დღეს ხარაგაულის მაღალმთიან სოფელ გედსამანიაში მუნიციპალიტეტში რიგით მეოცე საბავშვო ბაღი გაიხსნა. გედსამანიაში სოფელში არსებული მზარდი კონტიგენტიდან გამომდინარე გასულ წელს სკოლამდელი მზაობის ჯგუფი დაარსდა, წელს კი ადგილობრვი ბიუჯეტის დაფინანსებით შესაძლებელი გახდა საბავშვო ბაღის გახსნა. გედსამანიის საბავშვო ბაღში დღეს 20-მდე აღსაზრდელი მიიღეს. სასწავლო-სააღმზრდელო პროცესი, 12 ოქტომბერს ხარაგაულის მუნიციპალიტეტის ოცივე საბავშვო ბაღში ჯანდაცვის რეკომენდაციების სრული დაცვით განახლდა. ხარაგაულის სკოლამდელ დაწესებულებათა გაერთიანების დირექტორის, მამუკა ჭიპაშვილის ინფორმაციით, ყველა საბავშვო ბაღი აღჭურვილია შესაბამისი ეკიპირებით, დაცულია საკოორდინაციო საბჭოსა და ჯანდაცვის სამინისტროს რეკომენდაციები.

ხარაგაულის მუნიციპალიტეტის საკრებულოს 2020 წლის 08 ოქტომბრის რიგგარეშე სხდომის დღის წესრიგი 1. ხარაგაულის მუნიციპალიტეტის საკრებულოს 2015 წლის 6 აპრილის №16 დადგენილებაში „ადგილობრივი მოსაკრებლების შემოღების შესახებ“ ცვლილების შეტანის თაობაზე მომხს: გივი კურტანიძე 2. ხარაგაულის მუნიციპალიტეტის საკრებულოს 2014 წლის 14 ივლისის №17 დადგენილებაში ,,ხარაგაულის მუნიციპალიტეტის მერიის დებულების დამტკიცების შესახებ“ცვლილების შეტანის თაობაზე მომხს: კახაბერ გოლუბიანი 3. ხარაგაულის მუნიციპალიტეტის საკუთრებაში არსებული ინვენტარის თხოვების ფორმით არსებობის ვადით სსიპ საქართველოს ფოლკლორის სახელმწიფო ცენტრისთვის გადასაცემად ხარაგაულის მუნიციპალიტეტის მერისთვის თანხმობის მიცემის შესახებ მომხს: ჯაბა ბერაძე

 ალბათ ცოტა ხარაგაულელმა თუ იცის, რომ მუნიციპალიტეტში არის  სოფელი, სადაც მხოლოდ ერთი ოჯახი ცხოვრობს. ეს სოფელი ჩალხაეთია.   იქ მცხოვრებ ოჯახს მოგვიანებით უფრო ახლოს გაგაცნობთ. ახლა გეტყვით რატომ ვახსენეთ ჩალხაეთი.   ეს სოფელი წყალაფორეთის ადმინისტრაციულ ერთეულშია გაერთიანებული, დღეს კი, პარასკევია და ჩვენი კამპანიის ფარგლებში მოგიყვებით რა გაკეთდა ამ თემში, რომელიც 6 სოფელს წყალაფორეთს, ლახუნდარას, ხონს, ჩალხაეთს, ბუდიანეთს და პატარა ვარძიას აერთიანებს.  საკრებულოს ცენტრიდან ხარაგაულამდე მანძილი 17 კილომეტრია. ცენტრი კი, სოფელი წყალაფორეთია, რომლის სახელწოდება მის ტერიტორიაზე წყაროების სიმრავლის გამო შეურქმევიათ.  სოფელი ხონი სამკურნალო აბანოებით, ხოლო ლახუნდარა ბოტანიკური მნიშვნელობის ძეგლებით-მუხისა და ცაცხვის ასწლოვანი ხეებით გამოირჩევა.  ადმინისტრაციულ ერთეულში სოფლები პატარა ვარძია და ბუდიანეთი საუცხოო ხედებით გამოირჩევიან.  სოფელ წყალაფორეთში ადმინისტრაციულ ცენტრამდე მოეწყო ასფალტის საფარი 2750 მ.  სოფელ პატარა ვარძიაში ცენტრალურ გზაზე მოეწყო გარე განათება.  სოფელ ლახუნდარაში მოეწყო 3 ჭაბურღილი სასმელი წყლისთვის.  ლახუნდარაში კავილაძეების, არჩევაძეებისა და ეკლესიის უბანში მოეწყოცენტრალური გზები ბეტონით ჯამში 7500 მ.  ახალი საბავშვო ბაღი აშენდა სოფელ წყალაფორეთში.  სოფელ ხონში მოეწყო 2 700 მცენტრალური გზა ბეტონის საფარით.  სოფელ წყალაფორეთსა და ლახუნდარაში, არჩევაძეებისა და ეკლესიის უბანში 4 ახალი მოსაცდელი მოეწყო.  800 მ გზის საფარი მოეწყო სოფელ წყალაფორეთში, გუდიანეთის უბანში.  მდინარე საკრაულაზე, სოფელ ჩალხაეთში გაკეთდა საფეხმავლო ხიდ-ბოგირი, აგრეთვე მოეწყო სკვერი.  ყიფიანებისა და მაჩიტაძე-ხიჯაკაძის უბნებში მოეწყო გზის საფარი ბეტონით, ჯამში 250 მ.  სოფელ წყალაფორეთში ახალი სახურავით გადაიხურა სოფლის წისქვილი.  ბეტონის საფარი მოეწყო 150 მ საუბნო გზაზე სოფელ პატარა ვარძიაში.  წყალაფორეთის ადმინისტრაციულ ერთეულში ამჟამად 1000-მდე ადამიანი ცხოვრობს.

დღეს ხარგაულის 21 საბავშვო ბაღის გამგეს „ქალთა საერთაშორისო ასოციაცია IWA-Georgia“ -ს წარმომადგენლებმა საჩუქრები გადასცეს.   ღონისძიება ხარაგაულის საგანმანათლებლო რესურსცენტრში ჩატარდა, რადგან პროექტი, რომლის ფარგლებშიც ბაღებმა საგანმანათლებლო ნვთები მიიღეს, ცენტრის სკოლამდელი განათლების სპეციალისტის, ნათია კაციტაძის ინიციატივით განხორციელდა.  ნანა დვალი - ქალთა საერთაშორისო ასოციაციის დამფუძნებელი - „ჩვენს ასოციაციაში გაერთიანებულია ქართველი და უცხოელი ქალები, ძირითადად დიპლომატიური კორპუსის წარმომადგენლები. ვართ მოხალისეები და მოვიზიდავთ თანხებს. წლის განმავლობაში ვიღებთ მოთხოვნებს რეგიონებიდან - სად რისი საჭიროება დგას და მერე ამ თანხებით ვაკეთებთ პატარა პროექტებს. სწორედ ასე მოხდა ხარაგაულის საბავშვო ბაღების შერჩევა, ნათია კაციტაძის დიდი მონდომებით მივანიჭეთ პრიორიტეტი თქვენს მუნიციპალიტეტს და დღეს ვართ ძალიან კმაყოფილები, რადგან ვხვდებით რომ ეს რესურსი ძალიან ჭირდებოდა ხარაგაულის ბაღებს. მინდა მადლობა გადავუხადო, რესურცენტრის ხელმღვანელს, მარინე ვეფხვაძეს, ქალბაქტონ ნათია კაციტაძეს და ყველა სტრუქტურას ვინც ასე ორგანიზებულად იყო ჩართული, რომ დღევანდელი დღე შემდგარიყო“.  ღონისძიებას ესწრებოდნენ - მეთთე ჰერტცელი- ასოციაციის ვიცე პრეზიდენტი, საქველმოქმედო პროექტების კომიტეტის ერთ-ერთი თავმჯდომარე, ანუშ კლიმჩიკი-საქველმოქმედო პროექტების კომიტეტის წევრი. ასევე, ხარაგაულის მერის მოავალეობის შემსრულებელი თემურ ჩხეიძე, საკრებულოს კულტურისა და განათლების კომისიის თავმჯდომარე, დავით კიკნაძე და ბაღდათი-ხარაგაულის მაჟორიტარი დეპუტატის ბუროს ხელმძღვამნელი ჟანა ნემსაძე.

დღეს ხარაგაული ევროპული მემკვიდრეობის დღეების აღნიშვნას შეუერთდა.   ხარაგაულის ისტორიული მუზეუმის ორგანიზებით, მუზეუმის ეზოში აქტივობები რამდენიმე სახელწოდებით გაიმართა  „მემკვიდრეობა და განათლება-სწავლა სიბერემდე!“ „ჩვენ ვაფერადებთ სამყაროს“ - პატარებმა სურვილის მიხედვით ქართული ანბანის ასოები მოხატეს, გააფერადს და გამოძერწეს. „უძველესი ტრადიციები“ თაობებს შორის გადაცემული ადათ-წესები. კულტურულ-საგანმანათლებლო პროექტი „მემკვიდრეობა და განათლება“ მოეწყო ფოტოგამოფენა - „თაობები ერთ სივრცეში“.  ეზოს გაფორმება და ბავშვების ბედნიერი სახეები არაჩვეულებრივ კონტრასტს ქმნიდა.  ისტორიულ მუზეუმში გამართულ ღონისძიებებს დღეს ხარაგაულში სტუმრად მყოფი ევროკავშირის ელჩის მეუღლე შვედეთიდან მეთთე ჰერტცელი და ხარაგაულის მუნიციპალიტეტის მერის მოვალეობის შემსრულებელი თეიმურაზ ჩხეიძე დაესწრნენ, რომელთაც ბავშვებთან ერთად მონაწილეობა მიიღეს სხვადსხვა აქტივობებში.  მუზეუმის ხელმძღვანელის ნინო დიდიძის თქმით -“წელს ევროპის დღეების ფარგლებში განსაკუთრებული ყურადღება განათლებაზე გამახვილდა. სწორედ ამიტომ, დავუკავშირდით სკოლებს და ახალგაზრდებს ვთხოვეთ მათი ურთიერთობა აესახათ უფროსი თაობის წარმომადგენლებთან. და ასევე დავინტერესდით ხარაგაულელი ბავშვების კავშირით ევროკავშირის ქვეყნებთან. მათ მოგვაწოდეს ვიდეოები, რომლებსაც აუცილებლად გამოვაქვეყნებთ ხარაგაულის ისტორიული მუზეუმის ოფიციალურ გვერდზე. 2016 წლიდან იუნესკომ, ქართული ანბანი არამატერიალური ძეგლების სიაში შეიყვანა სწორედ ამიტომ, ასეთ მნიშვნელოვან ძეგლს, ქართულ ანაბანს დავუთმეთ წელს ევროპის დღეები, ხარაგაულში“

ხარაგაულის მუნიციპალიტეტში 532 პედაგოგი მუშაობს!   დღეს მათი დღეა - მასწავლებელთა საერთაშორისო დღე ამ დღის მიზანია მასწავლებელთა დაფასება და მადლობის გადახდა საზოგადოების განვითრებაში შეტანილი წვლილისთვის.  სწორედ ამიტომ, უკვე ტრადიციულად, ხარაგაულში, 5 ოქტომბერი განსაკუთრებულად აღინიშნება.  ხარაგაულის საგანმანათლებლო რესურცენტრისა და განათლების პროფკავშირების ხარაგაულის რაიონული ორგანიზაციის ორგანიზებით, ასევე, ხარაგაულის მერიის მხარდაჭერით, დღეს, ხარაგაულის მუნიციპალიტეტის 25 საჯარო და ერთი კერძო სკოლის წლის წარმატებულ მასწავლებლებს სამადლობელი სიგელები და ფასიანი საჩუქრები გადაეცათ.   საგანმანათლებლო რესურცენტრის უფროსის, მარინე ვეფხვაძის განცხადებით, „წლევანდელი 5 ოქტომბერი, ქვეყანაში შექმნილი მდგომარეობიდან გამომდინარე ღონისძიებით ვერ აღინიშნა, თუმცა, სკოლებმა, ტრადიციულად წლის საუკეთესო პედაგოგები გამოავლინეს. ჩვენ პირადად მივედით მათთან მივულოცეთ მასწავლებლებს პროფესიული დღე და წარმატებულ პედაგოგებს საჩუქრები გადავეცით“ წლის საუკეთესო მასწავლებლებად დასახელდნენ   ეკატერინე ქურდაძე- სადგურ მარელისის საჯარო სკოლა; სოფიკო ლომიძე - ვერტყვიჭალის საჯარო სკოლა; ირმა ჩაჩანიძე - ნადაბურის საჯარო სკოლა; დარეჯან წიქარიშვილი - ვაშლევის საჯარო სკოლა; ლიანა ჩადუნელი- ბორის სკოლა-პანსიონი; ლენა ციცვიძე- ხიდარის საჯარო სკოლა; იამზე პავლაძე - კიცხის საჯარო სკოლა; მზევინარ კიკნაძე- ზვარეს საჯარო სკოლა; ხათუნა ღონღაძე- მოლითის საჯარო სკოლა; თეონა ბანცაძე - სარგვეშის საჯარო სკოლა; ნანა ინასარიძე - ვახანის საჯარო სკოლა მარიამ ხუციშვილი - ბორითის საჯარო სკოლა; ინგა გლუნჩაძე - ბაზალეთის საჯარო სკოლა; ალექსანდრე იჩქიტიძე- ღორეშის საჯარო სკოლა; მადონა მაქაძე - ლეღვანის საჯარო სკოლა; ნათელა კამკამიძე - ანდრია პირველწოდებუის გიმნაზია; მზია კვინიკაძე - დაბა ხარაგაულის N3 საჯარო სკოლა; ნინა ხუციშვილი - ხევის საჯარო სკოლა; მედული კუპრაძე - წყალაფორეთის საჯარო სკოლა; მამუკა ხიჯაკაძე - ვარძიის საჯარო სკოლა; გოჩა ჩადუნელი - ხუნევის საჯარო სკოლა; ლელა მჭედლიშვილი - ლაშის საჯარო სკოლა; თეა ტალახაძე - დაბის N2 საჯარო სკოლა; ლელა ხელაშვილი - საღანძილის საჯარო სკოლა; ნინო ჩხეიძე - წიფის საჯარო სკოლა მანანა სახვაძე - უბისის საჯარო სკოლა. მასწავლებელთა საერთაშორისო დღის აღნიშვნა 1994 წლიდან დაიწყო და ამ დღეს მსოფლიოს 100-ზე მეტ ქვეყანაში ზეიმობენ!

6 ოქტომბერს ხარაგაულის საკრებულოს ბიურომ რიგგარეშე სხდომა გამართა, სადაც 8 ოქტომბრის საკრებულოს რიგგარეშე სხდომის დღის წესრიგი დაამტკიცა. ბიუროს წევრებმა განიხილეს 2015 წლის, 6 აპრილის, №16 დადგენილებაში „ადგილობრივი მოსაკრებლების შემოღების შესახებ“ ცვლილება. ასევე, ხარაგაულის მუნიციპალიტეტის მერიის დებულების დამტკიცების შესახებ ცვლილება. მერს უნდა მიეცეს თანხმობა დაბა ხარაგაულში ,დეკანოსიძის ქუჩა N 5-ში მდებარე შენობის მეორე სართულზე(საჯარო რეესტრის ყოფილი ფართი) ,ხარაგაულის მუნიციპალიტეტის საკუთრებაში არსებული ინვენტარის საქართველოს ფოლკლორის სახელმწიფო ცენტრისათვის, თხოვების ფორმით არსებობის ვადით გადასაცემად. საკრებულო რიგგარეშე სხდომას 8 ქტომბერს 10 საათზე ჩაატარებს!

ხარაგაულის მუნიციპალიტეტის საკრებულოს 2020 წლის 06 ოქტომბრის ბიუროს რიგგარეშე სხდომის საკითხთა ნუსხა ხარაგაულის მუნიციპალიტეტის საკრებულოს 2015 წლის 6 აპრილის №16 დადგენილებაში „ადგილობრივი მოსაკრებლების შემოღების შესახებ“ ცვლილების შეტანის თაობაზე მომხს: გივი კურტანიძე ხარაგაულის მუნიციპალიტეტის საკრებულოს 2014 წლის 14 ივლისის №17 დადგენილებაში ,,ხარაგაულის მუნიციპალიტეტის მერიის დებულების დამტკიცების შესახებ“ცვლილების შეტანის თაობაზე მომხს:კახაბერ გოლუბიანი დაბა ხარაგაულში ,დეკანოსიძის ქუჩა N 5-ში მდებარე შენობის მეორე სართულზე(საჯარო რეესტრის ყოფილი ფართი) ,ხარაგაულის მუნიციპალიტეტის საკუთრებაში არსებული ინვენტარის საქართველოს ფოლკლორის სახელმწიფო ცენტრისათვის, თხოვების ფორმით არსებობის ვადით გადასაცემად მერისთვის თანხმობის მიცემის შესახებ მომხს: მაია ალავიძე

დღეს ხარაგაულის მუნიციპალიტეტის საკრებულომ მორიგი სხდომა გამართა. დეპუტატებმა დღის წესრიგით გათვალისწინებული ხუთი საკითხი განიხილეს. პირველი მოისმინეს საკრებულოს საფინანსო-საბიუჯეტო კომისიის ანგარიში გაწეული საქმიანობის შესახებ. ანგარიში, რომელიც 2019 წლის სექტემბრიდან ამ დრომდე პერიოდის საქმიანობას ასახავდა, დეპუტატებს კომისიის თავმჯდომარემ, ვარლამ ჭიპაშვილმა წარუდგინა. ანგარიშში დეტალურად იყო განხილული ერთი წლის საქმიანობა და ასევე, დასაბუთებული ყველა შეფასება და კომენტარი, რაც კი საანგარიშო პერიოდში  კოსმიიის მხრიდან გაკეთებულა.  საკრებულოს წევრებმა მოისმინეს ასევე, ჯანდაცვისა და სოციალურ საკითხთა კომისიის ანგარიში, რომელიც კომისიის თავმჯდომარე გივი თხელიძემ წარმოადგინა. ხმათა უმრავლესობით დეპუტატების მიერ ორივე კომისიის საქმიანობა დადებითად შეფასდა. სხდომაზე ასევე განიხილეს  საკითხი - ხარაგაულის მუნიციპალიტეტის საკრებულოს 2020 წლის 9 მარტის N50/11 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ცვლილების შეტანის თაობაზე. საკითხი - ხარაგაულის მუნიციპალიტეტის საკრებულოს 2020 წლის 9 მარტის N50/12 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე. საკითხ - ხიარაგაულის მუნიციპალიტეტის საკრებულოს 2017 წლის 21 ნოემბრის N50/76 განკარგულებაში „ხარაგაულის მუნიციპალიტეტის საკრებულოს ეკონომიკის, ქონების მართვისა და ინფრასტრუქტურის კომისიის შემადგენლობის დამტკიცების შესახებ“ ცვლილების შეტანის თაობაზე.

ხარაგაულის მუნიციპალიტეტის საკრებულოს 2020 წლის 05 ოქტომბრის სხდომის დღის წესრიგი: 1. ხარაგაულის მუნიციპალიტეტის საკრებულოს საფინანსო - საბიუჯეტო კომისიის მიერ გაწეული მუშაობის შესახებ ანგარიშის მოსმენისა და შეფასების შესახებ მომხს: ვარლამ ჭიპაშვილი 2.ხარაგაულის მუნიციპალიტეტის საკრებულოს ჯანდაცვისა და სოციალურ საკითხთა კომისიის მიერ გაწეული მუშაობის შესახებ ანგარიშის მოსმენისა და შეფასების შესახებ მომხს: გივი თხელიძე 3. ხარაგაულის მუნიციპალიტეტის საკრებულოს 2020 წლის 09 მარტის N50/11 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ცვლილების შეტანის თაობაზე მომხს: ჯაბა ბერაძე 4.ხარაგაულის მუნიციპალიტეტის საკრებულოს 2020 წლის 09 მარტის N50/12 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე მომხს: ჯაბა ბერაძე 5. ხარაგაულის მუნიციპალიტეტის საკრებულოს 2017 წლის 21 ნოემბრის #50/76 განკარგულებაში „ხარაგაულის მუნიციპალიტეტის საკრებულოს ეკონომიკის, ქონების მართვისა და ინფრასტრუქტურის კომისიის შემადგენლობის დამტკიცების შესახებ“ ცვლილების შეტანის თაობაზე მომხს: ოთარ ლურსმანაშვილი