დღეს ხარაგაულის საზოგადოებამ უკანასკნელ გზაზე გააცილა ხარაგაულის საპატიო მოქალაქე, ყველასათვის საყვარელი პედაგოგი, კეთილშობილი თვისებებით შემკული ქალბატონი, მერი გიორგიძე. 83 წლის მერი გიორგიძე აქტიურად იყო ჩართული საზოგადოებრივ საქმიანობაში, სიცოცხლის ბოლო წლებში  ჩვეული დაუშრეტელი ენერგიითა და ადამიანების სიყვარულით სავსე აგრძელებდა ჟურნალისტურ მოღვაწეობას. გთავაზობთ ჩვენს მიერ ქალბატონ მერი გიორგიძესთან ჩაწერილ პატარა კომენტარს, სადაც საკუთარი ცხოვრების განვლილ წლებს იხსენებს:  ,,80 წელს გადავაბიჯე და დღემდე აქტიური ყოფის გარეშე ერთი დღეც არ მიცხოვრია. საშუალო სკოლის დამთავრებისთანავე ჩავირიცხე ქალაქ გორის პედაგოგიურ ინსტიტუტში ისტორია-ფილოლოგიის ფაკულტეტზე. შემდეგ კი თითქმის 60 წელი ვმოღვაწეობდი პედაგოგიურ ასპარეზზე. ორი წლის წინ დავემშვიდობე აქტიურ პედაგოგიურ საქმიანობას. გადაუჭარბებლად ვიტყვი, რომ ეს წლები ჩემი ცხოვრების სამშვენისებია. მრავალმა ნიჭიერმა თაობამ გაიარა ჩემს ხელში და ბევრი ქვეყნისათვის სასახელო ადამიანი აღვზარდე. სამი შვილი და 6 შვილიშვილის ბებია ვარ და საზოგადოებრივი საქმიანობა დღემდე არ შემიწყვეტია. ამჟამად ხარაგაულის ა(ა)იპ ,,მოქალაქეთა ჩართულობისა და ინფორმირების მუნიციპალურ ცენტრში“ ვმუშაობ გაზეთ ,,ახალი ხარაგაულის“ ჟურნალისტად. ვცდილობ, მკითხველს ჩემი კორესპონდენციებით გავაცნო თვალსაჩინო ამბები და საინტერესო ადამიანთა ცხოვრების ეპიზოდები. რამდენად ვახერხებ ყოველივე ამას, მკითხველთა მიერ გამოხატული მადლიერებით ვგრძნობ ხოლმე. აქტიურად ვთანამშრომლობ ხარაგაულის რეზო თაბუკაშვილის სახელობის სახალხო ლიტერატურულ თეატრთან. მინდა, რომ ის ენერგია, რაც უფლის წყალობით შემომრჩა, კვლავ ჩემი ქვეყნისა და ჩემი ხალხის სიყვარულში გავხარჯო. ჩემი ყოველდღიური ცხოვრების თანამდევია დიდი ილია ჭავჭავაძის სიტყვები: ,,ყოველ დღესა შენს თავს ჰკითხო: აბა დღეს მე ვის რა ვარგე ?“ მერი მასწავლებლის გარდაცვალებას, მრავალი სამგლოვიარო და გამოსამშვიდობებელი პოსტი მიეძღვნა: იზა ვეფხვაძე: „ჩემი ცხოვრების დიდი და მნიშვნელოვანი ეტაპი დასრულდა. ჩემი ბავშვობის და მოსწავლეობის ყველაზე ბედნიერი წლების მაესტრო იმქვეყნიურ საუფლოში გაფრინდა. ჩემი მერი მასწავლებელი გარდაიცვალა. ენით უთქმელია ეს მწუხარება. ამქვეყნად ყველაზე კარგი, ერთგული და უღალატო პედაგოგი მყავდა. მას დღემდე არ დავუტოვებივარ. ყველგან ჩემს გვერდით იყო. უბედნიერეს ადამიანად ვგრძნობდი თავს.მასწავლებლის ეტალონი იყო. როგორ გამიჭირდება მის გარეშე. სიტყვებს თავს ვერ ვუყრი. მსგავსი ადამიანები იშვიათად იბადებიან. მშვიდობით, ჩემო განუმეორებელო მერი მასწავლებელო. ყოველთვის ჩემთან იქნები.“   ნანა კვინიკაძე: ,,დღეს სსიპ დაბა ხარაგაულის N3 სკოლა ყოფილ პედაგოგს , ქართული ენისა და ლიტერატურის მასწავლებელს , მერი გიორგიძეს ემშვიდობება, ემშვიდობება მწუხარებით , პატივისცემითა და სიყვარულით.მერი გიორგიძემ, პედაგოგიური საზოგადოების ღირსეულმა წარმომადგენელმა, ათეული წელი მიუძღვნა ახალგაზრდა თაობის აღზრდის მეტად საპასუხისმგებლო საქმეს, პირნათლად, კეთილსინდისიერად და ნაყოფიერად ემსახურა N3 საჯარო სკოლას. ბუნებით კეთილშობილი, ჰუმანისტი, მზრუნველი , პროფესიისადმი ერთგულებით გამორჩეული პედაგოგი ყოველთვის სარგებლობდა კოლეგების , მშობლებისა და მოსწავლეების უსაზღვრო სიყვარულით. მუდამ დაუზარელმა, სხვისი ჭირ- ვარამის გამზიარებელმა იცხოვრა უპრეტენზიოდ, ადამიანური ღირებულებების დაცვით, სიყვარულით და მშვიდად , წყნარად , პირნათელი , ვალმოხდილი წავიდა წუთისოფლიდან . ვუთანაგრძნობთ ოჯახის წევრებს , ახლობლებს , თანამშრომლებს და ხარაგაულს. მშვიდობით, ჩვენო საყვარელო მერი მასწავლებელო, უფალმა დაუმკვიდროს ცათა სასუფეველი თქვენს უკვდავ სულს,მსუბუქი იყოს თქვენთვის მშობლიური მიწა!   მარინა ხვედელიძე: „მერი გიორგიძეს ქართული ენა და ლიტერატურა ჩემთვის არ უსწავლებია, ჩემი ქართულის მასწავლებელი სულნათელი თამარ სახვაძე გახლდათ. მაგრამ ვთქვა, მერი მასწავლებელს ჩემთვის არ უსწავლებია უმადურება და პირობითი ნათქვამი იქნება. მერი გიორგიძე ხომ ყველას მასწავლებელი გახლდათ. იგი მწვრთნიდა მოსწავლეობის დროს, სტუდენტობისას, მერე კოლეგები გავხდით და ძალიან ბევრი რამ მასწავლა. ახლა რედაქციაში მუშაობდა, მის ოთახს გვერდს გულგრილად ვერ ავუვლიდი. კარს შევაღებდი და მაშინვე იწყებდა მადლიან ქართულზე საუბარს. სიტყვის ჯადოქარი იყო, მდიდარი ლექსიკა, შესაშური მეხსიერება და მჭევრმეტყველება ყველასგან განასხვავებდა. შენთან საუბარი მავსებს და მჭირდებაო,-მეტყოდა ხოლმე. არადა, მერი მასწავლებელო, ეს მე უფრო მჭირდებოდა, მე უფრო მავსებდა თქვენთან საუბარი! ბევრი გეგმა გვქონდა, ბევრი დასახული მიზანი. მიუხედავად ასაკობრივი სხვაობისა, ერთნაირად ვფიქრობდით. მეგობრობის დროს ასაკობრივი სხვაობა რა მოსატანია. ქართულის გაკვეთილები ქართულის კაბინეტში მიტარდებოდა ხოლმე. წინ ჯდომა არ მიყვარდა, ჩემ უკან, კედელთან, მერი მასწავლებლის სამუშაო მაგიდა იდგა. გაკვეთილებზე გვესწრებოდა, თავისთვის მუშაობდა. რამე თუ შემეშლებოდა, წავიფორხილებდი, ჩუმად მახსენებდა, თან ისე, თამარ მასწავლებელს რომ არ შეემჩნია. მერი მასწავლებელზე, ბავშვობიდან დღემდე, უამრავი კარგი რამ მაქვს გასახსენებელი. არ შემიძლია არ აღვნიშნო მერი და თამარ მასწავლებლის თანამშრომლობა, მეგობრობა. ეს ძალიან ფაქიზი, ძალიან ღრმა და ურთიერთპატივისცემაზე დაფუძნებული იყო. თამარ სახვაძის სიცოცხლის უკანასკნელ დღეებში მერი მასწავლებელი თითქმის ყოველდღე აკითხავდა მას და დასავით, მზრუნველი შვილივით ელოლიავებოდა. ასეთი ურთიერთობა მხოლოდ განსაკუთრებულ ადამიანებს შეუძლიათ. დიახ, მერი მასწავლებელი განსაკუთრებული იყო და ამაში მის არაერთი ნამოწაფარი დამეთანხმება. ჩვენ, ხარაგაულელებს, მერი მასწავლებელზე უამრავი კარგი გვაქვს სათქმელი, გასახსენებელი.სიყვარული ძალიან დიდი ძეგლია და, სწორედ ამიტომ, ამჯერად ნიკოლოზ ლორთქიფანიძეს არ დავეთანხმები. დიდებული ადამიანები უძეგლოდ არ იკარგებიან! მშვიდობით, მერი მასწავლებელო!      

 12 აგვისტოს საკრებულოს სხდომა გაიმართება საკითხთა ნუსხა: „ხარაგაულის მუნიციპალიტეტის თვითმმართველი ერთეულის 2022 წლის ბიუჯეტის დამტკიცების შესახებ“ ხარაგაულის მუნიციპალიტეტის საკრებულოს 2021 წლის 16 დეკემბრის N24 დადგენილებაში ცვლილების შეტანის თაობაზე მომხს: ვლადიმერ გელაშვილი

 10 აგვისტოს ბიუროს რიგგარეშე სხდომა გაიმართება. საკითხთა ნუსხა: „ხარაგაულის მუნიციპალიტეტის თვითმმართველი ერთეულის 2022 წლის ბიუჯეტის დამტკიცების შესახებ“ ხარაგაულის მუნიციპალიტეტის საკრებულოს 2021 წლის 16 დეკემბრის N24 დადგენილებაში ცვლილების შეტანის თაობაზე მომხს: ვლადიმერ გელაშვილი

ანაობას, ხარაგაულში წმ. იოაკიმე და ანას სახელობის ტაძარი ეკურთხა. ტაძრის საზეიმო კურთხევა მისმა ყოვლადუსამღვდელოესობამ მარგვეთისა და უბისის ეპისკოპოსმა ,მეუფე მელქისედეკმა (ხაჩიძე) ჩაატარა. მსახურებას ასევე ესწრებოდა  ბელგიისა და ჰოლანდიის ეპისკოპოსი დოსითეოსი ( ბოგვერაძე).  კურთხევის საზეიმო ცერემონიას, ხარაგაულის მერი, კობა ლურსმანაშვილი , საპატიო სტუმრები, მარგვეთისა და უბისის ეპარქიის და ხარაგაულის თვითმმართველობის წარმომადგენლები, ადგილობრივ მაცხოვრებლებთან ერთად ესწრებოდნენ.  ტაძარი ხარაგაულელმა ბიზნესმენმა მამუკა არევაძემ საკუთარი სახსრებით ააშენა. კობა ლურსმანაშვილი: ,,დღეს სადღესასწაულო დღეა, ხარაგაულს შეემატა შესანიშნავი ტაძარი, ეს ძალიან დიდი შენაძენია და ვულოცავ მთელ ხარაგაულს. მინდა მადლობა გადავუხადო არევაძეების ოჯახს, რომლებმაც საკუთარი შესაძლებლობებით ახალი ტაძარი აჩუქეს ხარაგაულს, ასეთი ადამიანები დასაფასებლები არიან. ვუსურვებ ხარაგაულს მეტი ინიციატივიანი და შესაძლებლობების მქონე პიროვნებები ჰყავდეს, რომლებიც ხარაგაულისთვის მრავალი სიკეთის კეთებას შეძლებენ.“ ტაძრის კურთხევის შემდეგ, მრევლს სიტყვით მიმართა მეუფე მელქისედეკმა: ,,მადლობა ღმერთს ყველაფრისათვის, დღეს არის ღვთისმშობლის დედის მიძინების,  წმინდა ანას ხსენების დღე, განსაკუთრებით უშვილოები შესთხოვენ იოაკიმეს და ანას შვილიერებას. ამ ტაძარში დადგინდება მსახურება, ჩატარდება წირვა და ტაძარი მოქმედი იქნება“- მიმართა მრევლს სიტყვით მეუფე მელქისედეკმა.    ლოცვის დასრულების შემდეგ მეუფე დოსითეოსმა ტაძრების მშენებლობის მნიშვნელობაზე გაამახვილა ყურადღება: ,,ტაძრის აგება არის ყველაზე დიდი ნიშანია იმის რომ ადამიანებმა უფლის გზა იპოვეს, დიდი მადლობა რომ მომეცა საშუალება ვყოფილიყავი ჩემს ხარაგაულელებთან ერთად და გამეზიარებინა ეს სიხარულის დღე. წმ იოაკიმე და ანა შეეწიოს ყველა ადამიანს ვინც გულით შემოხედავს ამ ტაძარს და პირჯვარს გადაიწერს, უფალმა ისმინოს თითოეული ჩვენგანის ლოცვა და თხოვნა.“ ახლად აშენებული ეკლესია ერთადერთია ხარაგაულში ,რომელიც წმინდა იოაკიმე და ანას სახელზეა აგებული. ახლად ნაკურთხ ტაძარში დეკანოზი თომა (ლაცაბიძე) იმსახურებს. ტაძარი მოქმედი იქნება და მასში წირვა ლოცვა ყოველ შაბათ - კვირას აღევლინება.  

საავტომობილო გზების დეპარტამენტის ინფორმაციით: საქართველოს საავტომობილო გზების დეპარტამენტთან გაფორმებული ხელშეკრულების საფუძველზე შპს „ნიუ როუდი“ შიდასახელმწიფოებრივი მნიშვნელობის (შ-101) ზესტაფონი-კიცხი ხარაგაულის საავტომობილო გზაზე აწარმოებს სარეაბილიტაციო სამუშაოებს. სამუშაოების წარმოების ფარგლებში აღნიშნული გზის კმ3 მონაკვეთზე დაგეგმილია მილის გაყვანა, რის გამოც, 2022 წლის 10 აგვისტოს 11:00 სთ-დან 18:00 სთ-მდე აღნიშნულ მონაკვეთზე აკრძალულია ავტოტრანსპორტის მოძრაობა. საავტომობილო გზის ჩაკეტვის პერიოდში ავტოტრანსპორტი იმოძრავებს საერთაშორისო მნიშვნელობის (ს-1) თბილისი–სენაკი–ლესელიძის და შიდასახელმწიფოებრივი მნიშვნელობის ძირულა-ხარაგაული-მოლითი-ფონა-ჩუმათელეთის საავტომობილო გზების გავლით. აღნიშნული რეჟიმით მოძრაობა  შსს-ს შესაბამისი რეგიონალური ქვედანაყოფების უშუალო ზედამხედველობით და კოორდინაციით განხორციელდება. ავტოტრანსპორტის მოძრაობის ჩაკეტვა თანდართული დროებითი მოძრაობის ორგანიზაციის სქემის შესაბამისად მოხდება.

დღეს სოფელ ხიდარში, რუსეთ-საქართველოს ომში გმირულად დაღუპული ზაზა გლუნჩაძე გაიხსენეს. მუნიციპალიტეტის მერის მოადგილე, დავით დევდარიანი, მერის წარმომადგენელი, გიგი დოლიკაშვილი, ხიდრის მაჟორიტარი დეპუტატი, შმაგი ხიჯაკაძე, საკრებულოს წევრები ,ნონა ზურაბიანი და შალვა ლურსმანაშვილი ზაზა გლუნჩაძის საფლავთან შეიკრიბნენ და დაღუპულის ოჯახის წევრებთან და თანასოფლელებთან ერთად გმირის ხსოვნას პატივი მიაგეს. ხარაგაულის მუნიციპალიტეტის, სოფელ ხიდრის მკვიდრი, ზაზა გლუნჩაძე 2008 წლის 8 აგვისტოს, ცხინვალში, თანამებრძოლთა გადარჩენის მცდელობის დროს დაიღუპა. მას ათი დაჭრილი თანამებრძოლი გამოუყვანია ბრძოლის ველიდან. კიდევ წასულა დაჭრილების საშველად, მაგრამ იქვე ჭურვი აფეთქებულა… ხარაგაულელი გმირი სიკვდილის შემდეგ ვახტანგ გორგასალის ორდენით დააჯილდოვეს. ზაზა გლუნჩაძემ, სულ ახალგაზრდამ 28 წლის ასაკში, შესწირა თავი სამშობლოს ერთიანობას. 14 წლის წინ,2008 წელს, შეიარაღებული კონფლიქტი საქართველოსა და რუსეთს შორის ხუთ დღეს გაგრძელდა. ამ ომს საქართველოს 412 მოქალაქე შეეწირა, 1747 ადამიანი კი დაიჭრა. მათ შორის იყვნენ სამოქალაქო პირები და ჟურნალისტები.

ტაძრის საზეიმო კურთხევა მისმა ყოვლადუსამღვდელოესობამ მარგვეთისა და უბისის ეპისკოპოსმა ,მეუფე მელქისედეკმა (ხაჩიძე) ჩაატარა. მსახურებას ასევე ესწრებოდა  ბელგიისა და ჰოლანდიის ეპისკოპოსი დოსითეოსი ( ბოგვერაძე).  კურთხევის საზეიმო ცერემონიას, ხარაგაულის მერი, კობა ლურსმანაშვილი , საპატიო სტუმრები, მარგვეთისა და უბისის ეპარქიის და ხარაგაულის თვითმმართველობის წარმომადგენლები, ადგილობრივ მაცხოვრებლებთან ერთად ესწრებოდნენ.  ტაძარი ხარაგაულელმა ბიზნესმენმა მამუკა არევაძემ საკუთარი სახსრებით ააშენა. კობა ლურსმანაშვილი: ,,დღეს სადღესასწაულო დღეა, ხარაგაულს შეემატა შესანიშნავი ტაძარი, ეს ძალიან დიდი შენაძენია და ვულოცავ მთელ ხარაგაულს. მინდა მადლობა გადავუხადო არევაძეების ოჯახს, რომლებმაც საკუთარი შესაძლებლობებით ახალი ტაძარი აჩუქეს ხარაგაულს, ასეთი ადამიანები დასაფასებლები არიან. ვუსურვებ ხარაგაულს მეტი ინიციატივიანი და შესაძლებლობების მქონე პიროვნებები ჰყავდეს, რომლებიც ხარაგაულისთვის მრავალი სიკეთის კეთებას შეძლებენ.“   ტაძრის კურთხევის შემდეგ, მრევლს სიტყვით მიმართა მეუფე მელქისედეკმა: ,,მადლობა ღმერთს ყველაფრისათვის, დღეს არის ღვთისმშობლის დედის მიძინების,  წმინდა ანას ხსენების დღე, განსაკუთრებით უშვილოები შესთხოვენ იოაკიმეს და ანას შვილიერებას. ამ ტაძარში დადგინდება მსახურება, ჩატარდება წირვა და ტაძარი მოქმედი იქნება“- მიმართა მრევლს სიტყვით მეუფე მელქისედეკმა.    ლოცვის დასრულების შემდეგ მეუფე დოსითეოსმა ტაძრების მშენებლობის მნიშვნელობაზე გაამახვილა ყურადღება: ,,ტაძრის აგება არის ყველაზე დიდი ნიშანია იმის რომ ადამიანებმა უფლის გზა იპოვეს, დიდი მადლობა რომ მომეცა საშუალება ვყოფილიყავი ჩემს ხარაგაულელებთან ერთად და გამეზიარებინა ეს სიხარულის დღე. წმ იოაკიმე და ანა შეეწიოს ყველა ადამიანს ვინც გულით შემოხედავს ამ ტაძარს და პირჯვარს გადაიწერს, უფალმა ისმინოს თითოეული ჩვენგანის ლოცვა და თხოვნა.“ ახლად აშენებული ეკლესია ერთადერთია ხარაგაულში ,რომელიც წმინდა იოაკიმე და ანას სახელზეა აგებული. ახლად ნაკურთხ ტაძარში დეკანოზი თომა (ლაცაბიძე) იმსახურებს. ტაძარი მოქმედი იქნება და მასში წირვა ლოცვა ყოველ შაბათ - კვირას აღევლინება.    

ხარაგაულის მუნიციპალიტეტს დამატებით ინფრასტრუქტურული პროექტების განსახორციელებლად რეგიონული განვითარების ფონდიდან 2 631 000 ლარი გადმოეცა. აღნიშნულთან დაკავშირებით განცხადება ხარაგაულის მერმა, კობა ლურსამანაშვილმა წარმომადგენლებთან გამართულ თათბირზე გააკეთა. მან წარმომადგენლებს ახლად დაფინანსებული პროექტები გააცნო და აღნიშნა, რომ ინფრასტრუქტურული პროექტების ვადებში და წისწრებით შესრულების მხრივ ხარაგაული 10 საუკეთესო მუნიციპალიტეტს შორის არის. რეგიონული განვითარების ფონდიდან მიღებული დაფინანსებით 11 პროექტი განხორციელდება: 1.სოფელ მაქათუბანში საუბნო გზის რეაბილიტაციის მეორე ეტაპი; 2.სოფელ კიცხში საუბნო გზის რეაბილიტაციის მეორე ეტაპი(ბერაძეებისა და ზვიადაძეების უბანი); 3.სოფელ ვანში საუბნო გზის რეაბილიტაცია(ჩხაკოურის უბანი); სოფელ ვარძიის საუბნო გზის რეაბილიტაცია; სოფელ ღორეშაში საუბნო გზის რეაბილიტაცია(იჩქიტიძეების უბანი); 6.სოფელ ხიდარში საუბნო გზის რეაბილიტაცია; 7.სოფელ უჩამეთში საუბნო გზის რეაბილიტაცია(მესერიძეებისნ უბანი); 8.სოფელ ხორითის ცენტრალური გზის რეაბილიტაცია; სოფელ წყალაფორეთში საუბნო გზის რეაბილიტაცია; სოფელ ნებოძირში ცენტრალური გზის რეაბილიტაცია; სოფელ დეისში გზის რეაბილიტაციის მეორე ეტაპი. ინფორმაციისთვის, რეგიონული განვითარების ფონდიდან, პირველ ეტაპზე,  ხარაგაულმა   2 მილიონ 940 ათას 390 ლარი მიიღო. აღნიშნული თანხით, ახალი გზა 19 სოფელში რეაბილიტირდა.

ტაძრის საზეიმო კურთხევა მისმა ყოვლადუსამღვდელოესობამ მარგვეთისა და უბისის ეპისკოპოსმა ,მეუფე მელქისედეკმა (ხაჩიძე) ჩაატარა. მსახურებას ასევე ესწრებოდა  ბელგიისა და ჰოლანდიის ეპისკოპოსი დოსითეოსი ( ბოგვერაძე).  კურთხევის საზეიმო ცერემონიას, ხარაგაულის მერი, კობა ლურსმანაშვილი , საპატიო სტუმრები, მარგვეთისა და უბისის ეპარქიის და ხარაგაულის თვითმმართველობის წარმომადგენლები, ადგილობრივ მაცხოვრებლებთან ერთად ესწრებოდნენ.  ტაძარი ხარაგაულელმა ბიზნესმენმა მამუკა არევაძემ საკუთარი სახსრებით ააშენა. კობა ლურსმანაშვილი: ,,დღეს სადღესასწაულო დღეა, ხარაგაულს შეემატა შესანიშნავი ტაძარი, ეს ძალიან დიდი შენაძენია და ვულოცავ მთელ ხარაგაულს. მინდა მადლობა გადავუხადო არევაძეების ოჯახს, რომლებმაც საკუთარი შესაძლებლობებით ახალი ტაძარი აჩუქეს ხარაგაულს, ასეთი ადამიანები დასაფასებლები არიან. ვუსურვებ ხარაგაულს მეტი ინიციატივიანი და შესაძლებლობების მქონე პიროვნებები ჰყავდეს, რომლებიც ხარაგაულისთვის მრავალი სიკეთის კეთებას შეძლებენ.“ ტაძრის კურთხევის შემდეგ, მრევლს სიტყვით მიმართა მეუფე მელქისედეკმა: ,,მადლობა ღმერთს ყველაფრისათვის, დღეს არის ღვთისმშობლის დედის მიძინების,  წმინდა ანას ხსენების დღე, განსაკუთრებით უშვილოები შესთხოვენ იოაკიმეს და ანას შვილიერებას. ამ ტაძარში დადგინდება მსახურება, ჩატარდება წირვა და ტაძარი მოქმედი იქნება“- მიმართა მრევლს სიტყვით მეუფე მელქისედეკმა.    ლოცვის დასრულების შემდეგ მეუფე დოსითეოსმა ტაძრების მშენებლობის მნიშვნელობაზე გაამახვილა ყურადღება: ,,ტაძრის აგება არის ყველაზე დიდი ნიშანია იმის რომ ადამიანებმა უფლის გზა იპოვეს, დიდი მადლობა რომ მომეცა საშუალება ვყოფილიყავი ჩემს ხარაგაულელებთან ერთად და გამეზიარებინა ეს სიხარულის დღე. წმ იოაკიმე და ანა შეეწიოს ყველა ადამიანს ვინც გულით შემოხედავს ამ ტაძარს და პირჯვარს გადაიწერს, უფალმა ისმინოს თითოეული ჩვენგანის ლოცვა და თხოვნა.“ ახლად აშენებული ეკლესია ერთადერთია ხარაგაულში ,რომელიც წმინდა იოაკიმე და ანას სახელზეა აგებული. ახლად ნაკურთხ ტაძარში დეკანოზი თომა (ლაცაბიძე) იმსახურებს. ტაძარი მოქმედი იქნება და მასში წირვა ლოცვა ყოველ შაბათ - კვირას აღევლინება.    

დაბის 24 საათიანი წყალმომარაგება სატესტო რეჟიმში მიმდინარეობს. ქსელის გამართული ფუნქციონირებისთვის აქტიურ სამუშაოებს ახორციელებს გაერთიანებული წყალმომარაგების კომპანიის ხარაგაულის სერვის-ცენტრი და მშენებელი კომპანია. როგორც ხარაგაულის სერვის - ცენტრიდან გვატყობინებენ, ახალ ქსელზე არსებული მცირე დაზიანებების გამო და დაბის ცენტრალურ ქუჩაზე მიმდინარე მილხიდების და წყალამრიდების მშენებლობის პროცესში შესაძლებელია დრო და დრო მოხდეს წყლის წყვეტა. დღეს 16:00 საათზე წყალი დროებით შეუწყდება დაბა ხარაგაულის მოსახლეობას. სამუშაოების დასრულებისთანავე წყლის მიწოდება ისევ აღდგება. შეგახსენებთ წყლის დებეტი ჭარბია და შესაძლო წყვეტა არანაირად არ უკავშირდება წყლის დონის ვარდნას. ინფორმაციისთვის, ამ ეტაპზე ძალაში რჩება ოფიციალური გრაფიკი, რაც  დილის 8 საათიდან 10 საათამდე და საღამოს 19 საათიდან 22 საათამდე წყლის მიწოდებას ითვალისწინებს, თუმცა ხარაგაულს წყალი სატესტო რეჟიმში 24 საათის განმავლობაში მიეწოდება. გაერთიანებული წყალმომარაგების კომპანიის ხარაგაულის სერვის-ცენტრი გთხოვთ, გაგებით მოეკიდოთ შემქნილ მდგომარეობას და ბოდიშს გიხდით არსებული დისკომფორტის გამო.