საგზაო ინფრასტრუქტურის გაუმჯობესება ხარაგაულის ადგილობრივი ხელისუფლების ერთ-ერთი პრიორიტეტული მიმართულებაა. ამის დასტურია ის, რომ ბოლო წლების განმავლობაში ისეთ სოფლებში, სადაც გზა არასდროს ყოფილა, თანამედროვე სტანდარტების გზები გაკეთდა. გარდა ამისა, აშენდა ახალი საბავშვო ბაღები, რეაბილიტირდა საჯარო სკოლები, გაზიფიცირდა რამდენიმე სოფელი და სხვა. თამამად შეიძლება ითქვას, რომ  ხარაგაულის მერია მუნიციპალიტეტში ინფრასტრუქტურის მოწესრიგებას საკმაოდ დიდ ყურადღებას აქცევს. როგორც ჩვენთვის ცნობილია, მიმდინარე წელს მუნიციპალიტეტში მასშტაბური ინფრასტრუქტურული პროექტების განხორციელება იგეგმება, რისთვისაც სხვადასხვა ფონდიდან თანხები უკვე გამოიყო და ზოგიერთ პროექტზე ტენდერებიც გამოცხადდა. უფრო დეტალურად, რა პრიორიტეტები შეიმუშავა მიმდინარე წელს ადგილობრივმა ხელისუფლებამ, ამის შესახებ  მუნიციპალიტეტის მერის მოადგილე დავით დევდარიანი გვესაუბრება. -მაქსიმალურად ვცდილობთ, პირველ რიგში, ის პროექტები განხორციელდეს, რომლებიც უშუალოდ მოსახლეობის კეთილდღეობაზე იქნება ორიენტირებული. აღსანიშნავია, რომ ბოლო წლების განმავლობაში მუნიციპალიტეტის ისეთ სოფლებში, სადაც რეაბილიტირებული  გზები არასდროს ყოფილა, დღეს უკვე მოსახლეობა  კეთილმოწყობილი გზებით სარგებლობს. თითქმის ყველა სოფელში ხორციელდება სხვადასხვა ინფრასტრუქტურული პროექტი და ბევრი სასიკეთო ცვლილებებია ადგილობრივებისათვის. მოგახსენებთ, რომ მიმდინარე წელს ხარაგაულის მუნიციპალიტეტს  რეგიონული განვითარების ფონდიდან, პირველ ეტაპზე 2 775 762 ლარი გამოეყო და დაგეგმილია 19 პროექტის განხორციელება. აქედან სამი პროექტი გარდამავალია, რომლებზეც სამუშაოები 2021 წელს დაიწყო. დანარჩენ 16-ზე, სამუშაოების შემსრულებლების გამოვლენის მიზნით, ტენდერები გამოცხადდა. ზოგიერთ მათგანზე ტენდერი უკვე დასრულებულია და შერჩევა-შეფასების პროცედურები მიმდინარეობს.  ხარაგაულის მერია, რეგიონული განვითარების ფონდიდან დამატებით თანხებს კვლავ მიიღებს და მიმდინარე წელს კიდევ მოგვეცემა ახალი პროექტების განხორციელების შესაძლებლობა. -რის საფუძველზე ანიჭებს მუნიციპალიტეტის მერია პრიორიტეტს განსახორციელებელ ინფრასტრუქტურულ პროექტებს? -პროექტების შერჩევა-შეფასებისას, პირველ რიგში, დიდი ყურადღება ექცევა ისეთ სოფლებს, სადაც კომპაქტური დასახლებაა და საგზაო ინფრასტრუქტურა მოსაწესრიგებელია. გარდა ამისა, პრიორიტეტების შერჩევისას ვხელმძღვანელობთ, „საქართველოს რეგიონებში განსახორციელებელი პროექტების ფონდიდან დასაფინანსებელი ადგილობრივი თვითმმართველობისა და რეგიონული პროექტების შერჩევის პროცედურების დამტკიცების შესახებ საქართველოს მთავრობის 2013 წლის 7 თებერვლის №23 დადგენილებით”.  ასევე საპროექტო წინადადებებისა და  დოკუმენ­ტაციის მომზადების შერჩევისას გათ­ვალისწინებულია შემდეგი კრიტერიუმები: საპროექტო წინადადებისა და საპროექტო დოკუმენტაციის შესაბამისობა ხარაგაულის მუნიციპალიტეტის განვითარების პროგრამასთან; ადგილობრივი მოსახლეობის მაქსიმალური ჩართულობა საპროექტო წინადადების შერჩევისა და განხორციელების პროცესში; მოსახლეობის ხელმისაწვდომობის გაზრდა და ხარისხის ამაღლება ტრანსპორტის, ჯანდაცვის, განათლების, სპორტის, კულტურის, საბინაო-კომუნალური მომსახურების სფეროებში. გეტყვით, რომ  ხარაგაულის მუნიციპალიტეტის სოფლებში ცენტრალური გზების უმრავლესობა რეაბილიტირებულია. ახლა კი შიდა საუბნო გზების მოწესრიგებაზე გვაქვს აქცენტი. -რამდენად ხარისხიანად ასრულებენ ტენდერში გამარჯვებული კომპანიები სამუშაოებს და გამოვლინდა თუ არა დარღვევის ფაქტები? - შესრულებული სამუშაოების ხარისხი რამდენიმე ფაქტორზეა დამოკიდებული. ჩვენთან დაგეგმილი ყველა სამუშაოს საპროექტო-სახარჯთაღრიცხვო დოკუმენტაციას ექსპერტიზა აქვს გავლილი, წინააღმდეგ შემთხვევაში ის დაფინანსებას ვერ მიიღებს. სამუშაოს დაწყებიდან დასრულებამდე მას კონტროლს უწევს, როგორც ჩვენ მიერ დაქირავებული საზედამხედველო ორგანიზაცია, ასევე შესაბამისი სამსახურები და მერის ბრძანებით შექმნილი კონტროლის ჯგუფი. ყველა ამ ფაქტორის გათვალისწინებით, სამუშაოების უხარისხოდ შესრულების ალბათობა მინიმუმამდეა დაყვანილი. ძირითადი პრობლემა მაინც მეწარმეების მიერ გეგმა-გრაფიკის დარღვევაში გამოიხატება, რა დროსაც მათ მიმართ გამოიყენება კანონმდებლობით და ხელშეკრულებით გათვალისწინებული სანქციები. -როგორ ხდება დასრულებული პროექტების ჩაბარება და ვინაა პასუხისმგებელი მის ხარისხზე? -50 000 ლარზე მეტი ღირებულების ინფრასტრუქტურული ობიექტების სამშენებლო სამუშაოებზე საზედამხედველო მომსახურებას ახორციელებენ საზედამხედველო კომპანიები, რომლებიც აკრედიტირებული არიან სსიპ „აკრედიტაციის ერთიანი ეროვნული ორგანო - აკრედიტაციის ცენტრის” მიერ. მათ მიერ მომზადებული ექსპერტიზისა და შესაბამისი დასკვნის საფუძველზე, მუნიციპალიტეტის მერიაში შექმნილი კონტროლის ჯგუფი საბოლოოდ ახორციელებს პროექტის შემოწმებას და აკეთებს შესაბამის დასკვნას. დადებითი დასკვნის საფუძველზე დგება შესაბამისი მიღება-ჩაბარების აქტი. დასრულებული პროექტების ხარისხზე პასუხისმგებელია მუნიციპალიტეტის მერია. -დაბა ხარაგაულში მიმდინარეობს წყალარინებისა და უწყვეტი წყალმომარაგების სამუშაოები. როდის იგეგმება ამ ორი მასშტაბური პროექტის დასრულება? -მნიშვნელოვანია, რომ ამ  პროექტების დასრულების შემდეგ, ხარაგაულს ექნება 24-საათიანი და, რაც მთავარია, ხარისხიანი წყალმომარაგება, ასევე ახალი საკანალიზაციო სისტემა, რომელიც წლებია, პრობლემას წარმოადგენს  მუნიციპალიტეტში.  რაც შეეხება პროექტის დასრულებას, რამდენიმე ხნის წინ ხარაგაულის მერის, კობა ლურსმანაშვილის, ინიციატივით, მოხდა შეხვედრა  სამუშაოების დამკვეთ შპს „გაერთიანებული წყალმომარაგების კომპანიის ” ახალ ხელმძღვანელთან და შემსრულებელ კომპანიებთან. შეხვედრაზე აღინიშნა, რომ ორივე პროექტი დასრულდება მარტის თვის განმავლობაში. ვინაიდან ძირულა-ხარაგაული-ჩუმათელეთის გზის რეაბილიტაციის ფარგლებში დაგეგმილია ხარაგაულის ცენტრალური ქუჩის (სოლომონ მეფის ქუჩა) გზის საფარის დაგება, პირველ ეტაპზე აღნიშნულ ქუჩაზე და მის მიმდებარედ მოეწყობა კანალიზაციის კოლექტორი, რათა გზის სამუშაოებს ხელი არ შეეშალოს. ვფიქრობ, ძალიან მალე შეგვეძლება, დაბა ხარაგაულის ცენტრალური ქუჩის რეაბილიტაცია დავიწყოთ და მოქალაქეებმა კეთილმოწყობილი ინფრასტრუქტურით ისარგებლონ. - მიმდინარე წელს, იგეგმება თუ არა „სოფლის მხარდაჭერის პროგრამის” განხორციელება ? -„სოფლის მხარდაჭერის პროგრამის” ფარგლებში, ხარაგაულის მუნიციპალიტეტში არაერთი მნიშვნელოვანი პროექტი განხორციელდა. მოსახლეობის უშუალო ჩართულობითა და მათივე გადაწყვეტილებით, თანხები ძირითადად მცირე ინფრასტრუქტურულ სამუშაოებზე  იხარჯება. 2021 წელს, პროგრამის ფარგლებში, 140 პროექტი განხორციელდა, მათ შორის, მოხდა  გზებისა და სასმელი წყლის სისტემის რეაბილიტაცია, მოეწყო გარე განათება. საერთო ჯამში, პროგრამის ფარგლებში  890 000 ლარი დაიხარჯა, მათ შორის, ხარაგაულის მერიიდან თანადაფინანსების სახით - 193 000 ლარი. რა თქმა უნდა, მიმდინარე წელსაც განხორციელდება „სოფლის მხარდაჭერის პროგრამა”. ველოდებით მთავრობის განკარგულებას, თუ რა თანხას მიიღებს ამ მიმართულებით ხარაგაული, ახლო მომავალში გახდება ცნობილი. დაფინანსების მოსვლის შემდეგ ყველა ადმინისტრაციულ ერთეულში მოეწყობა შეხვედრები და მოსახლეობა თავად აირჩევს, რისი გაკეთება სურთ და რა არის მათთვის პრიორიტეტი. -გვესაუბრეთ გაზიფიცირებასთან დაკავშირებით, რომელი სოფლების გაზიფიცირება იგეგმება მიმდინარე წელს? -საქართველოში დასახლებული ტერიტორიების გაზიფიცირების სამუშაოები ხორციელდება მთავრობის მიერ გაწეული სუბსიდირებით, რაც განსაზღვრულია მთავრობის შესაბამისი განკარგულებით. ამ განკარგულების მიხედვით, 2022 წელს ხარაგაულის მუნიციპალიტეტში დაგეგმილია: ღარიხევის, წიფის, ქროლის, კიცხის იგორეთისა და ლაშის იგორეთის გაზიფიცირება. რაც შეეხება დანარჩენ სოფლებს, გაზის მაგისტრალის მოწყობა განხორციელდება ეტაპობრივად. ამჟამად ხარაგაულში ბუნებრივი აირით  დაბა, ბაზალეთი, ჩხერი, ჯაფაროული, თეთრაწყარო, ისლარი, ფარცხნალი, ახალსოფელი,  ლაშე და  კიცხი  სარგებლობს. გაზის მაგისტრალის მოწყობა დასრულებულია ვარძიაში და  საქარიქედში, სადაც ბუნებრივი აირი მიმდინარე წელს ჩაირთვება. -რეგიონების ინტეგრირებული განვითარების პროგრამის ფარგლებში მერიამ რამდენიმე  წინადადება წარადგინა. რომელი პროექტები დაფინანსდა აღნიშნული პროგრამის ფარგლებში? -საპილოტე რეგიონების ინტეგრირებული განვითარების პროგრამის ფარგლებში წარდგენილი პროექტებიდან დაფინანსდა ხუნევში საბავშვო ბაღის მშენებლობისა და დაბა ხარაგაულის მიმდებარედ „დევების” სკვერის რეაბილიტაცია. ხუნევში საბავშვო ბაღის მშენებლობა უკვე მიმდინარეობს. „დევების” სკვერის რეაბილიტაციის სამუშაოებზე კი გამოცხადებულია ტენდერი, რომელიც თებერვლის ბოლოს დამთავრდება. მიმდინარე წელს ასევე მუნიციპალიტეტის მერიამ წარადგინა სამი საპროექტო წინადადება: სოფელ მიროწმინდაში ეკლესიასთან მისასვლელი გზის რეაბილიტაცია, დაბა ხარაგაულის კულტურისა და დასვენების პარკის რეკონსტრუქცია და ჩხერის ციხესთან ტურისტული ინფრასტრუქტურის მოწყობა. -რა მდგომარეობაა მაღალმთიანი დასახლების სტატუსის მქონე სოფლებში. მიმდინარე წელს იგეგმება თუ არა მაღალმთიანი დასახლების ფონდიდან  თანხების გამოყოფა? -ხარაგაულის მუნიციპალიტეტის მაღალმთიან სოფლებში საგზაო ინფრასტრუქტურა ეტაპობრივად ეწყობა. ძალიან მნიშვნელოვანია, რომ დიდი ყურადღება ექცევა  მაღალმთიან  დასახლებებს და მაქსიმალურად  ხორციელდება ყველაფერი იმისათვის, რომ  მოსახლეობა სოფლად დამაგრდეს. ხარაგაულის მუნიციპალიტეტში ეს სტატუსი ხუთ სოფელს აქვს მინიჭებული. 2021 წელს საკმაოდ მსხვილი პროექტები იქნა განხორციელებული გედსამანიასა და ზვარეში, რაზეც მილიონ ლარზე მეტი დაიხარჯა. წელსაც გვაქვს მზად რამდენიმე საპროექტო დოკუმენტაცია და იმედი მაქვს, ზოგიერთი მათგანის განხორციელების საშუალება მოგვეცემა. - როგორც ვიცით, საქართველოს მთავრობის განკარგულებით ხარაგაულის მუნიციპალიტეტს, კიცხი-ხიდრის დამაკავშირებელი გზის სარეაბილიტაციოდ თანხები გამოეყო. როდის დაიწყება აღნიშნულ მონაკვეთზე სარეაბილიტაციო სამუშაოები? - მას შემდეგ, რაც კიცხი-ხიდრის დამაკავშირებელი გზის გარკვეულ მონაკვეთზე, წყლის დინების ზემოქმედების შედეგად, განვითარდა მეწყერული პროცესები და მოძრაობა აღარ იყო უსაფრთხო, ჩვენ მიერ დაისახა სალიკვიდაციო ღონისძიებები. პირველ რიგში, მომზადდა საპროექტო-სახარჯთაღრიცხვო დოკუმენტაცია, ჩვენ მიერ განისაზღვრა საჭირო თანხა და სამხარეო ადმინისტრაციის შუამდგომლობით მოხდა ამ თანხის მოთხოვნა საქართველოს მთავრობის წინაშე.  პრობლემის მოგვარების საქმეში უშუალოდ იყო ჩართული, ხარაგაულის მუნიციპალიტეტის მერი კობა ლურმანაშვილი და მაჟორიტარი დეპუტატი პაატა კვიჟინაძე. მათი ძალისხმევის შედეგად მართლაც ოპერატიულად მოხდა სტიქიის სალიკვიდაციო ფონდიდან თანხის გამოყოფა. ამასთანავე, სამუშაოების შესრულების გამოვლენის მიზნით, გამოცხადებულია ტენდერი, რომელიც 23 თებერვალს დასრულდება. პროექტის ღირებულება 750 000 ლარია, რომლის ფარგლებშიც გათვალისწინებულია რკი­ნა-ბეტონის საყრდენი კედლისა და დაზიანებული 87 მეტრი გზის მონაკვეთის მშენებლობა. ამასთან ერთად, გზაზე უსაფრთხო და შეუფერხებელი გადაადგილების მიზნით, დაზიანებული გზის მიმდებარედ მოეწყო ალტერნატიული დროებითი გზის მონაკვეთი. - რამდენიმე სოფელში სასმელი წყლის მიწოდების საკითხი კვლავ აქტუალურია, რა ღონისძიებებს ატარებს ხარაგაულის მერია ამ მიმართულებით ? -განსაკუთრებით ბოლო წლებში წყლის დებეტის კლებისა და მოხმარების მოთხოვნილების გაზრდის გამო, ბევრ სოფელში შეიქმნა წყალმომარაგების პრობლემა. გასულ წელს, „სოფლის მხარდაჭერის პროგრამის” ფარგლებში და მერიის მიერ განხორციელებული თანადაფინანსებით, 5 სოფელში მოეწყო ჭაბურღილი, ასევე თითქმის ყველა სოფლისთვის, მოთხოვნისა და საჭიროების მიხედვით, შეძენილ იქნა სხვადასხვა ზომის ავზები და წყლის მილები. საერთო ჯამში, წყალმომარაგების სისტემის რეაბილიტაციისათვის 368 140 ათასი ლარი დაიხარჯა. არანაკლები თანხაა განსაზღვრული მიმდინარე წლის ბიუჯეტში, რომელიც წყლის სისტემის მოწესრიგებას მოხმარდება. - გასულ წელს განხორციელდა წყალაფორეთის საჯარო სკოლის დემონტაჟი. იგეგმება თუ არა სკოლის ახალი შენობის აგება და რა ეტაპზეა ეს საკითხი ? - გასულ წელს დაგეგმილი იყო სოფელ წყალაფორეთის საჯარო სკოლის სრული რეაბილიტაცია, თუმცა სამუშაოების წარმოების დროს შენობა იმდენად   დაზიანებული  აღმოჩნდა, რომ მისი აღდგენა არარენტაბელური იქნებოდა. ამჟამად სკოლის ახალი შენობის მშენებლობისთვის ადგილი შერჩეულია და მიმდინარეობს მოლაპარაკება მუნიციპალური განვითარების ფონდსა და მშენებელ კომპანიას შორის საკითხის დადებითად გადასაწყვეტად. წყალაფორეთს ახლო მომავალში აუცილებლად  ექნება თანამედროვე სტანდარტების შესაბამისი სკოლა. ამ საკითხზე ხარაგაულის ადგილობრივი ხელისუფლება აქტიურად მუშაობს.  გეტყვით იმას, რომ განათლება ჩვენს საქმიანობაში ერთ-ერთი პრიორიტეტული მიმართულებაა და ხარაგაულის საჯარო სკოლებს სარეაბილიტაციო სამუშაოები  სისტემატურად  უტარდებათ. ასევე, ბოლო წლების განმავლობაში, მუნიციპალიტეტში რამდენიმე ახალი თანამედროვე სტანდარტების შესაბამისი სკოლა აშენდა. -და ბოლოს გკითხავთ, თუ რა ეტაპზეა ძირულა - ფონა - ჩუმათელეთის გზის სარეაბილიტაციო სამუშაოები? -ძირულა-ფონა-ჩუმათელეთის გზ­ის რეაბილიტაციის სამუშაოების მიზნით, ტენდერი გამოცხადებული იყო ორ ლოტად. ძირულა-ბაბის მიმდებარედ მუშაობს კომპანია „ბლექ სი გრუპი ”, რომელმაც სამუშაოების უმეტესი ნაწილი დაასრულა. დარჩა რამდენიმე პრობლემური მონაკვეთი, რომელთა რეაბილიტაცია ამჟამადაც მიმდინარეობს. რაც შეეხება გზის მეორე მონაკვეთს ბაბიდან-ჩუმათელეთამდე, კომპანიამ, რომელსაც ევალებოდა  გზის რეაბილიტაცია, ვერ უზრუნველყო თავისი მოვალეობების შესრულება და, რამდენადაც ჩვენთვის ცნობილია, მიმდინარეობს მასთან გაფორმებული ხელშეკრულების შეწყვეტის პროცედურები. ამ პროცედურების დასრულების შემდგომ თავიდან მოხდება სამუშაოების შესყიდვა, საქართველოს საავტომობილო გზების დეპარტამენტის მიერ. ჩვენი მიზანია, რაც შეიძლება მალე დასრულდეს აღნიშნული მონაკვეთის რეაბილიტაცია და მოსახლეობას გადაადგილების მხრივ პრობლემები მოუგვარდეს. რა თქმა უნდა, ადგილობრივი ხელისუფლება  მუდმივ კომუნიკაციაშია შესაბამის სამინისტროებთან, რათა ეს პრობლემები  ახლო მომავალში აღმოიფხვრას.  

ხარაგაულში ვაქცინაციის მარათონი გრძელდება. სოფელ მარელისსა და მოლითში ადგილობრივ მაცხოვრებლებს  შესაძლებლობა ჰქონდათ, ვაქცინაციით, ადგილობრივად, სოფლიდან გაუსვლელად, მობილური ამცრელი ბრიგადების საშუალებით ესარგებლათ.   დღის განმავლობაში ვაქცინაციის პროცესს  მერიის  ჯამრთელობისა და სოციალური დაცვის სამსახურის უფროსი, ნანა კიკნაძე და ა(ა)იპ ,,საზოგადოებრივი ჯანდაცვის ცენტრის" დირექტორი ალექსანდრე ტაბატაძე აკვირდებოდნენ.   ვაქცინაცია ,,სინოვაკის,“ ,,სინოფარმისა“ და ,,ფაიზერის“ვაქცინით ჩატარდა.  შესაძლებელი იყო, როგორც პირველი და მეორე დოზის, ასევე, ბუსტერდოზის გაკეთებაც.   ირმა გიორგაძე , ექიმი:    ,,დღევანდელი აქცია მიეძღვნა ხარაგაულს, სადაც სოფელ მარელისსა და მოლითში მარათონის პირობებში ჩავატარეთ აცრა. მოსახლეობის მხრიდან დაფიქსირდა  ძალიან კარგი აქტივობა, ვაქცინაციია პროცესი მშვიდობიანად წარიმართა და  მოვუწოდებ ყველას ,რომ აიცრან რათა ამ ვირუსის მიმართ ბრძოლის უნარი გამოიმუშაონ.   საზოგადოებრივი ჯანდაცვის ცენტრის დირექტორი, ალექსანდრე ტაბატაძე:    ,,შემდეგი ვაქცინაციის მარათონი  მომართვიანობის შესაბამისად დაიგეგმება. ხარაგაულის მერია და საზოგადოებრივი ჯანდაცვა   მზადყოფნას გამოთქვამს ორგანიზება გაუწიოს ამ პროცესს და მობილურ ამცრელ ბრიგადასთან ერთად ვაქცინაციის პროცესი დაგეგმოს იმ სოფელში ,სადაც აცრის  მეტი მსურველი იქნება.   ალექსანდრე ფუხაშვილი,სოფელ სერბაისის მკვიდრი:    ,,ვარ 88 წლის, დღეს პფაიზერის ბუსტერ დოზა გავიკეთე, თავს კარგად ვგრძნობ, ვფიქრობ ვაქცინაცია იცავს ადამიანებს ამ საშიში ვირუსისგან. ყველას ვთხოვ აიცრან და დაიცვან თავიანთი თავიც და საზოგადოებაც.   ,,ვაქცინაციის მარათონი" იმუნიზაციის  პოპულარიზაციისა და კოვიდ-19- ის საწინააღმდეგო ვაქცინით მოსახლეობის მოცვის გაზრდის მიზნით, ჯანმრთელობისა და სოციალური დაცვის სამინისტროს ინიციატივით იმართება, რომელიც სოფლად მცხოვრები 50 წლის და უფროსი ასაკის  მოსახლეობის ადგილზე  აცრას გულისხმობს, რაც თავის მხრივ,  ავადობის შემცირებასა და შესაძლო გართულებების თავიდან აცილებას განაპირობებს აღნიშნულ ასაკობრივ ჭრილში.     ინფორმაციისთვის, საქართველოს მთავრობის გადაწყვეტილებით, თებერვლის ბოლომდე, 50 წელს გადაცილებულ მოქალაქეებს აცრის შემთხვევაში 200 ლარი გადაეცემათ, ასევე, 50 წელს გადაცილებული ყველა ის მოქალაქე, რომელიც კორონავირუსის საწინააღმდეგო ვაქცინის ორი დოზით არის აცრილი და ,,ბუსტერ" - მესამე დოზა აცრას გაიკეთებს, 100 ლარს მიიღებს.   მუნიციპალიტეტში  ვაქცინაცია ორ ლოკაციაზე ხორციელდება. რეგიონული ჯანდაცვის ცენტრის ხარაგაულის სამედიცინო დაწესებულებასა და ბორითის გადაუდებელი დახმარების კლინიკაში.   ხარაგაულში  შესაძლებელია როგორც სწრაფი ისე PCR კვლევა. არიან ოჯახები,  რომლებთაც არ შეუძლიათ კოვიდ კვლევის ჩასატარებლად ადგილზე მოსვლა. (ძირითადად შშმ პირები ან უკიდურესად გაჭირვებულ ოჯახები, )ასეთ შემთხვევაში ხარაგაულის საზოგადოებრივი ჯანდაცვის ცენტრის  თანამშრომლები გადიან და როგორც სწრაფ, ისე პისიარ ტესტირებას, ოჯახებში ატარებენ.    ინფორმაციისთვის, საქართველოს მთავრობის გადაწყვეტილებით, თებერვლის ბოლომდე, 50 წელს გადაცილებულ მოქალაქეებს აცრის შემთხვევაში 200 ლარი გადაეცემათ, ასევე, 50 წელს გადაცილებული ყველა ის მოქალაქე, რომელიც კორონავირუსის საწინააღმდეგო ვაქცინის ორი დოზით არის აცრილი და ,,ბუსტერ" - მესამე დოზა აცრას გაიკეთებს, 100 ლარს მიიღებს.    

ხარაგაულის  რეგიონული ჯანდაცვის ცენტრის  დირექტორი სამი წელია, გიორგი ამურველაშვილი გახლავთ. ბ-ნ გიორგის სამედიცინო განათლება აქვს მიღებული და წლების განმავლობაში სხვადასხვა კლინიკაში ხელმძღვანელ პოზიციებზე მუშაობდა. თამამად შეიძლება ითქვას, რომ ის ნამდვილად გამოირჩევა მაღალი პროფესიონალიზმით და  სწორედ მისი ძალისხმევით კლინიკაში ბოლო წლებში არაერთი სიახლე დაინერგა.  პანდემიის დღიდან, საავადმყოფო აქტიურადაა ჩართული კოვიდპაციენტების ჯანმრთელობის რეგულირებაში და აქ მომუშავე მედპერსონალის დამსახურებით, უამრავ მოქალაქეს სიცოცხლე შეუნარჩუნდა. რა სერვისებია ამჟამად ხელმისაწვდომი სამედიცინო დაწესებულებაში, რა სიახლეებით შეხვდნენ 2022 წელს  და როგორ მიმდინარეობს  კოვიდპაციენტების მკურნალობა, ამის შესახებ გიორგი ამურველაშვილი პირადად გვესაუბრება. -გასული წლის  სექტემბრიდან ხარაგაულისა და ბორითის კლინიკები კოვიდცენტრებად გადაკეთდა. ამ პერიოდის განმავლობაში 300-მდე პაციენტი მივიღეთ, როგორც  ხარაგაულიდან, ასევე სხვადასხვა ქალაქიდან. ჩვენი გუნდი დაუღალავად და მაღალი პროფესიონალიზმით ემსახურება თითოეულ მათგანს, თუმცა გვქონდა გართულებებიც, ასეთ შემთხვევაში კი რეფერირებას ვახდენთ შესაბამის კლინიკაში. ასეთი სულ 20-მდე  შემთხვევა გვქონდა, საბედნიეროდ, ყველა მათგანი გამოჯანმრთელდა. უნდა აღინიშნოს, რომ კოვიდპაციენტების მართვის საკითხში ერთ-ერთი საუკეთესონი ვართ,  ამის თქმის უფლებას მაძლევს არაერთი გამოჯანმრთელებული და მადლიერი პაციენტი, რომლებიც საჯაროდ  გამოხატავენ თავიანთ კმაყოფილებას. რაც შეეხება სიახლეებს, გეტყვით, რომ კლინიკის თანამშრომლები ყოველთვის ორიენტირებული არიან პროფესიული განვითარების კუთხით.  სწორედ ამ მიზნით, ინტენსიურად მიმდინარეობს მედპერსონალის გადამზადება. მოგეხსენებათ, რომ კლინიკაში არის გადაუდებელი სამედიცინო დახმარების განყოფილება (ემერჯენსი) და რეგულაციის მიხედვით აუცილებელია, საკმარისი რაოდენობის ემერჯენსოლოგები გვყავდეს. ამიტომ გადავწყვიტეთ, მედპერსონალი გადაგვემზადებინა  ემერჯენსოლოგებად და ეს პროცესი ეტაპობრივად ხორციელდება. მინდა გითხრათ, რომ ზოგადად პატარა რაიონების სამედიცინო დაწესებულებებში ემერჯენსოლოგების  დეფიციტია,  თუმცა, დღევანდელი მდგომარეობით, ხარაგაულის მუნიციპალიტეტი ექიმების დეფიციტს არ განიცდის. ყველა სპეციალისტი გვყავს ადგილზე, როგორც  ამბულატორიაში, ასევე გადაუდებელი დახმარების ცენტრსა და სტაციონარში.  მნიშვნელოვანი სიახლეა ის, რომ რეგიონალური ჯანდაცვის ცენტრის მხარდაჭერით, სულ ახლახან კლინიკაში ჟანგბადის მინი ქარხანა დამონტაჟდა. აღსანიშნავია, რომ მსგავსი  მინი ქარხანა ბორითის გადაუდებელ ცენტრშიც წარმატებით ფუნქციონირებს.  თამამად შეიძლება ითქვას, რომ საქართველოს მასშტაბით, ხარაგაულის საავადმყოფო ერთ-ერთი საუკეთესოა, რომელიც აღჭურვილია თანამედროვე აპარატურით და საერთაშორისო სტანდარტის ნორმებს შეესაბამება. კლინიკაში ასევე ფუნქციონირებს რეანიმაციული განყოფილება, სადაც განთავსებულია მაღალტექნოლოგიური აპარატურა, მათ შორის,  სასუნთქი აპარატი და მონიტორული სისტემა. -ამ ეტაპზე, კონკრეტულად რომელი ამბულატორული მომსახურების მიღება შეუძლიათ  პაციენტებს?  -მიუხედავად იმისა, რომ კლინიკა კოვიდცენტრადაა  გადაკეთებული, რეგულაციების დაცვით  ხდება სხვა პაციენტთა მიღება და ძირითადი სერვისები კვლავ ხელმისაწვდომია.  თუმცა, მიღების დრო შემცირებულია და ეს ხდება მოქალაქეთა  უსაფრთხოებისთვის.  დიდი ნაკადის თავიდან ასარიდებლად დავაწესეთ მიღების საათები, დილის 10 საათიდან საღამოს 17:00 საათამდე. ამ დროის მონაკვეთში  კარდიოლოგი, თერაპევტი, პედიატრი, ნევროლოგი, ოფთალმოლოგი, ყელ-ყურის ექიმი, ყველა  ადგილზეა. კლინიკაში აქტიურად ტარდება ყველა ამბულატორული მომსახურება და 24-საათიან რეჟიმში მუშაობს ექოსკოპისტი. ჩვენთან შეუფერხებლად მიმდინარეობს ვაქცინაციის პროცესიც.  ამჟამად  კლინიკაში ხელმისაწვდომია  „სინოვაკის”, „სინოფარმის” და „ფაიზერის” ვაქცინები.  აცრები მშვიდ ვითარებაში მიმდინარეობს და ამ დრომდე გართულებების არც ერთი შემთხვევა არ გვქონია. -გვესაუბრეთ მოწვეულ ექიმებზე, რომლებიც ამჟამად ჰყავს ხარაგაულის კლინიკას.  -იმის გათვალისწინებით, რომ ხარაგაულის მოსახლეობას კლინიკაში ჰქონდეს ყველა სერვისზე ხელმისაწვდომობა, სხვა რაიონებიდან გვყავს  სხვადასხვა პროფილის სპეციალისტები მოწვეული. ექიმი-კარდიოლოგი, ვლადიმერ თხელიძე და  ჯუნი ფერაძე,  ქირურგი მალხაზ ბურნაძე, ყელ-ყურის ექიმი ვახტანგ მატარაძე და ანესთეზიოლოგი სოსო სეფაშვილი. თუმცა კოვიდპაციენტებთან მუშაობის გამო,  მოწვეულ ექიმთა უმრავლესობამ  სპეციალური გადამზადება გაიარა და დროებით,  გადაუდებელი დახმარების სპეციალისტებად  მუშაობენ  ემერჯენსში. ხარაგაულის საავადმყოფოში სულ 63 მედპერსონალი საქმიანობს, რომლებიც დღედაღამ დაუღალავად დგანან პაციენტების ჯანმრთელობის სადარაჯოზე. მიუხედავად იმისა, რომ გვქონდა ექიმთა დაინფიცირების შემთხვევებიც, შიდა რესურსებით  წარმატებით ვართმევდით თავს და აქტიურად ვაგრძელებდით მუშაობას. -როგორია კლინიკის სამომავლო გეგმები... -მუნიციპალიტეტში  არსებული რთული ეპიდვითარების დროს რთულია სამომავლო გეგმებზე საუბარი. ამ ეტაპზე თითოეული ჩვენგანის მიზანია, რაც შეიძლება, მალე დავასრულოთ პანდემია და დავუბრუნდეთ ცხოვრების ჩვეულ რიტმს. მინდა მოსახლეობას მოვუწოდო, უფრო აქტიურად ჩაერთონ ვაქცინაციის პროცესში და ერთობლივი ძალებით დავამარცხოთ უხილავი მტერი. ასევე მნიშვნელოვანია პირბადის სწორად ტარება და ხალხმრავალი  ადგილებისაგან  თავის არიდება. ჩემი მიზანია, ხარაგაულის მოსახლეობა მაღალი სამედიცინო მომსახურებით იყოს უზრუნველყოფილი და გვყავდეს, რაც შეიძლება,  ბევრი კმაყოფილი პაციენტი. კლინიკაში კი ამისთვის ყველა სამედიცინო რესურსი და ინტელექტუალური პოტენციალია და, რა თქმა უნდა, სამომავლოდ ამ  მიმართულებით კვლავ გვექნება სიახლეები. და  ბოლოს, მადლობა  მინდა  გადავუხადო  რეგიონული  ჯანდაცვის  ცენტრის  ხელმძღვანელს  ბ-ნ  ნუგზარ  ბოლქვაძეს  და  კლინიკის  მედპერსონალს, რომლებიც  კოვიდპანდემიის  ურთულეს  პერიოდში  დაუღალავად  მუშაობენ.    

,,უღრმესი მადლობა მინდა გადაგიხადოთ  კურორტის სახელით , მიუხედავად დიდთოვლიანობისა და რთული ზამთრისა, ერთი დღითაც კი არ შეფერხებულა კურორტის მუშაობა, სისტემატიურად იწმინდება გზა და ნებისმიერი ტექნიკური პრობლემის შემთხვევაში მერი  მუდამ კავშირზეა. ეს თქვენი დამსახურებაა და ნამდვილად დასაფასებელია ასეთი დამოკიდებულება.” - წერს სოციალურ ქსელში , კურორტ ,,ნუნისის“ მენეჯერი ნინა პავლიაშვილი.

ხარაგაულის მერიამ, კიცხი-ხიდარის დამაკავშირებელი გზის სარებილიტაციოდ, ტენდერი გამოაცხადა. პრობლემის აღმოფხვრის მიზნით ადგილობრივი ხელისუფლება აქტიურად მუშაობდა, გაკეთდა პროექტი და ხარაგაულის მერის , კობა ლურსმანაშვილის და მაჟორიტარი დეპუტატის , პაატა კვიჟინაძის ერთობლივი ძალისხმევით, ხარაგაულის მუნიციპალიტეტს, სტიქიიის სალიკვიდაციო ღონისძიებების დასაფინანსებელი ფონდიდან, მთავრობის გადაწყვეტილებით გამოიყო დაფინანსება, 750 ათასი ლარი და გზის აღდგენითი სამუშოებისთვის მერიამ ტენდერი უკვე გამოაცხადა. კობა ლურსმანაშვილი: ,, ხაზგასმით მინდა აღვნიშნო, რომ ადგილობრივები კვლავ კეთილმოწყობილი გზით ისარგებლებენ. მინდა დიდი მადლობა გადავუხადო , მაჟორიტარ დეპუტატს , პაატა კვიჟინაძეს, რომლის ჩართულობა ხარაგაულისთვის მნიშვნელოვანი საკითხების გადაწყვეტისას აღსანიშნავი და მნიშვნელოვანია. როგორც იცით, მოსახლეობის უსაფრთხოდ გადაადგილებისთვის, ჩვენ , ჩავარდნილი გზის მიმდებარედ გავჭერით ახალი, ალტერნატიული გზა. ახალი პროექტის ფარგლებში, მოხდება გზის აღნიშნული მონაკვეთის რეაბილიტაცია და გზის გასწვრივ 60 მეტრი სიგანის რკინა - ბეტონის კედლის მოწყობა“.-განმარტა ხარაგაულის მერმა, კობა ლურსმანაშვილმა.

7  თებერვალს გამართულ საკრებულოს  სხდომაზე  დეპუტატებმა  დღის წესრიგით  გათვალისწინებული  საკითხები განიხილეს.  მათ  შორის,  ხარაგაულის  მუნიციპალიტეტის  მერიის  სახელმწიფო შესყიდვებისა და  მატერიალურ-ტექნიკური უზრუნველყოფის  სამსახურის ანგარიში, რომელიც   2021 წლის  პერიოდს მოიცავდა.  ანგარიში  შესყიდვებისა და  მატერიალურ-ტექნიკური უზრუნველყოფის  სამსახურის უფროსმა,  ზურაბ იჩქიტიძემ  წარმოადგინა.    მომხსენებლის ინფორმაციით ,,შესყიდვების  სამსახური  არეგულირებს  სახელმწიფო  შესყიდვების  სწორად განხორციელებას, სატენდერო  დოკუმენტაციის   პროექტების, სატენდერო  კომისიის სხდომის  ოქმების,   ინტერესთა კონფლიქის,  ხელშეკრულების, ურთიერთშეთანხმების  აქტის, მიმწოდებლებთან  გადასაგზავნი  წერილების, სამართლებრივი  აქტისა და  სხვადასხვა სახის საჭირო  დოკუმენტაციის პროექტების  მომზადებას. საანგარიშო პერიოდში  მუნიციპალიტეტის  მერიამ  სახელმწიფო შესყიდვები   განახორციელა  სახელმწიფო  და  ადგილობრივი თვითმმართველი  ერთეულის ბიუჯეტის  სახსრებით. აღსანიშნავია, რომ შესყიდვების განხორციელებისას,   არ  გამოკვეთილა    წლიური გეგმის  შეუსაბამო  ქმედება,  რაც შესაძლებელია   გამოიხატოს: გეგმის  ხელოვნურად  დაყოფაში,  მონეტარული  ზღვრების   დარღვევაში  და  ა.შ.  მნიშვნელოვანია,  რომ შესყიდვების  განხორციელებისას გათვალისწინებული იქნა,  სახელმწიფო  შესყიდვების   სააგენტოსა   და წინა  წლებში სახელმწიფო  აუდიტის  მიერ  გაცემული  რეკომენდაციები  და  შენიშვნები.      როგორც  მერიის  შესყიდვების  ანგარიშში  ვკითხულობთ,  2021  წლის  განმავლობაში,  ჯამში 9 978 592.33  ლარის  შესყიდვა  განხორცილდა.  მათ  შორის  ელექტრონული  ტენდერით -  8 167  533.33  ლარის  შესყიდვა; კონსოლიდერებული ტენდერის  საშუალებით  460 011.16  ლარის შესყიდვა;  გადაუდებელი აუცილებლობიდან გამომდინარე 159 655.82  ლარის  შესყიდვა; მონეტარული  ზღვრების  დაცვით  105  385.96 ლარის  შესყიდვა; სახელმწიფოებრივი  და  საზოგადოებრივი  მნიშვნელობის ღონისძიებების  ფარგლებში  24 937.16  ლარის  შესყიდვა; ნორმატიული აქტით  დადგენილი  გადასახადების  ფარგლებში  30  568  ლარის  შესყიდვა; ,,სოფლის  მხარდაჭერი  პროგრამის“  ფარგლებში  1 030  483.29  ლარის  შესყიდვა; ელექტრონული  ტენდერების  ჩატარების   შედეგად  და  ერთ პირთან  მოლაპარაკების   გზით, მერიამ  ჯამში  სხვადასხვა  საქონლის, მომსახურებისა  და სამუშაოების შესრულების  შესყიდვაზე მიმწოდებლებთან გაფორმდა  232  ხელშეკრულება, რომლებიც  გაფორმების  თარიღიდან 10  დღის  ვადაში  იტვირთება  და რეგისტრირდება  სახელმწიფო შესყიდვების  ერთიან  ელექტრონულ  სისტემაში. ( www.procurement.gov.ge ). სისტემაში  რეგისტრირებულ  ხელშეკრულებებზე ეტაპობრივად  იტვირთება  ხელშეკრულების  საფუძველზე  ფაქტობრივად  შესრულებული სამუშაოების, გაწეული  მომსახურების, მოწოდებული  საქონლის შესახებ  წარმოებული დოკუმენტაცია. აქვე  გეტყვით, რომ     შესყიდვების  სამსახურის  ანგარიში  ბიუროს  სხდომასა  და  შესაბამის  კომისიებზე იყო  განხილული. დეპუტატებმა  სამსახურის  ანგარიშის  დადებითად  შეაფასებას  ერთხმად  დაუჭირეს  მხარი.

ხარაგაულის ბაღების გაერთიანების დირექტორის , მამუკა ჭიპაშვილის ინფორმაციით, ხარაგაულში საბავშვო ბაღებში სწავლა 7 თებერვლამდე შეჩერდება. დღეის მდგომარეობით სასწავლო პროცესი შეწყვეტილია  ხარაგაულის 10 საბავშვო ბაღში. ბაღების გაერთიანების დირექტორი, მამუკა ჭიპაშვილი: ,, ხარაგაულის მერიასა  და ბაღების გაერთიანებას შორის შედგა ერთობლივი კონსულტაცია და შექმნილი ეპიდვითარების გამო, მივიღეთ გადაწყვეტილება, უსაფრთხოების მიზნით, ხარაგაულში საბავშვო ბაღებში სწავლა 7 თებერვლამდე შეწყდეს.“  

მაჟორიტარი დეპუტატის, პაატა კვიჟინაძის და ხარაგაულის მერის , კობა ლურსმანაშვილის აქტიური ჩართულობით ხაშური - ზესტაფონის საგარეუბნო მატარებლით, მოსახლეობის გადაადგილება ძველი გრაფიკით,  დღეიდან განახლდა. ხარაგაულის მერის, კობა ლურსმანაშვილის ინფორმაციით, რკინიგზის დეპარტამენტის საბოლოო გადაწყვეტილებით, მოსახლეობის დაშვება რკინიგზის მომსახურე პერონალის გადამყვან ერთ ვაგონიან შეამდგენლობაზე მოხდა.  დამატებით განვმარტავთ, რომ ხარაგაულის მუნიციპალიტეტი  აქტიურად იყო ჩართული ამ საკითხის მოგვარებაში და ვინაიდან ეს თემა ბოლომდე არ იყო დადებითად გადაწყვეტილი ხარაგაულის მერიამ მოსახლეობას დამატებით შესთავაზა მუნიციპალური ტრანსპორტით მომსახურეობა მოლითი -  ხარაგაულის მიმართულებით. მატარებლის მიმოსვლის განრიგი ასეთია: ზესტაფონი-ხაშური – 06:05 სთ. ხაშური-ზესტაფონი – 10:20 სთ. ზესტაფონი-ხაშური – 14:20 სთ. ხაშური-ზესტაფონი – 17:05 სთ.    

სოფელ მიროწმინდაში წმ.ნიკოლოზის სახელობის უძველეს ტაძართან არსებული ინფრასტრუქტურის და მისასვლელი გზის რეაბილიტაციის იდეა, იმერეთის სამხარეო საკონსულტაციო საბჭომ უკვე მოიწონა და პროექტი ამ ეტაპზე დაფინანსების მიღების მოლოდინშია. ხარაგაულის მერიის მიერ საპილოტე რეგიონების ინტეგრირებული განვითარების პროგრამის ფარგლებში 2022 წელს წარდგენილი იდეები  ტურისტული ლოკაციების, რეკრეაციული სივრცეებისა და საგზაო ინფრასტრუქტურის მოწყობას ითვალისწინებს. წელს კონკურსში, დასაფინანსებლად, ხარაგაულის მერმა , კობა ლურსმანაშვილმა იმერეთის სამხარეო საბჭოს სამი საპროექტო წინადადება წარუდგინა. სოფელ მიროწმინდაში წმ. ნიკოლოზის სახელობის ტაძარი VI საუკუნით თარიღდება. ტაძარს საქართველოს კულტურული მემკვიდრეობის დაცვის ეროვნულმა სააგენტომ რამდენიმე წლის წინ დაცული ძეგლის სტატუსი მიანიჭა, რომელიც  ფონდი ,,ქართუს" მიერ იქნა რეაბილიტირებული. ხარაგაულის მერი, კობა ლურსმანაშვილი: ,, ჩვენს მიერ ტურიზმის განვითარების ხელშეწყობის მიზნით შემუშავებული პროექტი, ევროკავშირის ფინანსური მხარდაჭერით განხორციელდება. პროექტის დაფინანსების 1 % თანამონაწილეობა ადგილობრივი ბიუჯეტიდან მოხდება. განხორციელდება მიროწმინდის წმინდა ნიკოლოზის ტაძრის მიმდებარე ტერიტორიის კეთილმოწყობა და ტაძრამდე მისასვლელი გზის რეაბილიტაცია. ეს ტაძარი მოგეხსენებათ კულტურული მემკვიდრეობის ძეგლია , რომელიც  ფონდი ,,ქართუს" მიერ იქნა რეაბილიტირებული. პროექტის ღირებულება გახლავთ 258,491  ათასი ლარი. პროექტი მოიწონა საკრებულომ და ასევე იმერეთის სამხარეო საკონსულტაციო საბჭომ. ამ დროისთვის, უკვე მომზადებულია მირონწმინდაში გზის რეაბილიტაციის პროექტის საპროექტო-სახარჯთაღრიცხვო დოკუმენტაცია. ამჯერად დაფინანსების მოლოდინში ვიმყოფებით, რის შემდეგაც ტენდერი გამოცხადდება.  ეს ძალიან მნიშვნელოვანი პროექტია, უნდა მოწესრიგდეს კულტურული მემკვიდრეობის ძეგლებთან მისასვლელი გზების საფარი, და ასევე მიმდებარედ არსებული ინფრასტრუქტურა. ეს კარგია ადგილობრივი მოსახლეობისთვის და ასევე გათვლილია სხვა კულტურულ აქტივობებზე. მოგეხსენებათ, მიროწმინდის ტაძარი უბისის და კოზმანის  სალოცავების საერთო სივრცეშია განთავსებული, ცენტრალური საავტომობილო მაგისტრალიდან არც ისე შორსაა და ვფიქრობ რომ მნიშვნელოვან დანიშნულებას შეიძენს  ტურისტული აქტივობების  კუთხით, არ გამოვრიცხავთ მომავალში ტაძარი გახდეს მოქმედი.“ ხარაგაულის მერია საპილოტე რეგიონების ინტეგრირებული განვითარების პროგრამის ფარგლებში 2022 წელს კიდევ 2 პროექტს წარადგენს, ესენია: 1.დაბა ხარაგაულში კულტურისა და დასვენების პარკის რეკონსტრუქცია; 2.ჩხერის ციხესთან ტურისტული ინფრასტრუქტურის მოწყობა. ამ ორი პროექტიდან იმერეთის სამხარეო - საკონსულტაციო საბჭოს მიერ მოწონებულია ხარაგაულის ცენტრალური სკვერის რეაბილიტაცია. ველოდებით მთავრობის განკარგულებას. ჩვენ გვინდა რომ ხარაგაულს ჰქონდეს განახლებული ცენტრალური პარკი.ჩვენ ჯერ არ გვაქვს პროექტის საპროექტო-სახარჯთაღრიცხვო დოკუმენტაცია, ამიტომ პროექტის ზუსტი ღირებულება  ჯერ არ ვიცით. ხარაგაულის მერია ეცდება მაქსიმალურად მაღალი სტანდარტებით განხორციელდეს პროექტის შესყიდვა. მნიშვნელოვანია სწორად იყოს დამუშავებული ტექნიკური მოთხოვნები, რომ შემოვიდეს მაღალი დონის საპროექტო ორგანიზაცია, რომელიც პარკის განვითარების გეგმას, პროექტს და ხარჯთაღირცხვას დადებს და შემდეგ ეტაპზე ვისურვებდით ისეთი პასუხისმგებლობის მქონე სამშენებლო კომპანიას, რომელიც პროექტს მაღალ დონეზე შეასრულებს და ხარაგაულის ცენტრალურ პარკს ძველებურად მიმზიდველს და გამორჩეულს გახდის. ჩვენ ასევე გვაქვს ორი ალტერნატიული პროექტი , ერთი გახლავთ ჩხერის ციხის მიმდებარე ტერიტორიის ინფრასტრუქტურის მოწესრიგება და ციხემდე მისასვლელი გზის რეაბილიტაცია, ასევე განიხილება ნადაბური - ციცქიურის -ხევის დარჩენილი დამაკავშირებელი გზის, დარჩენილი მონაკვეთის  რეაბილიტაციის პროექტი. ჩხერის ციხის საპროექტო წინადადება იმერეთის სამხარეო საკონულტაციო საბჭოს მიერ მოწონებულია. რაც შეეხება ნადაბური - ციცქიური - ხევის დამაკავშირებელი გზის რეაბილიტაციას, აღნიშნულ პროექტს არ აქვს გავლილი შესაბამისი პროცედურები და ეს ეტაპები გასავლელია. აქედან ან ორივე პროექტს განვახორციელებთ , ან ერთ-ერთს მაინც. შესაძლებელია ასევე აღნიშნული პროექტები სხვა ფონდებიდან  დაფინანსდეს. 2021 წელს სრიგპ-ს  პროგრამის ფარგლებში ხარაგაულში 2 მასშტაბური პროექტი დაფინანსდა. ხარაგაულის მერი, კობა ლურსმანაშვილი: ,, 2021 წელს, აღნიშნული კონკურსის ფარგლებში  ორი პროექტი დაფინანსდა.სოფელ ხუნევში ბაღის მშენებლობა და  დევების მიმდებარე ტერიტორიაზე ახალი რეკრეაციული ზონის შექმნა. ქართული ოცნების ხელისუფლებაში ყოფნის დროს ხარაგაულში  12  საბავშვო ბაღი აშენდა. იმ 8 საბაშვო ბაღიდან, რომელიც დაგვხვდა. 7 ბაღის რეაბილიტაცია განხორციელდა. ხუნევის საბავშვო ბაღი იყო ერთადერთი ძველი შენობა , რომელიც შემოგვრჩა და რომლის ადგილზეც   ,,საპილოტე რეგიონების ინტეგრირებული განვითარების პროგრამის“ ფარგლებში სრულიად ახალი ბაღი აშენდება.  ხუნევის ბაღის მშენებლობა უკვე დაიწყო, გამოვლენილია გამარჯვებული კომპანია, პროექტის ღირებულება 619 170 ლარია.” რაც შეეხება ,,დევების“ რეაბილიტაციის პროექტს, რომელიც 282 000 ლარით დაფინანსდა, მერია ტენდერს უახლოეს მომავალში გამოაცხადებს." ,,ჩვენი სურვილია, დევები ერთ-ერთ მნიშვნელოვან რეკრეაციულ ზონად ვაქციოთ, აქ არ არის მხოლოდ არსებულის განახლებაზე საუბარი, პროექტის ფარგლებში უფრო მასშტაბური სამუშაოები ჩატარდება. ვფიქრობთ, კლდოვანი ნაწილის ზემოთ მოეწყოს სკვერი, და დევების ტერიტორიასა და სამომავლოდ შექმნილ რეკრეაციულ ზონასთან დამაკავშირებელი ასასვლელი გაკეთდეს, სადაც იქნება სველი წერტილები, ტურისტული ინფრასტრუქტურის შესაბამისი შენობა ნაგებობები. განახლებას საჭიროებენ  თვითონ დევების მონუმენტებიც. საერთო ჯამში,  ამ პროექტზე ნახევარი მილიონი დაიხარჯება, ეს არის ხარაგაულელებისთვის ერთ-ერთი ყველაზე საყვარელი და მნიშვნელოვნი ადგილი. ხარაგაული ამ ადგილზე ეგებება და ხვდება სტუმრებს და ჩვენთვის მნიშვნელოვანია ამ ადგილის მოწესრიგება, რომელიც ქმნის განწყობას ხარაგაულზე და სიმბოლურ დატვირთვას ატარებს”- აცხადებს კობა ლურსმანაშვილი. იმერეთში საპილოტე რეგიონების ინტეგრირებული პროგრამის ფარგლებში 2021-2022 წლებში განსახორციელებელი ინფრასტრუქტურული პროექტებისთვის 69 656 927 ლარია გამოყოფილი.  საქართველოში რეგიონების ინტეგრირებული განვითარების საპილოტე პროგრამა წარმოადგენს სახელმწიფო პროგრამას, რომელიც ემყარება ევროკავშირის რეგიონული განვითარების პოლიტიკას. პროგრამის მიზანია, ხელი შეუწყოს დაბალანსებულ და მდგრად სოციალურ-ეკონომიკურ განვითარებას ტერიტორიული განვითარების ინტეგრირებული ინიციატივების განხორციელების გზით.        

ბიუროზე შემდეგი საკითხები იქნება განხილული                                                               საკითხთა ნუსხა 1. ხარაგაულის მუნიციპალიტეტის საკრებულოს 2015 წლის 24 აგვისტოს # 33 დადგენილებაში „ხარაგაულისმუნიციპალიტეტის საკრებულოსსაკრებულოს წევრების (გარდა საკრებულოს თანამდებობის პირებისა) უფლებამოსილების განხორციელებასთან დაკავშირებული ხარჯების  ანაზღაურების წესის დამტკიცების შესახებ“ ცვლილების შეტანის თაობაზე                                                                                      მომხს: ოთარი ლურსმანაშვილი 2. ხარაგაულის მუნიციპალიტეტის საკრებულოს 202 1 წლის 16 დეკემბრის N24 დადგენილებაში   „ ხარაგაულის მუნიციპალიტეტის თვითმმართველი ერთეულის 20 22   წლის ბიუჯეტის   დამტკიცების   შესახებ “ ცვლილების შეტანის თაობაზე მომხს: ვლადიმერ გელაშვილი   3.2020 − 2022 წლების საპილოტე რეგიონების ინტეგრირებული განვითარების პროგრამის ფარგლებში დაგეგმილ კონკურსში წარსადგენად ხარაგაულის მუნიციპალიტეტის მერის მიერ წარმოდგენილი საპროექტო იდეების მოწონების შესახებ                                                                                 მომხს: პეტრე შარიქაძე 4.სახელმწიფო აუდიტის სამსახურის მიერ 2021 წელს დამტკიცებულ ი მუნიციპალიტეტების მიერ დაფუძნებული არასამეწარმეო (არაკომერციული) იურიდიული პირების მართვის ეფექტიანობის აუდიტის ანგარიშ ი ს განხილვის შესახებ                                                                                      მომხს: ოთარი ლურსმანაშვილი