.ge/images/pdf_files/fgjhndxgh.JPG
03/12/2018 17:39

დეპუტატებმა 9 თვის ბიუჯეტის შესრულებასთან დაკავშირებით შენიშვნები გამოთქვეს

დღეს საკრებულოს სხდომაზე ხარაგაულის მუნიციპალიტეტის თვითმმართველი ერთეულის 2018 წლის 9 თვის ბიუჯეტის შესრულების ანგარიში განიხილეს. ანგარიში დეპუტატებს მერიის საფინანსო-საბიუჯეტო სამსახურის უფროსმა, ვლადიმერ გელაშვილმა წარუდგინა. ხარაგაულის მუნიციპალიტეტის ცხრა თვის ბიუჯეტი შემოსულობების ნაწილში  60,3 %-ით შესრულდა, დაგეგმილი 11 997 700 ლარის ნაცვლად მიღებულია - 7 234 200 ლარი. შემოსულობების გეგმის შეუსრულებლობა გამოწვეულია რეგიონული განვითარების ფონდიდან მისაღები თანხების გამო. გადასახადების გეგმა მუნიციპალიტეტს შესრულებული აქვს 151, 1 %-ით. დაგეგმილი 295,5 ათასი ლარიდან მიღებული აქვს 447,9 ათასი ლარი. გადასახდელების ნაწილში გეგმა შესრულებულია 58,8 %-თ.  ანგარიშის გაცნობის შემდეგ დეპუტატებმა განსაკუთრებული ყურადღება გაამახვილეს მუნიციპალიტეტში მიმდინარე ინფრასტრუქტურულ პროექტებზე. მათი განცხადებით 2018 წელს დეგეგმილი ინფრასტრუქტურული პროექტებიდან, ამ ეტაპზე ნახევარიც არ არის განხორციელებული.  საკრებულოს წევრებმა ასევე, ერთჯერად დახმარებების აუცილებლობაზე ისაუბრეს. საკრებულოს განთლების, კულტურის და ახალგაზრდულ საკითხთა კომისიის თავმჯდომარის, დავით კიკნაძის განმარტებით, მიმდინარე წელს ერთჯერად დახმარებებზე გაცემულია მხოლოდ-900 ლარი. მისი თქმით მუნიციპალიტეტში ძალიან ბევრი ოჯახია, რომელსაც არანაირი შემოსავალი არ გააჩნია და მათთვის 100-150 ლარიანი ერთჯერადი დახმარება მნიშვნელოვანია. დავით კიკნაძის მოსაზრებას, ერთჯერად დახმარებების გაცემასთან დაკავშირებით, სხდომაზე მყოფი დეპუტატებიც იზიარებენ. საფინანსო-საბიუჯეტო კომისიის თავმჯდომარე, ვარლამ ჭიპაშვილი ბიუჯეტთან დაკავშირებით განმარტავს, რომ გადაჭარბებით იყო დაგეგმილი ბუნებრივი რესურსების მოსაკრებლი, რომელიც ვერ შესრულდა,  ისევე როგორც ვერ შესრულდა-არა ფინანსური აქტივების  კლებიდან შემოსავლები.  ვარლამ ჭიპაშვილმა და გია თავზარაშვილმა ასევე შენიშვნები გამოთქვეს ინფრასტრუქტურული პროექტების შესრულების დაბალ პროცენტულ მაჩვენებელზე. ვარლამ ჭიპაშვილი აღნიშნავს, რომ  სტიქიის სალიკვიდაციო ფონდიდან ხარაგაულის მუნიციპალიტეტს, გასული წლის დეკემბერში  მილიონ 700 ათასი ლარი გამოეყო და პროექტები ჯერ კიდევ არ არის მზად.   სხდომაზე ეთიკის, იურდიული, სამანდატო და საპროცედურო კომისიის თავმჯდომარემ, ოთარ ლურსმანაშვილმა გამოთქვა ინიციატივა, რომ დეკემბერში მოწვეულ იქნას რიგგარეშე საკრებულო სხდომა, სადაც მოწვეული იქნება მუნიციპალიტეტის მერი, რომელიც დეპუტატებს ერთი წლის საქმიანობის ანგარიშს გააცნობს.   ოთარ ლურსმანაშვილის პოზიცია  საკრებულოს დეპუტატებმაც გაიზიარეს და აღნიშნეს, რომ აუცილებელია მერს მოუსმინონ. სხდომაზე ეკონომიკისა და  ქონების მართვის სამსახურის უფროსმა, ჯაბა ბერაძემ დასუფთავების მოსაკრებლის შემოღებასთან დაკავშირებით ისაუბრა. ჯაბა ბერაძის თქმით, მომავალი წლიდან დასუფთავების გადასახადი უნდა გადაიხადო დაბა ხარაგაულსა და იმ სოფლებში მცხოვრებმა მოსახლეობამ, სადაც ნაგვის ბუნკერებია განთავსებული. ერთ სულ მოსახლეზე, დასუფთავების ყოველთვიური გადასახადი იქნება-50 თეთრი.  ხოლო სოციალურად დაუცველი ოჯახის ერთ წევრზე, გადასახადი -20 თეთრით განისაზღვრა.  აღსანიშნავია, რომ  ოთხი ან/და მეტ წევრიანი ოჯახები არ გადაიხდიან ორ ლარზე მეტს (სოციალურად დაუცველი ოჯახების შემთხვევაში-80 თეთრზე მეტს). სხდომაზე  მერიის ადმინისტრაციული სამსახურის უფროსმა, კახა გოლუბიანმა საშტატო ნუსხაში შესატან ცვლილებებზე წარადგინა საკითხი. კახა გოლუბიანის განმარტებით, სამხედრო გაწვევისა და აღრიცხვის სამსახურიდან ერთი შტატი გამოთავისუფლდა, რომელიც უნდა გადავიდეს კოორდინაციის განყოფილებაში, კერძოდ მეოთხე რანგის უმცროსი სპეციალისტი დაინიშნება ვარძიის ადმინისტრაციულ ერთეულში.    
სრულად
http://new.admin.kharagauli.ge/images/doc_files/dxfhdfghjvhkmbn.JPG
19/11/2018 10:23

საფინანსო-საბიუჯეტო კომისიამ 2019 წლის ბიუჯეტის პროექტი განიხილა

დღეს ხარაგაულის მუნიციპალიტეტის საკრებულოს საფინანსო-საბიუჯეტო კომისიის სხდომა გაიმართა. სხდომას კომისიის წევრები, ა(ა)იპ-ების დირექტორები, ბუღალტრები და საკითხით დაინტერესებული საზოგადოების წარმომადგენლები ესწრებოდნენ. სხდომაზე ხარაგაულის მუნიციპალიტეტის თვითმმართველი ერთეულის 2019 წლის ბიუჯეტის პროექტი მოისმინეს და ა(ა)იპ-ების საბიუჯეტო მოთხოვნები განიხილეს. იხ. ბმული როგორც მერიის საფინანსო-საბიუჯეტო სამსახურის უფროსმა, ვლადიმერ გელაშვილმა განაცხადა: „ხარაგაულის მუნიციპალიტეტის 2019 წლის შემოსულობების გეგმა 736 600 ლარით გაიზარდა, მიზნობრივი ტრანსფერი 138 000 ლარს, გადასახადებიდან მისაღები შემოსავლები - 5 997 800 ლარს, სხვა შემოსავლები კი 145 000 ლარს შეადგენს. ხარაგაულის მუნიციპალიტეტის მთლიანი ბიუჯეტი პროექტი კი 7 625 800 ლარით განისაზღვრა. 2019 წლის ბიუჯეტის პროექტში ა(ა)იპ-ებისთვის გათვალისწინებულია: ა(ა)იპ „ეთერ კიკნაძის სკოლამდელ დაწესებულებათა გაერთიანება“ – 1 130 000 ლარი; ა(ა)იპ „მოსწავლე - ახალგაზრდობის სახლი“ – 100 000 ლარი; ა(ა)იპ „სპორტისა და შიდა ტურიზმის განვითარების ცენტრი“ – 380 000 ლარი; ა(ა)იპ „შოთა ბუაჩიძის სახელობის სამუსიკო სკოლა“ – 110 000 ლარი; ა(ა)იპ „კულტურისა და ხელოვნების ცენტრი“ – 647 000 ლარი; ა(ა)იპ „მოქალაქეთა ჩართულობისა და ინფორმირების მუნიციპალური ცენტრი“ – 50 000 ლარი; ა(ა)იპ „საზოგადოებრივი ჯანდაცვის ცენტრი“ – 125 000 ლარი; ა(ა)იპ „სათნოების სახლი“ – 93 000 ლარი; კომისიის სხდომაზე  კულტურის სფეროში მოღვაწე  ა(ა)იპ-ებში აღსაზრდელების მხრიდან სწავლისათვის არსებული გადასახადის გაუქმების შესახებ დაისვა საკითხი. მოსწავლე ახალგაზრდობის სახლის დირექტორი, მაია ბლუაშვილი თანახმაა გაუქმდეს აღნიშნული გადასახადი, თუკი ა(ა)იპ-ის ბიუჯეტი ამ დანაკლისის მიხედვით (ამ შემთხვევაში 2 800 ლარით) გაიზრდება. ამავე მოსაზრებას ეთანხმება მუსიკალური სკოლის დირექტორი, ლალი ალექსიძე, თუმცა მიიჩნევს, რომ არსებული გადასახადი (10 ლარი) მინიმალური  თანხაა და ამის საფუძველზე  აღსაზრდელთა კონტიგენტის გაზრდას არ მოელის. სხდომაზე დებატები მოჰყვა ორი ა(ა)იპ-ის „სათნოების სახლისა“ და “მოქალაქეთა ჩართულობისა და ინფორმირების მუნიციპალური ცენტრის“ დაფინანსების საკითხს. კომისიის წევრთა ნაწილი მიიჩნევს, რომ აღნიშნული ა(ა)იპ-ების მიერ შესასრულებელი მომსახურებები მუნიციპალიტეტის მერიამ ტენდერზე უნდა გაიტანოს, რითაც უკეთეს მომსახურებას მიიღებს და თანხების დაზოგვაც მოხდება. კომისიის სხდომაზე, ასევე, განიხილეს ინფრასტრუქტურის მშენებლობა-რეაბილიტაციისა და მოვლა-შენახვის საკითხი, რისთვისაც 2019 წლის ბიუჯეტის პროექტში 380 000 ლარია გათვალისწინებული. საფინანსო-საბიუჯეტო კომისია შენიშვნებსა და რეკომენდაციებს მუნიციპალიტეტის მერიას წარუდგენს.
სრულად
http://new.admin.kharagauli.ge/images/doc_files/dtyhjufgchjfcghj.JPG
19/11/2018 10:02

დეპუტატებმა 9 თვის ბიუჯეტის შესრულების ანგარიში განიხილეს

ხარაგაულის მუნიციპალიტეტის თვითმმართველი ერთეულის 2018 წლის 9 თვის ბიუჯეტის შესრულების ანგარიში განიხილეს  საკრებულოს ბიუროსა და  საფინასო-საბიუჯეტო კომისიის სხდომებზე.   იხ. დანართი ცხრა თვის ბიუჯეტის შესრულების შესახებ ანგარიში საფინანსო-საბიუჯეტო სამსახურის უფროსმა, ვლადიმერ გელაშვილმა  და სახაზინო-საბიუჯეტო დაგეგმარების განყოფილების უფროსმა, ნინო მაღლაკელიძემ წარუდგინა საკრებულოს დეპუტატებს. ხარაგაულის მუნიციპალიტეტის ცხრა თვის ბიუჯეტი შემოსულობების ნაწილში  60,3 %-ით შესრულდა, დაგეგმილი 11 997 700 ლარის ნაცვლად მიღებულია 7 234 200 ლარი. შემოსულობების გეგმის შეუსრულებლობა გამოწვეულია რეგიონალური განვითარების ფონდიდან მისაღები თანხების გამო. გადასახადების გეგმა მუნიციპალიტეტს შესრულებული აქვს 151, 1 %-ით. დაგეგმილი 295,5 ათასი ლარიდან მიღებული აქვს 447,9 ათასი ლარი. გადასახდელების ნაწილში გეგმა შესრულებულია 58,8 %-თ.  ანგარიშის გაცნობის შემდეგ დეპუტატებმა განსაკუთრებული ყურადღება გაამახვილეს მუნიციპალიტეტში მიმდინარე ინფრასტრუქტურულ პროექტებზე, რომელიც ცხრა თვის შედეგების მიხედვით   47,2%-ით შესრულდა. ასევე ისაუბრეს ერთჯერად დახმარებებზე, რომელიც ბიუჯეტიდან მცირე თანხით დაფინანსდა. როგორც ფრაქცია „ქართული ოცნება-დემოკრატიული საქართველოს“ თავმჯდომარემ, პაატა გოგოლაძემ განმარტა, დაგეგმილი 12 383 000 ათასი ლარიდან ინფრასტრუქტურულ პროექტებზე მხოლოდ 5 840, 7 ათასი ლარია გახარჯული. მისი განცხადებით, ბიუჯეტში შემოსულობები იზრდება, თუმცა ინფრასტრუქტურული პროექტების შესრულების მაჩვენებელი  დაბალია, რაც მოსახლეობის პროტესტს იწვევს. დეპუტატ მალხაზ ფხალაძის განცხადებით, წყალაფორეთის ადმინისტრაციულ ერთეულში  ინდმეწარმემ ხელშეკრულებით გათვალისწინებულ დროში ვერ მოახერხა ლახუნდარის გზაზე სამშენებლო სამუშაოების დასრულება. გზის დაგება მიატოვა და სამუშაოები სხვა ადმინისტრაციულ ერთეულში გააგრძელა.  მაჟორიტარი დეპუტატის, დავით კიკნაძის განცხადებით, საღანძილის ხიდის რეაბილიტაციისათვის ტენდერი რამდენჯერმე ჩაიშალა. მისი აზრით, როდესაც ტენდერი ვერ შედგა და მასში მონაწილეობა არცერთმა მეწარმემ არ მიიღო, აუცილებელია სატენდერო პირობები შეიცვალოს. ვერტყვიჭალის ადმინისტრაციული ერთეულის დეპუტატმა, ლენა აბაშიძემ ბჟინევის გზის რეაბილიტაციასთან დაკავშირებით ისაუბრა. მისი განმარტებით, თუ დროულად არ დაიწყება სამუშაოები პროექტის შესრულებას უამინდობა შეუშლის ხელს. საფინანსო-საბიუჯეტო კომისიის თავმჯდომარე, ვარლამ ჭიპაშვილის თქმით,  ბაზალეთის ადმინისტრაციულ ერთეულში, ნანიტაშვილებისა და დევდარიანების უბნის გზის რეაბილიტაციის სამუშაოები ამ დრომდე არ დაწყებულა. მისი განმარტებით, ბაზალეთში გზების რეაბილიტაცია სტიქიის სალიკვიდაციო ფონდის დაფინანსებით უნდა განხორციელებულიყო, რისთვისაც თანხა  გასული წლის დეკემბერში ჩაერიცხა მუნიციპალიტეტს. ვარლამ ჭიპაშვილი ასევე აღნიშნავს, რომ დაგეგმილი შემოსულობები არ შესრულდა ბუნებრივი რესურსების მოსაკრებლიდან,  ისევე როგორც არა ფინანსური აქტივების  კლებიდან. ანგარიშის  დასასრულს, საფინანსო-საბიუჯეტო კომისიის თავმჯდომარემ, რიგი მომსახურებების ტენდერის გზით შესყიდვის მნიშვნელობაზე ისაუბრა. აღნიშნულ საკითხზე მსჯელობა საკრებულოს სხდომაზე გაგრძელდება.  
სრულად
http://new.admin.kharagauli.ge/images/dcjhcfxvbgncxvb_1.JPG
05/11/2018 09:39

საკრებულომ მერიის ჯანდაცვისა და სოციალური დაცვის სამსახურის ანგარიში მოისმინა

დღეს ხარაგაულის მუნიციპალიტეტის საკრებულომ მერიის ჯანდაცვისა და სოციალური დაცვის სამსახურის მიერ გაწეული მუშაობის შესახებ 9 თვის ანგარიში მოისმინა, რომელიც ამავე სამსახურის უფროსმა, ნანა კიკნაძემ წარადგინა. ნანა კიკნაძის ინფორმაციით, ხარაგაულის მერია ჯანდაცვისა და სოციალური დაცვის მიმართულებით 6 ძირითად პროგრამასა და 17 ქვეპროგრამას ახორციელებს. 9 თვის მონაცემებით, სოციალურ მიმართულებებზე მუნიციპალიტეტის ბიუჯეტიდან სულ 434 800 ლარია გაცემული, აღნიშნული თანხით დახმარება 1 789 ბენეფიციარს გაეწია. ნანა კიკნაძემ, ასევე, ვრცელი ინფორმაცია წარმოადგინა ა(ა)იპ „სათნოების სახლისა“ და „საზოგადოებრივი ჯანდაცვის ცენტრის“ მიერ გაწეული მომსახურებების შესახებ. საკითხის განხილვას საკრებულოს უმრავლესობასა და ოპოზიციონერ დეპუტატ თორნიკე ავალიშვილს შორის დებატები მოჰყვა. დეპუტატი, ჯამბულ გამცემლიძე მნიშვნელოვნად მიიჩნევს მომავალ წელს ერთჯერადი დახმარებების პროგრამის გაგრძელების საკითხს. დეპუტატის აზრით, ხარაგაულის მუნიციპალიტეტში მოსახლეობის დიდ ნაწილი ეკონომიურად გაჭირვებულია და ასეთი ოჯახებისთვის მცირედი დახმარებაც კი შვება იქნება. როგორც ნანა კიკნაძემ განმარტა, ერთჯერადი დახმარებების პროგრამა მიმდინარე წლის ბიუჯეტშიც იყო ასახული, თუმცა სამედიცინო მომსახურებებზე მოქალაქეთა მხრიდან მაღალი მომართვიანობის გამო, ერთჯერადი დახმარებები თითქმის არ გაცემულა. საკრებულოს განათლების, კულტურის, სპორტისა და ახალგაზრდულ საქმეთა კომისიის თავმჯდომარის, დავით კიკნაძის თქმით, სოციალურ პროგრამებს 103 000 ლარი დააკლდა. მისივე განმარტებით, მერიის მხრიდან იყო დაპირება, რომ სოციალური მიმართულებებით თანხების დამატება მოხდებოდა, თუმცა ეს დაპირება ვერ შესრულდა. საკრებულოს ოპოზიციონერი დეპუტატის, თორნიკე ავალიშვილის განცხადებით, მიმდინარე წელს ერთჯერადი დახმარებები, რომ ვერ გაიცა, ეს საკითხი საკრებულოს უმრავლესობის წევრებს უფრო ანდრე უნდა გახსენებოდათ. საკრებულოს საფინანსო-საბიუჯეტო კომისიის თავმჯდომარის, ვარლამ ჭიპაშვილის თქმით სამსახური პირნათლად ასრულებს დაკისრებულ უფლება-მოვალეობებს, თუმცა სათანადო ხელშეწყობა არ აქვთ იმისა, რომ მათი მუშაობა უფრო ეფექტური იყოს. გამომდინარე აქედან, ვარლამ ჭიპაშვილმა ანგარიშის შეფასებაში მონაწილეობა არ მიიღო. ანგარიში არ შეაფასეს ასევე, საკრებულოს „ერთიანი ნაციონალური მოძრაობის“ წევრებმა.  დეპუტატთა უმრავლესობამ კი, ჯანდაცვისა და სოციალური დაცვის სამსახურის საქმიანობა დადებითად შეაფასა. სხდომაზე ეკონომიკისა და ქონების მართვის სამსახურის უფროსმა, ჯაბა ბერაძემ საპრივატიზაციო ობიექტთა ნუსხა წარადგინა. მისი განმარტებით, საპრივატიზაციო ობიექტთა ნუსხას დაემატა სოფელ თეთრაწყაროში არსებული 2 830 კვ.მ არასასოფლო-სამეურნეო მიწის ფართი, რომელიც შეფასებულია 8 200 ლარად. ასევე, დაბა ხარაგაულში სოლომონ მეფის N105 მდებარე 6 579 კვ.მ არასასოფლო სამეურნეო დანიშნულების მიწის ფართი და მასზე მდგარი შენობა-ნაგებობა (შეფასებულია 66 000 ლარად) და სოფელ საღანძილეშია არსებული რკინის მილები საერთო სიგრძით 286 მ. (შეფასებულია 10 ათასი ლარად). საპრივატიზაციო ობიექტთა ნუსხასთან დაკავშირებით, დეპუტატმა ოთარ ლურსმანაშვილმა გამოთქვა შენიშვნები. მისი განცხადებით, თეთრაწყაროში მიწის ფართისა და სოლომონ მეფის N105 მდებარე(ყოფილი ვეტ.პუნქტი) შენობა-ნაგებობის გასხვისების საკითხს არ აქვს კომისია გავლილი. დეპუტატი ასევე განმარტავს, რომ აღნიშნული საპრივატიზაციო ობიექტების გასხვისება არ არის მოსახლეობასთან შეთანხმებული. დეპუტატი თემურ ფცქიალაძე აღნიშნავს, რომ სოლომონ მეფის N105 მდებარე შენობა-ნაგებობა არ უნდა გასხვისდეს. მისი აზრით, აღნიშნულ ქონებას უნდა ჩაუტარდეს რეაბილიტაცია, რომელიც შეიძლება შემდგომში გამოყენებული იყოს სოციალურ საცხოვრისად მუნიციპალიტეტში უსახლკაროდ დარჩენილ ოჯახებისთვის. ეკონომიკისა და ქონების მართვის სამსახურის, უფროსის ჯაბა ბერაძის თქმით შენობაში ჩამოდის წყალი, დღითიდღე ზიანდება და თუ დროულად არ მოხერხდა შენობის გასხვისება, ან შეკეთება შეიძლება ობიექტის საპრივატიზაციო თანხის საწყისი ღირებულებამ დაიკლოს. დეპუტატი ინგა მაღრაძე მიიჩნევს, რომ მუნიციპალიტეტში ბიზნეს სექტორის განვითარებას ხელი უნდა შეუწყოს ადგილობრივმა ხელისუფლებამ, თუმცა ამით მოსახლეობის უფლებები არ უნდა შეიზღუდოს. აღნიშნული ორი საკითხი გადაიდო მომავალ სხდომაზე განსახილველად. სხდომაზე ასევე განხილული იყო შემდეგი საკითხები: 1. არასამეწარმეო (არაკომერციული) იურიდიული პირის „დასუფთავებისა და კეთილმოწყობის გაერთიანებისათვის“ ხარაგაულის მუნიციპალიტეტის ბალანსზე რიცხული ქონების უსასყიდლო უზუფრუქტის წესით უვადოდ გადაცემის თაობაზე ხარაგაულის მუნიციპალიტეტის მერისთვის თანხმობის მიცემის შესახებ მომხს: ჯაბა ბერაძე 2 .ხარაგაულის მუნიციპალიტეტის საკრებულოს 2018 წლი 04 ივნისის N 27 დადგენილებაში „ხარაგაულის მუნიციპალიტეტის საკრებულოსა და მერიის საჯარო ინფორმაციის ელექტრონული ფორმით მოთხოვნისა და პროაქტიული გამოქვეყნების წესის დამტკიცების შესახებ“ ცვლილების შეტანის თაობაზე მომხს: ოთარ ლურსმანაშვილი 3. ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში ,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე.
სრულად
http://new.admin.kharagauli.ge/images/Nphoto/xfgnhxcvbxcvnhjbjn.jpg
23/10/2018 10:48

საკრებულოს სხდომა 5 ნოემბერს გაიმართება

5 ნოემბერს ხარაგაულის მუნიციპალიტეტის საკრებულოს სხდომა გაიმართება. სხდომაზე დეპუტატები, დღის წესრიგით გათვალისწინებულ, შემდეგ საკითხებს განიხილავენ: 1. ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის ანგარიში გაწეული მუშაობის შესახებ (მომხს: ალექსანდრე ტაბატაძე); 2. ხარაგაულის მუნიციპალიტეტის საკრებულოს 2017 წლის 3 ივლისის #50/43 განკარგეულბაში „საპრივატიზაციო ობიექტების ნუსხის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 3. ხარაგაულის მუნიციპალიტეტის საკრებულოს 2017 წლის 3 ივლისის #50/44 განკარგეულბაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 4. არასამეწარმეო (არაკომერციული) იურიდიული პირის „დასუფთავებისა და კეთილმოწყობის გაერთიანებისათვის“ ხარაგაულის მუნიციპალიტეტის ბალანსზე რიცხული ქონების თხოვების ფორმით გადასაცემად ხარაგაულის მუნიციპალიტეტის მერისთვის თანხმობის მიცემის შესახებ (მომხს: ჯაბა ბერაძე); 5. არასამეწარმეო (არაკომერციული) იურიდიული პირის „დასუფთავებისა და კეთილმოწყობის გაერთიანებისათვის“ ხარაგაულის მუნიციპალიტეტის ბალანსზე რიცხული ქონების უსასყიდლო უზუფრუქტის წესით უვადოდ გადაცემის თაობაზე ხარაგაულის მუნიციპალიტეტის მერისთვის თანხმობის მიცემის შესახებ (მომხს: ჯაბა ბერაძე); 6. ხარაგაულის მუნიციპალიტეტის საკრებულოს 2018 წლი 04 ივნისის N 27 დადგენილებაში „ხარაგაულის მუნიციპალიტეტის საკრებულოსა და მერიის საჯარო ინფორმაციის ელექტრონული ფორმით მოთხოვნისა და პროაქტიული გამოქვეყნების წესის დამტკიცების შესახებ“ ცვლილების შეტანის თაობაზე (მომხს: ოთარ ლურსმანაშვილი: 7. ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში ,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე (მომხს: მანანა ბარბაქაძე).                                             
სრულად
http://new.admin.kharagauli.ge/images/Nphoto/ghnjmcnmvcnm.JPG
15/10/2018 17:02

ბიუროს სხდომაზე სოციალურ საკითხებსა და საპრივატიზაციო ობიექტებზე იმსჯელეს

ხარაგაულის მუნიციპალიტეტის საკრებულოს ბიუროს სხდომაზე, პირველ საკითხად ჯანდაცვისა და სოციალური დაცვის სამსახურის გაწეული მუშაობის შესახებ 9 თვის ანგარიში განიხილეს. აღნიშნული ანგარიში, ჯანდაცვისა და სოციალური დაცვის სამსახურის უფროსმა, ნანა კიკნაძემ წარადგინა. როგორც ნანა კიკნაძე აღნიშნავს,  ხარაგაულის მერია  6 ძირითად პროგრამას და 17 ქვეპროგრამას ახორცილებს.  9 თვის მონაცემებით სოციალურ მიმართულებებზე მუნიციპალიტეტის ბიუჯეტიდან სულ  434 800 ლარია გაცემული, აღნიშნული თანხით დახმარება 1789 ბენეფიციარს გაეწია. ნანა კიკნაძემ, ასევე, ვრცელი ინფორმაცია წარმოადგინა ა(ა)იპ „სათნოების სახლისა“ და „საზოგადოებრივი ჯანდაცვის“ მიერ  გაწეული  მომსახურებების შესახებ. განათლების, კულტურისა და ახალგაზრდობის საქმეთა კომისიის თავმჯდომარე, დავით კიკნაძე მნიშვნელოვნად მიიჩნევს გაჭირვებულ მოქალაქეებზე  ერთჯერად, 100 ლარიანი სოციალური დახმარებების გაცემას. მისი განმარტებით, ხარაგაულში სოციალური ფონი მძიმეა ამიტომ, ერთჯერადი დახმარებები, როგორც გაიცემოდა წინა წლებში ასევე უნდა გაგრძელდეს მომავალშიც. ნანა კიკნაძის განმარტებით,  ერთჯერადი დახმარებებზე მერიაში ძალიან ბევრი  განცხადება შემოდის, რასაც მუნიციპალიტეტის ბიუჯეტი ვერ გაწვდება: „იმის გამო, რომ ხშირია ერთჯერად დახმარებებზე მოქალაქეთა მომართვიანობა, ბევრმა მუნიციპალიტეტმა ერთჯერადი დახმარებების პროგრამა შეწყვიტა. ხარაგაულის მერიაში ეს პროგრამა ამ დრომდე მოქმედებს, თუმცა ამ მიმართულებით თანხა  მიმდინარე წელს თითქმის არ გაცემულა. სამწუხაროდ, მოიმატა ონკოლოგიურ ავადმყოფების და ოპერაციების დაფინასებაზე მოქალაქეთა მომართვიანობამ და ძირითადი თანხები, რომელიც სოციალურ მიმართულებებისთვის იყო გათვალისწინებული აღნიშნულ სამედიცინო მომსახურებებზე გაიხარჯა.“ კეთილმოწყობის, ზედამხედველობისა და ინფრასტრუქტურის კომისიის თავმჯდომარემ, მალხაზ ფხალაძემ წყალაფორეთის საექიმო ამბულატორიაში  სარემონტო სამუშაოების საჭიროებაზე ისაუბრა. სხდომაზე ასევე აღინიშნა, რომ რამდენიმე სოფლის ამბულატორიის ექიმი,  სხვა სამედიცინო დაწესებულებაში მუშაობს, ამიტომ ისინი ხშირად არ არიან ამბულატორიაში, რის გამოც სოფელში პაციენტები  სათანადო სამედიცინო მომსახურებას ვერ იღებენ. სხდომაზე  ბიუროს წევრებმა სოციალურად დაუცველ მოსახლეობაზე ისაუბრეს. მათი თქმით, მუნიციპალიტეტში ბევრი უკიდურესად გაჭირვებული ოჯახი სოციალურ დახმარებას ვერ იღებს. „არიან  გაჭირვებული ოჯახები, რომელთაც არც საცხოვრებელი პირობები, არც სხვა შემოსავალი არ გააჩნიათ და მაინც არ ქვთ საარსებო შემწეობები. -აღნიშნა ჯანდაცვისა და სოციალურ საკითხთა კომისიის თავმჯდომარემ გივი თხელიძემ. საკითხის განხილვისას აღინიშნა, რომ მომავალ წელს აუცილებელია ბიუჯეტში სოციალური მიმართულებებით თანხების გაზრდა. სხდომაზე ეკონომიკისა და ქონების მართვის სამსახურის უფროსმა,  ჯაბა ბერაძემ საპრივატიზაციო ობიექტთა ნუსხა წარადგინა. მისი განმარტებით საპრივატიზაციო ობიექტთა ნუსხას დაემატა სოფელ თეთრაწყაროში არსებული 2830 კვ.მ არასასოფლო-სამეურნეო მიწის ფართი, რომელიც შეფასებულია 8 200 ლარად.  ასევე, დაბა ხარაგაულში სოლომონ მეფის N105  მდებარე 6579 კვ.მ არასასოფლო სამეურნეო დანიშნულების მიწის ფართი და მასზე მდგარი შენობა-ნაგებობა (შეფასებულია 66 000 ლარად) და სოფელ საღანძილეშია არსებული რკინის მილები საერთო სიგრძით  286 მ. (შეფასებულია 10 ათასი ლარად). საპრივატიზაციო ობიექტთა ნუსხასთან დაკავშირებით, დეპუტატმა ოთარ ლურსმანაშვილმა გამოთქვა შენიშვნა. მისი  განცხადებით, თეთრაწყაროში აღნიშნულ საპრივატიზაციო ობიექტს მოსახლეობა იყენებს პირუტყვის საძოვრად და ობიექტის გასასხვისებლად გადაწყვეტილება მოსახლეობასთან უნდა იყოს  შეთანხმებული. საკრებულოს თავმჯდომარემ, მანანა ბარბაქაძემ საკითხის შესწავლა  ზედამხედველობის, კეთილმოწყობისა და ინფრასტრუქტურის კომისიას დაავალა.  სხდომაზე ასევე განხილული იყო შემდეგი საკითხები: 1. არასამეწარმეო (არაკომერციული) იურიდიული პირის „დასუფთავებისა და კეთილმოწყობის გაერთიანებისათვის“ ხარაგაულის მუნიციპალიტეტის ბალანსზე რიცხული ქონების უსასყიდლო უზუფრუქტის წესით უვადოდ გადაცემის თაობაზე ხარაგაულის მუნიციპალიტეტის მერისთვის თანხმობის მიცემის შესახებ მომხს: ჯაბა ბერაძე 2 .ხარაგაულის მუნიციპალიტეტის საკრებულოს 2018 წლი 04 ივნისის N 27 დადგენილებაში „ხარაგაულის მუნიციპალიტეტის საკრებულოსა და მერიის საჯარო ინფორმაციის ელექტრონული ფორმით მოთხოვნისა და პროაქტიული გამოქვეყნების წესის დამტკიცების შესახებ“ ცვლილების შეტანის თაობაზე მომხს: ოთარ ლურსმანაშვილი 3. ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში ,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე მომხს: მანანა ბარბაქაძე        
სრულად
http://new.admin.kharagauli.ge/images/Nphoto/xfgnhxcvbxcvnhjbjn%20(1).jpg
08/10/2018 10:22

განცხადება

ხარაგაულის მუნიციპალიტეტის საკრებულოს აპარატი გაცნობებთ, რომ  სარგვეშის ადმინისტრაციული ერთეულის მაჟორიტარი დეპუტატი,  რუსუდან გიორგაძე  ამომრჩევლებთან შეხვედრას გამართავს და მათ გაწეული მუშაობის შესახებ ანგარიშს წარუდგენს. შეხვედრები გაიმართება 1 3 ოქტომბერს შემდეგი განრიგით: სოფელ საბეში - 12 საათზე; სოფელ სარგვეშში - 14  საათზე; სოფელ ხორითში - 16 საათზე. შეხვედრა მოეწყობა სოფლის ცენტრში ღია ცის ქვეშ. იხილეთ დანართი        
სრულად
http://new.admin.kharagauli.ge/images/news-photos/fghjhjkhjljkl.JPG
02/10/2018 11:24

ეკონომიკისა და ქონების მართვის სამსახურის ანგარიში საკრებულომ დადებითად შეაფასა

1 ოქტომბერს გამართულ ხარაგაულის მუნიციპალიტეტის საკრებულოს მორიგ სხდომაზე დეპუტატებმა მერიის ეკონომიკისა და ქონების მართვის სამსახურის ანგარიში მოისმინეს. სხდომაზე საკითხი, ამავე სამსახურის უფროსმა, ჯაბა ბერაძემ წარადგინა. ანგარიშის მოსმენის შემდეგ დეპუტატებმა საკუთარი შეხედულებები და შენიშვნები გამოთქვეს. საკრებულოს წევრის, ინგა მაღრაძის განმარტებით ხშირია შემთხვევები, როცა მოქალაქეები წლების მანძილზე ფლობენ მიწის ნაკვეთს, მაგრამ საკუთრების რეგისტრაციას მაინც ვერ ახერხებენ. დეპუტატის აზრით, მერიის ეკონომიკისა და ქონების მართვის სამსახურმა, საკრებულოს წევრებთან და მაჟორიტარ დეპუტატთან ერთად უნდა მოაწყოს შეხვედრა უფლებამოსილ პირებთან, რათა კანონში შევიდეს ცვლილებები და მოსახლეობამ კუთვნილი ქონება მარტივად დაირეგისტრიროს. ჯაბა ბერაძის განმარტებით, მერიაში შექმნილი მიწის აღიარებითი კომისია სრული დატვირთვით მუშაობს და ამ დრომდე, არ ყოფილა არცერთი შემთხვევა, ვინმეს მიწის დარეგისტრირებასთან დაკავშირებით პასუხი დაგვიანებით ან, საერთოდ არ მიეღო. სხდომას ესწრებოდა სოფელ ანეულას მოსახლეობა, რომელთაც სარკინიგზო მაგისტრალის მშენებლობასთან დაკავშირებით შენიშვნები გამოთქვეს. მოსახლეობის განცხადებით, რკინიგზის წარმომადგენლები განსახლების ზოლში მოყოლილ მოსახლეობას ქონებაზე ძალიან დაბალ თანხას სთავაზობენ და სახლებიდან იძულებით გამოყვანას პირდებიან. მათთვის შემაწუხებელია ასევე, აფეთქებების ხმა, რომელიც სახლებს აზიანებს და გარემოს აბინძურებს. ეკონომიკის სამსახურის უფროსის, ჯაბა ბერაძის თქმით, სარკინიგზო მაგისტრალის მშენებლობასთან დაკავშირებული პრობლემები ადგილობრივ დონეზე ვერ გადაწყდება. „ჩვენ, ადგილობრივი ხელისუფლების წარმომადგენლები, არაერთხელ ვიმყოფებოდით ანეულაში და ვისმენდით მოსახლეობის პრეტენზიებს. დავუკავშირდით სამხარაულის ეროვნულ ბიუროს, რათა დამატებით მოხდეს ექსპერტიზის ჩატარება და განმეორებით შეისწავლონ სოფელში არსებული მდგომარეობა“ - აღნიშნა სამსახურის უფროსმა. საკრებულოს წევრი ჯამბულ გამცემლიძე თვლის, რომ მოსახლეობის მხრიდან წამოჭრილი ეს ურთულესი პრობლემაა. ირღვევა ადამიანის უფლებები და ხდება ქონების ხელყოფა. დეპუტატის განცხადებით, აღნიშნულ ფაქტს, დაუყონებლივ, შესაბამისი რეაგირება უნდა მოჰყვეს, როგორც საკრებულოს, ისე მერიის მხრიდან. სხდომაზე ეკონომიკისა და ქონების მართვის სამსახურის მიერ გაწეული მუშაობის შესახებ ანგარიში დადებითად შეაფასა საკრებულოს ინფრასტრუქტურის, ქონების მართვისა და ეკონომიკის კომისიამ, აღნიშნულთან დაკავშირებით დასკვნა კომისიის თავმჯდომარემ, მალხაზ ფხალაძემ წარმოადგინა. მხოლოდ ერთმა დეპუტატმა, საკრებულოს საფინანსო-საბიუჯეტო კომისიის თავმჯდომარე, ვარლამ ჭიპაშვილმა, ეკონომიკის სამსახურის მუშაობა უარყოფითად შეაფასა. მისი განცხადებით სამსახურმა ვერ დაგეგმა მოსაკრებელი, ვერ მოახდინა მუნიციპალური ქონების აღრიცხვა და მოვლ- პატრონობა, რადგან დღემდე უპატრონოდ არის ადმინისტრაციულ ერთეულებში მუნიციპალიტეტის კუთვნილებაში არსებული ტექნიკა და შენობა-ნაგებობები, რომლებიც დღითიდღე ნადგურდება. ვარლამ ჭიპაშვილმა ასევე კულტურისა და დასვენების პარკში არსებულ „ამფითეატრზე“ ისაუბრა, მისი აზრით მოხდა ვანდალური ფაქტი და რაც იყო ისიც განადგურდა. მიუხედავად საკრებულოს მხრიდან არაერთი მითითებისა, სამსახურმა ვერ უზრუნველყო ამფითეატრის მოვლა-პატრონობა, არც რაიმე სახის ღონისძიებები გაუტარებია. ჯამბულ გამცემლიძის თქმით, ეკონომიკისა და ქონების მართვის სამსახურს აუცილებლად უნდა ჰქონდეს შემუშავებული მუნიციპალიტეტის ეკონომიკური განვითარების გეგმა. საკრებულომ აღნიშნულ საკითხზე 10 წუთიანი შესვენება გამოაცხადა, თუმცა ანგარიში, საბოლოოდ, ხმათა უმრავლესობით დადებითად შეფასდა. მერიის ადმინისტრაციული სამსახურის უფროსმა, კახაბერ გოლუბიანმა დეპუტატებს საშტატო ნუსხაში შესატანი ცვლილებები გააცნო, მისი განმარტებით, მერიის სამხედრო აღრიცხვისა და გაწვევის სამსახურიდან უმცროსი სპეციალისტის შტატი გადაინაცვლებს კოორდინაციის განყოფილების კიცხის ადმინისტრაციული ერთეულში. სხდომაზე ასევე განიხილეს შემდეგი საკითხები: 1. ხარაგაულის მუნიციპალიტეტის საკრებულოს აპარატის მიერ 2017 წლის 20 ნოემბრიდან 2018 წლის 17 სექტემბრამდე გაწეული მუშაობის შესახებ (მომხს: ლენა კალანდაძე); 2. ხარაგაულის მუნიციპალიტეტის საკრებულოს 2017 წლის 3 ივლისის #50/43 განკარგეულბაში „საპრივატიზაციო ობიექტების ნუსხის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 3. ხარაგაულის მუნიციპალიტეტის საკრებულოს 2017 წლის 3 ივლისის #50/44 განკარგეულბაში „„ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 4. ხარაგაულის მუნიციპალიტეტის საკრებულოს 2018 წლის 06 აგვისტოს N32 დადგენილებაში „ხარაგაულის მუნიციპალიტეტის დაბა ხარაგაულის ტერიტორიაზე გარე ვაჭრობის რეგულირების წესების დადგენის შესახებ“ ცვლილების შეტანის თაობაზე (მომხს: ოთარ ლურსმანაშვილი); 5. ხარაგაულის მუნიციპალიტეტის საკრებულოს 2015 წლის 6 აპრილის N16 დადგენილებაში „ადგილობრივი მოსაკრებლების შემოღების შესახებ“ ცვლილების შეტანის თაობაზე (მომხს: ოთარ ლურსმანაშვილი); 6. ხარაგაულის მუნიციპალიტეტის საკრებულოს 2018 წლის 15 აგვისტოს N15 დადგენილებაში „ხარაგაულის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების განსაზღვრის შესახებ, რომელთა განთავსება/მშენებლობა შესაძლებელია მშენებლობის ნებართვით და მშენებლობის ნებართვის გარეშე“ ცვლილების შეტანის თაობაზე (მომხს: ოთარ ლურსმანაშვილი); 7. ადგილობრივი მნიშვნელობის საავტომობილო გზების ნუსხის დამტკიცების შესახებ (მომხს: ოთარ ლურსმანაშვილი) 8. ხარაგაულის მუნიციპალიტეტის საკრებულოს 2015 წლის 25 თებერვლის # 12 დადგენილებაში „ხარაგაულის მუნიციპალიტეტის ოფიციალური ვებ გვერდის დებულების დამტკიცების შესახებ“ ცვლილების შეტანის თაობაზე (მომხს: თეა ბერიძე) .  
სრულად