სიახლეები
http://new.admin.kharagauli.ge/images/_DSC0001.jpg
30/06/2021 15:57

შშმ ბავშვთა სოციალური რეაბილიტაციისა და ზრუნვის პროგრამით ათმა ბენეფიციარმა ისარგებლა

უკვე შვიდი წელია, სოფელ ლახუნდარაში მცხოვრები 11 წლის ანდრია კვანტრიშვილი ხარაგაულის მერიის შშმ პირ ბავშვთა სოციალური რეაბილიტაციისა და ზრუნვის პროგრამით სარგებლობს. ანდრიას დედას, დარეჯან კავილაძეს, დღეს მერიის ჯანდაცვისა და სოციალურ საკითხთა სამსახურის უფროსმა, ნანა კიკნაძემ  კურორტ ახტალაში, შვილის  სამედიცინო-სარეაბილიტაციო პროცედურების ჩატარებისთვის 720 ლარიანი საგარანტიო გადასცა. ანდრიას ცერებრალური დამბლის სინდრომი აქვს და ყოველწლიურად სპეციალური გამაჯანსაღებელი თუ სამედიცინო პროცედურები ესაჭიროება, რაც საკმაოდ დიდ თანხებთან არის დაკავშირებული.  სოციალური რეაბილიტაციისა და ზრუნვის პროგრამის ფარგლებში 0 წლიდან-18 წლამდე შშმ პირის სტატუსის მქონე ბავშვებს მუნიციპალიტეტის ბიუჯეტიდან სამედიცინო პროცედურებისა და სარეაბილიტაციო-გამაჯანსაღებელი კურსების ჩასატარებლად 1200 ლარი ერიცხებათ. დარეჯან კავილაძე: აღნიშნული სერვისის არსებობა ძალიან მნიშვნელოვანია ჩვენი ოჯახისთვის, ბავშვის ჯანმრთელობისა და განვითარებისთვის. თითქმის 7 წელია, რაც მუნიციპალიტეტის მერია  გვიფინანსებს სხვადასხვა სახის სამედიცინო პროცედურებს, ყოველწლიურად დაგვყავს ანდრია კურორტ ახტალაში, რაც საუკეთესო შედეგს გვაძლევს.  ანდრიას ცერებრალური დამბლის გარდა სხვა დაავადებებიც ახლავს. მუნიციპალიტეტის მერიისგან არაერთხელ გვიგვრძვნია მხარდაჭერა, თავიდან განცდებით მოვედი, მეუხერხულებოდა დაფინასების მოთხოვნა, მაგრამ აქ ისეთი თბილი სიტუაცია დამხვდა ყველანაირი დაძაბულობა მომეხსნა და ამდენი წლის მანძილზე მათ თანადგომას ყოველთვის ვგრძნობ.  აღსანიშნავია, რომ მსგავსი სერვისი ბევრ მუნიციპალიტეტში არ მოქმედებს. პროფესიით ფარმაცევტი ვარ,  როდესაც ამ დაავადების შესახებ გავიგე, ფსიქოლოგია დავამთავრე და ახლა  შშმ პირ ბავშვებთან ვმუშაობ." ნანა კიკნაძე:  აღნიშნული პროგრამით დაახლოებით 18 ბენეფიციარი სარგებლობს, თუმცა ზოგჯერ ეს ციფრი იცვლება. აღნიშნული მიმართულებით დაახლოებით 40 000 ლარამდე იხარჯება ბიუჯეტიდან. ყოველთვის ვცდილობთ, ყურადღების მიღმა არ დარჩეს არცერთი მოქალაქე ვისაც ეს დახმარება ესაჭიროება, რათა შევუმსუბუქოთ ცხოვრების პირობები და ხელი შევუწყოთ სერვისებზე ხელმისაწვდომობას.  მუნიციპალიტეტის ბიუჯეტში შშმ პირთა დახმარების პროგრამა 48 000 ათასი ლარით არის განსაზღვრული. ქვეპროგრამა მოიცავს 18 წლამდე ასაკის შშმ პირების სამკურნალო და სარეაბილიტაციო კურსს, წელიწადში 1200 ლარის ფარგლებში, ასევე კოხლეარული იმპლანტით მოსარგებლე 18 წლამდე ასაკის ბენეფიციარის ელემენტით უზრუნველყოფას 1000 ლარამდე, ქვეპროგრამა ასევე ითვალისწინებს იმ შშმ პირის ყოველთვიურ დახმარებას 30 ლარით, რომელიც საჭიროებს მომვლელს და არ არის სოციალური შემწეობის მიმღები. ქვეპროგრამით გათვალისწინებულია ასევე შშმ პირთათვის ღონისძიების მოწყობა. მიმდინარე წელს აღნიშნული პროგრამით 10 -მა ბენეფიციარმა ისარგებლა, გასულ წელს 25 -მა.  
სრულად
http://new.admin.kharagauli.ge/images/_57_1_1.jpg
30/06/2021 11:00

5 ივლისს ხარაგაულის საკრებულო მორიგ სხდომას გამართავს

5 ივლისს ხარაგაულის მუნიციპალიტეტის საკრებულო მორიგ სხდომას გამართავს. სხდომაზე დეპუტატები დღის წესრიგით გათვალისწინებულ შემდეგ საკითხებზე იმსჯელებენ:     ხარაგაულის   მუნიციპალიტეტის მერიის   ჯანდაცვისა და სოციალური დაცვის     სამსახურის ანგარიში გაწეული მუშაობის შესახებ;                                                                                               მომხს: ნანა კიკნაძე ხარაგაულია მუნიციპალიტეტის საკრებულოს 2021 წლის 05 აპრილის N9 დადგენილებაში „ხარაგაულის მუნიციპალიტეტის თვითმმართველი ერთეულის ბიუჯეტიდან სოციალური დახმარების გაცემისა და დახმარების მიღების წესის დამტკიცების შესახებ“ ცვლილების შეტანის თაობაზე;                                                                                                                         მომხს: ნანა კიკნაძე   ხარაგაულის მუნიციპალიტეტის საკრებულოს 2020 წლის 23 დეკემბრის N23 დადგენილებაში „ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის დამტკიცების შესახებ“ ცვლილების შეტანის თაობაზე;                                                                                                              მომხს:       ნინო მაღლაკელიძე        
სრულად
http://new.admin.kharagauli.ge/images/_DSC0074_1.JPG
29/06/2021 15:52

„ქალთა საინფორმაციო ცენტრის,, ექსპერტმა  მერის წარმომადგენლებთან შეხვედრა გამართა

დღეს „ქალთა საინფორმაციო ცენტრის“ ექსპერტმა,  მამუკა გაჩეჩილაძემ  ხარაგაულის მუნიციპალიტეტის მერთან, კობა ლურსმანაშვილთან,  საკრებულოს  თავმჯდომარე  მანანა  ბარბაქაძესთან,  გენდერულ  საკითხებზე   პასუხისმგებელ  პირთან, ინგა  ბერაძესთან  და  მერის ადმინისტრაციული ერთეულების წარმომადგენლებთან  შეხვედრა გამართა. შეხვედრა  პროექტის - „გენდერული პოლიტიკის ეფექტიანი ლოკალიზაცია“ ფარგლებში შედგა,  რომელსაც  ასევე  ,,ქალთა  საინფორმაციო  ცენტრის“  წარმომადგენელი  თეონა  ჩიქოვანი  ესწრებოდა.      აღსანიშნავია, რომ   ,,ქალთა  საინფორმაციო   ცენტრი“  ადმინისტრაციული  ერთეულების წარმომადგენლებს დაეხმარება, სოფლად მოსახლეობის  საჭირობების კვლევაში,  შემდეგ  კი გენდერული სტატისტიკისა და საჭიროებათა კვლევის დოკუმენტის საფუძველზე    დაიგეგმება  ადგილობრივი  ბიუჯეტი. ხარაგაულის მუნიციპალიტეტის მერი, კობა ლურსმანაშვილი მნიშვნელოვნად  მიიჩნევს,  რომ  მუნიციპალიტეტს ჰქოდეს ორგანიზებული  საჭიროებათა კვლევის დოკუმენტი.  ,,დარწმუნებული ვარ მოსახლეობასთან უშუალოდ შეხვედრისას კიდევ უფრო მეტ სიახლეს აღმოაჩენთ, შედეგად კი ჩვენ გვექნება სოფლის პასპორტი, სადაც თითოეული მაცხოვრებლის და სოფლის პრობლემა იქნება ასახული.  ჩვენ  მაქსიმალურად  შევეცდებით, პრობლემატური  საკითხები  გათვალისწინებული  იყოს  2022  წლის  ბიუჯეტში,“ - აღნიშნავს  ხარაგაულის  მერი.  მამუკა გაჩეჩილაძე - „2016 წელს შეიქმნა კანონი, რომელის  ფარგლებში მუნიციპალიტეტში  ჩამოყალიბდა  გენდერული საბჭო და შემუშავდა სამოქმედო გეგმა.  ამ  წლების  განმავლობაში,  ჩვენ  აქტიურად ვთანამშრომლობთ ხარაგაულთან  და   დღევანდელი  შეხვედრის  მიზანი  გახლავთ,  ის  რომ  შევქმნათ   რეალური  საჭირობების  დოკუმენტი, რომელიც შემდგომში   ადგილობრივ  თვითმმართველობას  დაეხმარება  პროგრამული  ბიუჯეტის   შედგენაში.“ პროექტი   „გენდერული პოლიტიკის ეფექტიანი ლოკალიზაცია“   საერთო  ჯამში  ათ  მუნიციპალიტეტში  ხორციელდება  და მათ შორისაა ხარაგაული.
სრულად
http://new.admin.kharagauli.ge/images/_62.jpg
29/06/2021 12:50

საკრებულოს რიგგარეშე სხდომაზე საგრანტო კონკურსში წარსადგენ პროექტებზე იმსჯელეს

  28 ივნისს გამართულ ხარაგაულის მუნიციპალიტეტის საკრებულოს რიგგარეშე სხდომას საკრებულოს თავმჯდომარე, მანანა ბარბაქაძე ხელმძღვანელობდა. სხდომას ესწრებოდა მერის მოადგილე, დავით დევდარიანი.   სხდომაზე, დეპუტატებმა მუნიციპალიტეტის კუთვნილებაში არსებული 1553 კვ.მ მიწის ნაკვეთის სახელმწიფოსათვის გადაცემის შესახებ საკითხი განიხილეს.  როგორც ეკონომიკისა და ქონების მართვის სამსახურის უფროსის მოვალეობის შემსრულებელმა, მაია ალავიძემ განმარტა, ბორითში ახალი სახანძრო-სამაშველო შენობის მშენებლობისთვის საჭიროა 1553 კვ.მ არასასოფლი სამეურნეო მიწის ნაკვეთის გადაცემა სახელმწიფოსთვის. სხდომაზე მეორე საკითხი, ინფრასტრუქტურისა და კეთილმოწყობის სამსახურის უფროსმა, პეტრე შარიქაძემ  წარადგინა. მან ისაუბრა საგრანტო კონკურსის-„2020-2022 წლების საპილოტე რეგიონების ინტეგრირებული განვითარების პროგრამ“-ის შესახებ, რომლის ფარგლებში მუნიციპალიტეტის მერია ხუთ პროექტს წარადგენს  დასაფინანსებლად. ეს პროექტები არიან: ხუნევის ბაღის მშენებლობა, ისტორიული მუზეუმის რეკონსტრუქცია-განახლება, ხარაგაულის პარკის რეაბილიტაცია, დევის ხვრელის მიმდებარე ტერიტორიისა და ოკაცეს კანიონის ინფრასტრუქტურის მოწესრიგება. კონკურსის პირობებიდან გამომდინარე განსაზღვრულია პროექტების მიზნობრიობა, რომელიც უნდა მოიცავდეს  ტურისტულ, კულტურულ ან საგანმანათლებლო ობიექტების მშენებლობას ან რეკონსტრუქციას. შერჩეული პროექტებიდან,  შესაძლებელია ერთის ან ორი პროექტის დაფინანსება. საბოლოოდ, სხდომაზე წარდგენილი საკითხები დადებითად შეფასდა.
სრულად
http://new.admin.kharagauli.ge/images/es_2.jpg
28/06/2021 14:03

წყალარინების (კანალიზაციის) მასშტაბური პროექტი აქტიურ ფაზაშია

დაბა ხარაგაულში წყალარინების (კანალიზაციის) მასშტაბური პროექტის ფარგლებში, ქუჩების ეტაპობრივი დაქსელვა აქტიურ რეჟიმშია. ამჯერად სამუშაოები სოლომონ მეფის ქუჩაზე მიმდუინარეოსბ. პროექტის დამკვეთი - გაერთიანებული წყალმომარაგების კომპანიაა. სამუშაოებს  მშენებელი კომპანია „ჰიდრო ტექნიკური ჯგუფი“-ს ქვეკონტრაქტორი კომპანია ,,მაილიქონტრაქშენი“ აწარმოებს.     ხარაგაულის მუნიციპალიტეტის მერი, კობა ლურსმანაშვილი ხაზგასმით აღნიშნავს, რომ ნებისმიერი სამუშაოს შესრულება მოსახლეობის ინტერესების დაცვით და გათვალისწინებით უნდა მოხდეს. კობა ლურსმანაშვილი - ხარაგაულის მუნიციპალიტეტის მერი „ხარაგაულისთვის ეს არის უპრეცენდენტო პროექტი, რადგან დაბაში კანალიზაციის სისტემა არასდროს ყოფილა. ფაქტობრივად, ერთად განხორციელდება 24 საათიანი წყალმომარაგების და წყალარინების პროექტი, რომელთა დასრულებასაც დაუყოვნებლივ მოყვება დაბაში ასფალტის საფარის გადაგება, რომელიც როგორც უკვე ვიცით, ძირულა-ხარაგაული-ჩუმათელეთის გზის მშენებლობის ფარგლებში განხორციელდება.“ საერთო  ჯამში,   აღნიშნული  სამუშაოების  განხორციელების  მიზნით,      1 890 360  ლარი  დაიხარჯება.    
სრულად
http://new.admin.kharagauli.ge/images/_61.jpg
28/06/2021 12:52

ზვარეში გზის რეაბილიტაცია აქტიურ რეჟიმში მიმდინარეობს

პროექტის ღირებულება 640 ათასი ლარს შეადგენს. ბეტონის საფარი 1 500 მეტრიან მონაკვეთზე დაიგება. სამუშაოების მწარმოებელია შპს ,,ალპედე“.  შპს ,,ალპედე“-ს წარმომადგენლისგან მიღებული ინფორმაციით, სოფელ ზვარეში გზის  მოსწორება-მოხრეშვა აქტიურად მიმდინარეობს , ხდება  გზის საფუძვლის საბეტონედ მომზადება. მაჟორიტარი დეპუტატის , პაატა კვიჟინაძის და ხარაგაულის მერის, კობა ლურსმანაშვილის ერთობლივი აქტიური მუშაობის შედეგად, მაღალმთიანი სოფლის სტატუსის მქონე ორ სოფელში ზვარესა და გედსამანიაში წელს მასშტაბური პროექტები განხორციელდება.  წელს, ხარაგაულის მუნიციპალიტეტმა, მთის  განვითარების  ფონდიდან,  ყველაზე დიდი დაფინანსება, 650 ათასი ლარი მიიღო.
სრულად
http://new.admin.kharagauli.ge/images/fuli.jpg
25/06/2021 17:28

ერთჯერად ფინანსურ დახმარებაზე 51 განცხადება დაკმაყოფილდა

24 ივნისს ხარაგაულის მუნიციპალიტეტის მერის პირველმა მოადგილემ, ვარლამ ჭიპაშვილმა  სოციალურად დაუცველი და მძიმე ეკონომიური პირობების მქონე მოქალაქეებზე მატერიალური დახმარების გაწევის მიზნით მუდმივმოქმედ კომისიის წევრებთან შეხვედრა გამართა. კომისიის სხდომაზე ერთჯერად ფინანსურ დახმარებასთან დაკავშირებით მოქალაქეთა განცხადებები განიხილეს. განხილული 51 განცხადება, საერთო ჯამში,  8 850 ლარით დაფინანსდა. როგორც მერის პირველმა მოადგილემ და სოციალურად დაუცველი და მძიმე ეკონომიური პირობების მქონე მოქალაქეებზე მატერიალური დახმარების გაწევის მიზნით მუდმივმოქმედ კომისიის თავმჯდომარემ, ვარლამ ჭიპაშვილმა აღნიშნა - „ინფორმაციას მოქალაქეთა სოციალური მდგომარეობის შესახებ  მერის წარმომადგენლები და საკრებულოს მაჟორიტარი დეპუტატები გვაწვდიან, აქტიურად ვთანამშრომლობთ მათთან და  ობიექტურ გადაწყვეტილებებს ვიღებთ. მნიშვნელოვანი სიახლეა, რომ მუნიციპალიტეტის მერმა, კობა ლურსმანაშვილმა საკრებულოს,  ბიუჯეტში  ცვლილების ინიციატივით მიმართა. ცვლილების შემთხვევაში, ერთჯერად ფინანსურ დახმარებებზე დამატებით  30 000 ლარი გამოიყოფა.“    
სრულად
http://new.admin.kharagauli.ge/images/_DSC0041.jpg
25/06/2021 14:24

მერი მოსახლეობის გვერდით

ხარაგაულის მერი, კობა ლურსმანაშვილი სოფელ საქარიქედის მაცხოვრებლებს შეხვდა. სოფლად ნაგვის შემკრები ურნების განთავსება, გზის გრუნტოვანი ნაწილის მოხრეშვა და სოფლის წყლით მომარაგება - ეს ის სამი ძირითადი საკითხია, რომელზეც მერთან, კობა ლურსმანაშვილთან ,სოფელ საქარიქედის მაცხოვრებლებმა, კიცხის ადმინისტრაციულ ერთეულში,მერის წარმომადგენელთან,  პაატა ბერაძესთან, ერთად ისაუბრეს. კობა ლურსმანაშვილი:,,წყლის პრობლემა სოფელ საქარიქედზე ყოველ ზაფხულს აწუხებს მოსახლეობას, რადგან არსებული წყლის სიტემა, წყლის დებეტის რაოდენობიდან გამომდინარე, მოსახლეობის მზარდი ინტერესის დაკმაყოფილებას ვერ უზრუნველყოფს, ამიტომ ჩვენს მოქალაქეებს იქ ზრუნვა უწევთ წყალი დამატებით  მოიძიონ სხვაგან და ძალიან წვალობენ.“ როგორც ხარაგაულის მერმა, კობა ლურსმანაშვილმა განმარტა სოფლებში  წყლის სისტემების მართვა  ეტაპობივად ა(ა)იპ ,,დასუფთავებისა და კეთილმოწყობის გაერთიანების“ განკარგვის ქვეშ გადავა. კობა ლურსმანაშვილი: ,, დავალება მივეცი ა(ა)იპ ,,დასუფთავებისა და კეთილმოწყობის გაერთიანების“  დირექტორს ბესო კვირიკაშვილს, უახლოეს დღეებში მოხდება წყლის იმ მარაგის დარეგულირება, რაც რეზერვუარში ჩაედინება,ჩვენ გამოვყოფთ ოფიციალურად თანამშრომელს , რომელიც ვალდებული იქნება,  გააკონტროლოს და აბსოლუტურად სამართლიანად მოხდეს სოფელზე  წყლის განაწილება. მე აბსოლუტურად გაგებით ვეკიდები მოსახლეობის მოთხოვნებს წყალთან დაკავშირებით, მაგრამ სასმელი წყალი, რომელსაც ჩვენ ჭაბურღილიდან ვიღებთ, ვერ გაწვდება ასე ვთქვათ ბაღების რწყვას, ამიტომ ზაფხულში, უპირველს ყოვლისა ეს წყალი გამოყენებული უნდა იყოს როგორც სასმელი წყალი. ვფიქრობ, ჩვენი ერთობლივი მუშაობა შედეგს გამოიღებს. ბოდიშს ვუხდით საქარიქედის და იგორეთის მოსახლეობას იმის გამო, რომ ისინი მუდმივად აყენებენ ამ საკითხს და ეს საქმე დღემდე მოწესრგებული არაა.  პირობა ვაძლევ, რომ დაიწყება პოზიტიური ნაბიჯების გადადგმა ამ მიმართულებით. და ეს საკითხი საქარიქედის მოსახლეობისთვის ერთხელს და სამუდამოდ დადებითად გადაწყდება“-აცხადებს ხარაგაულის მერი. რაც შეეხება სოფლად ნაგვის შემკრები ურნების განთავსებას, როგორც ხარაგაულის მერმა განმარტა სოფელს  ახალი ურნები გადაეცემა, რომელსაც მომსახურებას გაუწევს ,,კეთილმოწყობისა და დასუფთავების გაერთიანება“,  რაც შესაძლებლობას მისცემს სოფელს  მყარი ნარჩენებისგან გათავისუფლდეს.  მერმა შესაბამის სამსახურს დავალება მისცა, ასევე სოფელ საქარიქედის გზის რეაბილიტაციასთან დაკავშირებით. კობა ლურსმანაშვილი: ,,გზის რეაბილიტაცია, ხანმოკლე დროში ვერ მოხერხდება, მას აქვს თავისი ვადები.შესყიდვების და ინფრასტრუქტურის სამსახურს მივეცი დავალება, რომ იმუშაონ და წარმოადგინონ პროექტი და ხარჯთაღრიცხვა, რომ ფინანსების გაჩენის შემთხვევაში ჩვენ მზად გვქონდეს პროექტები, რომ მათი ტენდერზე გატანა და მომსახურების შესყიდვა განვახორციელოთ.“  
სრულად
http://new.admin.kharagauli.ge/images/_DSC0169.jpg
24/06/2021 12:11

ხარაგაულში ჭადრაკში ტურნირი ჩატარდა

23 ივნისს, ოლიმპიურ დღესთან დაკავშირებით ა(ა)პ სპორტისა და შიდა ტურიზმის ცენტრში" ჭადრაკში მუნიციპალიტეტის პირველობა  ჩატარდა . ტურნირში მონაწილეობას 16 მოჭადრაკე იღებდა. ფინალში ერთმანეთს შეხვდნენ გიორგი ჭყოიძე და ივანე გოგოლაძე. პირველ ადგილი გიორგი ჭყოიძემ დაიკვა. გამარჯვებულები დაჯილდოვდნენ სპორტისა და შიდა ტურიზმის ცენტრის მიერ გამოყოფილი ფასიანი საჩუქრებით და შესაბამისი ხარისხის სიგელებით.
სრულად
http://new.admin.kharagauli.ge/images/_DSC0004.jpg
21/06/2021 18:26

ბიუროს სხდომაზე ჯანმრთელობისა და სოციალური დაცვის სამსახურის ანგარიში განიხილეს

რა სახის სოციალური დახმარებები და ჯანდაცვის პროგრამები მოქმედებს ხარაგაულის მერიაში და რა თანხა იხარჯება მუნიციპალიტეტის ბიუჯეტიდან სოციალურ სფეროზე, აღნიშნულ საკითხებზე იმსჯელეს ხარაგაულის მუნიციპალიტეტის საკრებულოს ბიუროს მორიგ სხდომაზე. აღნიშნულ საკითხთან დაკავშირებით, დეპუტატების კითხვებს მუნიციპალიტეტის მერის პირველი მოადგილე, ვარლამ ჭიპაშვილი და სოციალური   დაცვის განყოფილების უფროსი, ალექსანდრე ტაბატაძე პასუხობდა. ბიუროს სხდომაზე ალექსანდრე ტაბატაძემ საზოგადოებას მერიაში მოქმედი სოციალური და ჯანდაცვის პროგრამები გააცნო. ალექსანდრე ტაბატაძის განმარტებით, ხარაგაულის მერიაში სულ 23 პროგრამა მოქმედებს. მათგან ორი ჯანადცვისაა, დანარჩენი 21 კი სოციალური. გასულ წელს საგარანტიოების დაფინანსება განსაზღვრული იყო 307 000 ლარით, რომელიც მიმდინარე წელს-73 000 ლარით გაიზარდა და ჯამში 380 ათასი ლარით განისაზღვრა. მიმდინარე წელს ერთჯერადი დაფინანსებების თანხა გაორმაგდა და 60 000 ლარიდან 120 ათას ლარამდე გაიზარდა.   თუ გასულ წელს დაკრძალვის ხარჯების დაფინანსებას 57 ათასამდე სარეიტინგო ქულის მქონე ოჯახი იღებდა , 2021 წლიდან აღნიშნული პროგრამით სარგებლობა 65 000 -მდე სარეიტინგო ქულის მქონე ოჯახს შეუძლია.   ამ დროისთვის ადმინისტრაციული დაპირება გაიცა 941 ადამიანზე, ხოლო ანგარიშსწორება მოხდა 287 100 ლარის ოდენობით“.   მერის პირველმა მოადგილემ, ვარლამ ჭიპაშვილმა სოციალური სამსახურის საქმიანობასთან დაკავშირებით განმარტება გააკეთა: „აღნიშნული სამსახური ჩემ საკურატორო სფეროს წარმოადგენს. სამსახური მუშაობს იმისათვის, რომ მოქალაქეების ინტერესები იყოს დაცული, როგორც ჯანდაცვის ისე სოციალური მიმართულებით. სამსახურის საქმიანობაში აქტიურადაა ჩართულია თითოეული თანამშრომელი. მიმდინარე წელს სოციალური მიმართულებით ხარჯები გავზარდეთ, თუმცა უნდა აღინიშნოს, რომ საკმარისი არ არის და სრულად მძიმე სოციალურ ფონს ვერ მოვაგვარებთ. ძალიან დიდია საოპერაციო ხარჯებზე მომართვიანობა, რაც დაგეგმილს ბევრად აღემატება. მერის, კობა ლურსმანაშვილის ინიციატივით, სოციალურ პროგრამას დაემატა ვეტერანებისა და გადაუდებელი რეაგირების პროგრამები. სოციალური კომისია არის გამჭვირვალე, რომლის სხდომებშიც ნებისმიერ დაინტერესებულ პირს შეუძლია მონაწილეობა-‘’ განმარტა ვარლამ ჭიპაშვილმა.   სხდომაზე მეორე საკითხი სოციალური დახმარების გაცემაში ცვლილების შეტანის წესს ეხებოდა. ცვლილების თანახმად, ფულადი დახმარების მიღება შეეძლებათ, არა მხოლოდ სტიქიით, არამედ სიძველისაგან დაზიანებული სახლების და მძიმე საცხოვრებელი პირობების მქონე მოქალაქეებსაც. ცვლილების თანახმად, შესაძლებელია ასევე დაზიანებულ სახლზე მოქალაქემ რამდენჯერმე მიიღოს დახმარება მიზნობრიობის დადგენის შემთხვევაში.   სხდომაზე ბიუროს წევრებმა ასევე იმსჯელეს საგრანტო კონკურსში წარსადგენ პროექტებზე. როგორც მერის პირველმა მოადგილემ, ვარლამ ჭიპაშვილმა განმარტა „2020-2022 წლების საპილოტე რეგიონების ინტეგრირებული განვითარების პროგრამა“ მიზნობრივი ღონისძიებების დაფინანსებას ითვალისწინებს. „კონკურსის პირობებიდან გამომდინარე პროექტები უნდა მოიცავდეს ტურისტულ, კულტურულ ან საგანმანათლებლო ობიექტების მშენებლობას ან რეკონსტრუქციას. საკრებულოს მოსაწონებლად წარმოგიდგენთ, ხუთ პროექტს, რომელთაგან შეიძლება დაფინანსდეს ორი ან ერთი, ეს პროექტებია: ხუნევის ბაღის მშენებლობა, ისტორიული მუზეუმის რეკონსტრუქცია-განახლება, ხარაგაულის პარკის რეაბილიტაცია, დევის ხვრელის მიმდებარე ტერიტორიისა და ოკაცეს კანიონის ინფრასტრუქტურის მოწესრიგება.“   სხდომაზე ასევე განხილული იყო შემდეგი საკითხები:                                                              ხარაგაულის მუნიციპალიტეტის საკრებულოს 2020 წლის 23 დეკემბრის N23 დადგენილებაში „ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის დამტკიცების შესახებ“ ცვლილების შეტანის თაობაზე;                                                                                            მომხს” ვლადიმერ გელაშვილი ხარაგაულის მუნიციპალიტეტის საკუთრებაში არსებული, სოფელ ბორითში მდებარე არასასოფლო - სამეურნეო დანიშნულების 1553.00 კვ.მ მიწის ნაკვეთის (ს/კ 36.03.33.190),   მასზე მდგარი შენობა ნაგებობით სახელმწიფოსათვის უსასყიდლოდ საკუთრებაში გადაცემის შესახებ;                                                                                                    მომხს: ნანული კვინიკაძე „2020-2022 წლების საპილოტე რეგიონების ინტეგრირებული განვითარების პროგრამით“ (სრიგპ) საგრანტო კონკურსში, წარსადგენად ხარაგაულის მუნიციპალიტეტის მერის მიერ მოსაწონებლად წარმოდგენილი იდეების განხილვის შესახებ;                                                                                          მომხსენებელი: პეტრე შარიქაძე  
სრულად