7 ივნისის საკრებულოს სხდომაზე, საკრებულოს წევრებს დღის წესრიგით გათვალისწინებული საკითხები, საკრებულოს თავმჯდომარემ, მანანა ბარბაქაძემ გააცნო. საკრებულოს სხდომას მერის პირველი მოადგილე , ვარლამ ჭიპაშვილი და მოადგილე დავით დევდარიანი ესწრებოდნენ.    საკრებულოზე მერიის  კულტურის, განათლების, სპორტის და ახალგაზრდობის საქმეთა სამსახურის ანგარიში  ამავე სამსახურის უფროსმა ირინე ჩხეიძემ წარმოადგინა და მოკლედ მიმოიხილა ის კულტურული ხასიათის აქტივობები, რომელსაც კულტურულ დაწესებულებათა გაერთიანებაში შემავალი აიპები უახლოეს მომავალში განახორციელებენ. ხარაგაულის თეატრი იმერეთის თეატრალური ფესტივლისთვის ემზადება, რომელიც გასულ წელს ღია სივრცეში, ამჯერად კი დარბაზში, რეგულაციების სრული დაცვით ჩატარდება. 19 ივნისს იმერეთის თეატრალურ ფესიტივალზე სახალხო თეატრების ჩვენებას ხარაგაულის თეატრი თანამედროვე კლასიკოსის რეზო კლდიაშვილის სევდანარევი კომედიით ,,იმერული რექვიემი,, გახსნის. რეზო თაბუკაშვილის სახელობის ლიტერატურული თეატრი 19-20 ივნისს სამხატვრო - მუსიკალურ პლენერს გამართავს. რეზო ლაღიძის 120 წლისთავისადმი ემზადება შ. ბუაჩიძის სახელობის სამუსიკო სკოლა. პანდემიის გამო ა(ა)იპ სპორტისა და ტურიზმის ცენტრის ღონისძიებები ღია სივრცეში იმართება. ,,მართალია ეს პანდემიით გამოწვეული რეგულაციების გამო ხდება , მაგრამ გარემოს ძალიან მოუხდა და იმედია ეს პრაქტიკა ჩვენთან ნელ-ნელა დამკვირდება“ - აღნიშნავს ირინე ჩხეიძე.   ირინე ჩხეიძემ აქცენტები კულტურულ აქტივობებზე და იმ პრობლემატურ და აქტუალურ საკითხებზე გააკეთა, რომელიც კულტურულ დაწესებულებებს ეხება. ირინე ჩხეიძე: ,,ისტორიული მუზეუმი, გაცილებით მეტს გვთავაზობს, ვიდრე მხარის მუზეუმი ის უახლოეს მომავალში თავისუფლად შეიძლება გარდაიქმნას  თანამედროვე ხელოვნების მუზეუმად, და ჩვენ ამის მომსწრე ვიქნებით , პანდემიის  პერიოდში 150 ზე მეტი მხატვრული ტილო შემოვიდა  , მათ შორის ავთო ვარაზის  შემოქმედებიდან, ეს ყველაფერი შენობის და სივრცის მომატებას მოითხოვს, რაც ვიზიტორებსაც მოიზიდავს.“ ირინე ჩხეიძემ ანგარიშის წარდგენისას კულტურის ცენტრის შენობის ფუნქციური დატვირთვაზე ისაუბრა და მასში თოჯინების თეატრისთვის დარბაზის გაკეთების იდეა გააჟღერა. ასევე დღეს საკრებულომ ხარაგაულის მუნიციპალიტეტის მერიის სახელმწიფო შესყიდვებისა და მატერიალურ- ტექნიკური უზრუნველყოფის სამსახურის დებულება დაამტკიცა. საკითხი სხდომაზე მერიის ადმინისტრაციული სამსახურის უფროსმა კახა გოლუბიანმა წარადგინა.   ხარაგაულის მუნიციპალიტეტის საკრებულოს 2021 წლის  07  ივნისის  სხდომაზე შემდეგი საკითხები განიხილეს ხარაგაულის მუნიციპალიტეტის მერიის კულტურის, განათლების, სპორტის და ახალგზრდობის საქმეთა სამსახურის მიერ გაწეული მუშაობის შესახებ ანგარიში                                                                                                         მომხს: ირინე ჩხეიძე   ხარაგაულის მუნიციპალიტეტის საკრებულოს 2020 წლის 23 დეკემბრის N23 დადგენილებაში „ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის  დამტკიცების  შესახებ“ ცვლილების შეტანის თაობაზე                                                                                             მომხს” ვლადიმერ გელაშვილი         3.ხარაგაულის მუნიციპალიტეტის საკრებულო 2014 წლის 14 ივლისის  №17 დადგენილებაში ,,ხარაგაულის მუნიციპალიტეტის მერიის           დებულების დამტკიცების შესახებ“ცვლილების შეტანის თაობაზე           მომხს: კახაბერ გოლუბიანი ხარაგაულის მუნიციპალიტეტის საკრებულოს 2014 წლის 2 სექტემბრის N31 დადგენილებაში,,ხარაგაულის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ ცვლილების შეტანის თაობაზე,           მომხს: კახაბერ გოლუბიანი      5. ხარაგაულის მუნიციპალიტეტის მერიის სახელმწიფო შესყიდვებისა და მატერიალურ- ტექნიკური უზრუნველყოფის სამსახურის დებულების დამტკიცების შესახებ        მომხს: კახაბერ გოლუბიანი ხარაგაულის მუნიციპალიტეტის საკრებულოს 2014 წლის 14 ივლისის N19 დადგენილებაში „ ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე      მომხს: კახაბერ გოლუბიანი     7. თბილისი - სენაკი - ლესელიძის საერთაშორისო მნიშვნელობის საავტომობილო გზის E-60 ავტომაგისტრალის, ჩუმათელეთი-ხევის (ლოტი-F1) და ხევი უბისის (ლოტი-F2) მონაკვეთებზე სამშენებლო სამუშაოების განხორციელების მიზნით ხარაგაულის  მუნიციპალიტეტის საკუთრებაში არსებული, სოფელ ხევში მდებარე - 1042 კვ.მ არასასოფლო-სამეურნეო დანიშნულების მიწის ნაკვეთის და მასზედ მდგარი შენობა-ნაგებობის (ს/კ 36.05.31.013), 500 კვ.მ არასასოფლო-სამეურნეო დანიშნულ;ების მიწის ნაკვეთის და მასზედ მდგარი შენობა-ნაგებობის (ს/კ 36.05.34.026), 26 კვ.მ არასასოფლო-სამეურნეო დანიშნულების მიწის ნაკვეთი ( ს/კ 36.05.31.940),  სოფელ ბორითში მდებარე 373 კვ.მ არასასოფლო-სამეურნეო დანიშნულების მიწის ნაკვეთის და მასზედ მდგარი შენობა-ნაგებობის (ს/კ 36.03.40.610)   და სოფელ საქასრიაში მდებარე  1908 კვ.მ სასოფლო-სამეურნეო დანიშნულების მიწის ნაკვეთის(ს/კ36.03.35.117) სახელმწიფოსათვის უსასყიდლოდ საკუთრებაში  გადაცემის შესახებ მომხს: ვარლამ ჭიპაშვილი 8. ხარაგაულის მუნიციპალიტეტის საკუთრებაში არსებული სოფელ ბორითში მდებარე არასასოფლო - სამეურნეო დანიშნულების 4149 კვ.მ მიწის ნაკვეთიდან (ს/კ 36.03.33.022),   2596 კვ.მ მისის ნაკვეთის სახელმწიფოსათვის უსასყიდლოდ საკუთრებაში  გადაცემის შესახებ. მომხს: ვარლამ ჭიპაშვილი 9. ხარაგაულის მუნიციპალიტეტის საკუთრებაში არსებული სოფელ ხევში მდებარე სასოფლო - სამეურნეო დანიშნულების 100 კვმ. მიწის ნაკვეთის (ს/კ 36.05.33.288), სახელმწიფოსათვის უსასყიდლოდ საკუთრებაში გადაცემის შესახებ. მომხს: ვარლამ ჭიპაშვილი                  

ხარაგაულის მერმა კობა ლურსმანაშვილმა ორშაბათის ტრადიციული თათბირი,მერის პირველ მოადგილესთან, ვარლამ ჭიპაშვილთან და თანაშემწესთან, ჟანა ნემსაძესთან, ერთად ახალი კადრების წარდგენით დაიწყო. კობა ლურსმანაშვილმა,  კოლეგებს, მერის წარმომადგენლის პოზიციაზე  ხევში, ოლეგ ხაჩიძე, ხოლო წყალაფორეთის ადმინისტრაციულ ერთეულში, როინ გელაშვილი წარუდგინა. მერმა, წარმომადგენლებს  საპასუხისმგებლო თანამდებობა მიულოცა და მოსახლეობასთან მჭიდრო კომუნიკაციიისკენ მოუწოდა.  მერმა თათბირზე სოფლის მხარდაჭერის პროექტების ფარგლებში მიმდინარე სამუშაოების შესახებ მოისმინა ინფორმაცია. წარმომადგენელების ინფორმაციით, ხელშეკრულებები შემსრულებელ კომპანიებთან გაფორმებულია.  როგორც თათბირზე აღინიშნა, მერის ბრძანებით ,  წარმომადგენლები აღნიშნულ პროექტებზე ზედამხვედველებად დაინიშნენ და ისინი უშაუალოდ შეძლებენ პროექტით გათვალისწინებული სამუშაოების გაკონტროლებას. კობა ლურსმანაშვილი:  ,,ბევრი წვალება აქვს გავლილი ამ პროგრამას, რომ მოსულიყო ხალხთან, ეს არ არის კომერციული თვალსაზრისით ვინმესთვის მომგებიანი პროექტები. ეს არის სოფლის საჭიროებებზე მორგებული პროექტი, მისი შესრულებისას იმით უნდა ვიყოთ დაინტერესებული, რომ განხორციელდეს ეფექტურად და სოფელს ჰქონდეს ხარისხიანად გაკეთებული გზის, განათების, თუ წყლის გამოყენების შესაძლებლობა. სოფლის მხარდამჭერი პროგრამის არსიც ამაში მდგომარეობს.“  თათბირზე, სოციალური თემატიკის განხილვისას აღინიშნა რომ სოციალური პროგრამებით სარგებლობისას მოქალაქეთა მხრიდან შემოსულ  განცხადებებს აუცილებლად უნდა ერთვოდეს  მერის წარმომადგენლის შუამდგომლობა. კობა ლურსმანაშვილი მიიჩნევს, რომ მოქალაქეების მხრიდან სოციალური პროგრამებით სარგებლობა, უშუალოდ წარმომადგენლებთან კომუნიკაციით უნდა ხდებოდეს.  თათბირზე განცხადება გააკეთა მერიის ბავშვთა უფლებების დაცვისა და მხარდაჭერის განყოფილების უფროსმა.  ბავშვთა უფლებების დაცვისა და მხარდაჭერის განყოფილება ახალი სტრუქტურული ერთეულია, რომელიც ადგილობრივი თვითმმართველობის დონეზე უშუალოდ ბავშვთა უფლებების კოდექსის აღმასრულებელია. განყოფილების უფროსის განცხადებით, მუნიციპალიტეტის მასშტაბით უნდა მოხდეს  ისეთი ოჯახების იდენტიფიცირება, სადაც ბავშვებს  მხარდაჭერა სჭირდებათ. ,,ასეთი ინფორმაცია უნდა შეგროვდეს,  ბაზა უნდა გავაკეთოთ, რომ მომავალი წლის ბიუჯეტში გარკვეული თანხა ამ ოჯახების მხარდასაჭერად გავითვალისწინოთ, თუ გონივრული ეჭვი არის სადმე რომ ბავშვთა უფლებები ირღევა გვთხოვთ გვეთანამშრომლოთ და მოგვაწოდოთ ინფორმაცია“ –მიმართა თეა ბერიძემ მერის წარმომადგენლებს. განყოფილება ფსიქოლოგის დანიშვნის შემდგე ოჯახებში გასვლას და მათთან მუშაობს გეგმავს. ქვეყნის მასშტაბით ქუჩების რეგისტრაცია და მათთვის სახელების მინიჭების პროცესი დაიწყო. აღნიშნულთან დაკავშირებით თათბირზე ადმინისტრაციული სამსახურის უფროსმა კახა გოლუბიანმა  გააკეთა განცხადება და მერის წარმომადგენელებს თითოეულ ადმინისტრაციულ ერთეულში ქუჩების რაოდენობის დაზუსტება , და მათგან რამდენ ქუჩას  უნდა მიენიჭოს სახელი იმის გარკვევა  მოსთხოვა.          

ოთარ აბაშიძის სახელობის თეატრი ხარაგაულელი მაყურებლისთვის 15 ივნისს საპრემიერო ჩვენებას გამართავს. სპექტაკლი  კოვიდ რეგულაციების სრული დაცვით გაიმართება, ამიტომ დარბაზში დამსწრეთა რაოდენობა შეზღუდული იქნება.  სპექტაკლი ასევე ნაჩვენები იქნება 18 ივნისს - 17 სთ-ზე. ხარაგაულის თეატრი სპექტაკლით ,,იმერული რექვიემი“ იმერეთის თეატრალურ ფესტივალზე 19 ივნისს წარსდგება. პიესის ,,იმერული რექვიემი“ ავტორი რეზო კლდიაშვილი გახლავთ. სპექტაკლის რეჟისორი: ირინე ჩხეიძე მუსიკალური გამფორმებელი: ანუშკა ჩხეიძე მხატვარი:  გაიოზ შუბითიძე ხმის ოპერატორი: დავით კვირიკაშვილი განათების  იპერატორი: ირაკლი შარიქაძე ოპერატორები : ზაზა ტაბატაძე და ავთო კვირკაშვილი გრიმი: ლიკა თაბუკაშვილი   სპექტაკლში მონაწილეობენ : შურა ექთანი - ირინე ჩხეიძე კაბირია - ლია ჭიპაშვილი პისტი - მაია ბერაძე ვალოდია - ვასილ კიკნაძე როსტომი - ბათუ კიკნაძე ტატიანა - ლუიზა კიკნაძე გულთმისანი- დავით ჭყოიძე კლავდია - ირმა სხილაძე სამუელა - ბექა ხიჯაკაძე სპექტაკლის საპრემიერო ჩვენება 15 ივნისი - 16 საათზე გაიმართება. ბილეთის ფასი - 5 ლარი.  

  19-20 ივნისს “რეზო თაბუკაშვილის სახელობის სახალხო ლიტერატურული თეატრი“ (რეჟისორი იზა ვეფხვაძე) ხარაგაულში მეექვსედ გამართავს სამხატვრო პლენერს - "გამა". პლენერი ხარაგაულის მუნიციპალიტეტის სოფელ ვერტყვიჭალაში რესტორანი "მარანი“-ს ეზოში  გაიხსნება და დაიხურება.  ტრადიციისამებრ, პლენერის გახსნის შემდეგ, მხატვრები ერთი დღე-ღამის განმავლობაში  ხარაგაულის სხვადასხვა სოფლებში, იმერულ ოჯახებში, იცხოვრებენ.  შექმნიან მხატვრულ ტილოებს და ეზიარებიან იმერული სტუმარ-მასპინძლობის მადლს. პლენერის გახსნის და დახურვის დღეს თბილისის ოპერის თეატრის სოლისტები მხატვართათვის და დამსწრე საზოგადოებისთვის  კონცერტებს გამართავენ. პლენერის 19 ივნისს, 11 საათზე, გახსნება და  20 ივნისს, 14 საათზე, დაიხურება.  

1 ივნისს 16 საათზე ა(ა)იპ „მოსწავლე-ახალგაზრდობის სახლი“ ბავშვთა დაცვის დღისადმი მიძღვნილ კონცერტს კულტურისა და დასვენების პარკში, ღია ცის ქვეშ, გამართავს. ღონისძიებაზე გაიმართება, ასევე, გამოფენა და მოეწყობა ხატვის კონკურსი. ა(ა)იპ „შოთა ბუაჩიძის სახელობის სამუსიკო სკოლა“ ბავშვთა დაცვის დღისადმი მიძღვნილ კონცერტს  2 ივნისს, 15 საათზე გამართავს. ღონისძიებები პანდემიით გამოწვეული რეგულაციების დაცვით გაიმართება.

ხარაგაულის მერი,კობა ლურსმანაშვილი  ,,შ.პ.ს საქართველოს გაერთიანებული წყალმომარაგების კომპანიის” ზემო იმერეთის და რაჭის რეგიონის ფილიალის უფროსს მამუკა ქვათაძეს და გაერთიანებული წყალმომარაგების კომპანიის ხარაგაულის სერვისცენტრის მენეჯერს, ტარიელ ავალიშვილის შეხვდა და დაბა ხარაგაულის 24 საათიანი წყალმომარაგების პროექტის პირველი და მეორე ეტაპით გათვალისწინებული სამუშაოები კიდევ ერთხელ განიხილა. დაბა ხარაგაულის უწყვეტი წყალმომარაგების პროექტის  პირველი ეტაპი ლეღვნის სათავე ნაგებობიდან სოფელ დიდვაკეში, საღანძილესა და დაბა ხარაგაულში  შემომავალი წყლის 14-კილომეტრიან  მაგისტრალის  სრულ რეაბილიტაციას, ასევე სატუმბი სადგურის და ახალი რეზერვუარის მოწყობას, კორპუსების შიდა გაყვანილობის აღდგენას და  მოსახლეობის ინდივიდუალური გამრიცხველიანებას ითვალისწინებს.  კობა ლურსმანაშვილი: პროექტირება და ხარჯთაღრიცხვა გაკეთებულია, ზოგ ლოკაციაზე მუშაობა დაწყებულია, ცენტრალური მაგისტრალის გარდა შეიცვლება ადგილობრივი ქსელები.  დაბის ტერიტორიაზე გვექნება  წყლის მიწოდების ახალი რეზერვუარები და ალტერნატიული ჭაბურღილები, საიდანაც კრიზისების დროს გადართვა მოხდება და უზრუნველყოფილი იქნება წყლის მიწოდების უწყვეტი რეჟიმი. ჩვენი ერთობლივი მუშაობის მიზანი  ხარაგაულის 24 საათიანი წყალმომარაგებაა. შესაძლებელია მოსახლეობას ჰქონდეს გარკვეული დისკომფორტი სამუშაოების წარმოების პროცესში, მაგრამ  ეს მართული პროცესი იქნება, ყველანაირად ვეცდებით სამუშაო პროცესების გამო ქუჩებში მდგომარეობა გაუსაძლისი არ გახდეს. შეხვედრაზე  პასუხი გაეცა სოციალურ ქსელში მოსახლეობის გამოთქმულ მოსაზრებებს წყლის რაოდენობის კლებასთან დაკავშირებით. მამუკა ქვათაძემ აღნიშნა , რომ წყალი მოსახლეობას იგივე რაოდენობით მიეწოდება და დეფიციტი მხოლოდ მოხმარების გაზრდის გამო შეინიშნება.   მამუკა ქვათაძე: ,,ბატონი კობას თხოვნით, ერთად გავიარეთ ის საკითხები თუ რისი გაკეთება შეიძლება , რომ წყალზე  მოთხოვნის გაზრდის გამო გამოწვეული ცვლილება მოსახლეობამ არ იგრძნოს. არის გარკვეული გზები, რომელზედაც ვმუშაობთ, რომ მოსახლეობას ზაფხულის განმავლობაში წყალი გრაფიკის გარეშე მიეწოდოს.“ კობა ლურსმანაშვილი: კმაყოფილი ვარ დღევანდელი შეხვედრის , კონსტრუქციულად  ვმუშაობთ  წყალმომარაგების კომპანიასთან და რეგიონულ ხელმძღვანელთან ერთად. ვიცი დღეს მოსახლეობის უმთავრესი კითხვაა, როდის მოიხსნება გრაფიკი წყლის მიწოდებაზე , ზაფხული რთული გვექნება და კიდევ უფრო გაიზრდება მომხმარებელთა რაოდენობა, რასაც მომზადებულები უნდა შევხვდეთ.  ამიტომ მაქსიმალურად შევეცდებით ამ პერიოდში დამატებითი რესურსი გავაჩინოთ, რომ მოქალაქეებს, წყლის გრაფიკის გამო პრობლემა არ ჰქონდეთ.  სწორედ ამას ემსახურებოდა  დღევანდელი შეხვედრა. ვფიქრობთ წყალმომარაგების კომპანიასთან შეთანხმებით დროებითი ღონისძიება გავატაროთ, რაც გულისხმობს ახალი ქსელის  პროექტის დასრულებამდე ჩართვას, რაც მოგვცემს საშუალებას ზაფხულში წყლის მიწოდების დრო და ხარისხი გავაუმჯობესოთ. აღნიშნულ თემაზე საუბარი გვქონდა  ასევე ინფრასტრუქტურის სამინისტროში, მინისტრის მოადგილის ილია ბეგიაშვილის დონეზე და სხვა პასუხისმგებელ პირებთან, რაზედაც პასუხი უახლოეს დღეებში გვექნება. ხარაგაულის მერი , კობა ლურსმანაშვილი ჭარბი წყლის წარმოქმნის შემთხვევაში, სოფელ თეთრაწყაროს და ლაშის გარკვეული ნაწილის წყლით უზრუნველყოფის თეორიულ შესაძლებლობასაც განიხილავს და ამისთვის პრაქტიკულ გზებს ეძებს. კობა ლურსმანაშვილი: ,,სამომავლოდ განვიხილავთ საკითხს , მივაღწიოთ ტექნიკურ და სამართლებრივ შეთანხმებას და წყლის კომპანიის მომსახურების არეალს დაემატოს სოფელ თეთრაწყაროს და ლაშის ნაწილი, თუ წყალმომარაგების კომპანიასთან ამაზე შეთანხმებას ვერ მივაღწევთ განვიხილავთ  მეორე ვარიანტს, რომელიც ამ  ორი სოფელის სასმელი წყლით უზრუნველყოფას ჩვენი მუნიციპალურ საკუთრებაში არსებული წყლის სისტემიდან  მოიაზრებს.“ საერთო  ჯამში,  დაბა ხარაგაულის 24 საათიანი წყალმომარაგებისთვის პირველ ეტაპზე 3  917 000  ლარი  დაიხარჯება.პროექტის მეორე ეტაპი  სექტემბერის თვეში დაიწყება და 2 585  372  ლარი დაიხარჯება.   წლის ბოლოს ხარაგაულის მოსახლეობას მაღალი ხარისხის სასმელი წყალი 24 საათის განმავლობაში ექნება. პროექტი  საქართველოს მუნიციპალური განვითარების ფონდისა  და საქართველოს გაერთიანებული წყალმომარაგების კომპანიის  კოორდინირებით  ხორციელდება. სარეაბილიტაციო სამუშაოების დასრულების შემდეგ, ობიექტი ექსპლუატაციაში საქართველოს გაერთიანებული წყალმომარაგების კომპანიას გადაეცემა. ინფორმაციისთვის, დაბა ხარაგაულის წყალმომარაგება ორი სათავიდან ხორციელდება:  სოფ. ლეღვნის სათავე ნაგებობაზე განთავსებული მიწისქვეშა წყლის წყალმიმღები გალერეა, სადაც იკრიბება მიწისქვეშა წყალი და ხდება დაბისთვის თვითდინებით მიწოდება, ხოლო მეორე სათავე ნაგებობა ამჟამად ხარაგაულის მუნიციპალიტეტის საკუთრებაშია. ტრერიტორიაზე მდებარეობს ერთი უმოქმედო დრენაჟის ტიპის წყალმიმღები და ერთი მოქმედი ჭაბურღილი, საიდანაც სატუმბო სადგურის მეშვეობთ ხდება ახალი აშენებული საავადმყოფოსთვის და მიმდებარე მოსახლეობისთვის წყალის მიწოდება. ხარაგაულის სერვის ცენტრის ბილინგის ბაზაში ამჟამად  1009 ფიზიკური და 124 იურიდიული აბონენტი ფიქსირდება. 1009 ფიზიკური აბონენტიდან 744 გამრიცხველიანებულია, ხოლო 265 სულადობრივი აბონენტია. იურიდიული პირების 100 % გამრიცხველიანებულია.  სოფ საღანძილეში დაფიქსირებულია 42 აბონენტი, ხოლო სოფელ დიდვაკეში 85.  

მაჟორიტარი დეპუტატის , პაატა კვიჟინაძის და ხარაგაულის მერის, კობა ლურსმანაშვილის ერთობლივი ძალისხმევის და ჩართულობის შედეგად, მაღალმთიანი სოფლის სტატუსის მქონე ორ სოფელში მასშტაბური პროექტები განხორციელდება. ხარაგაულის მუნიციპალიტეტის სოფლებში, გედსამანიასა და ზვარეში გზების რეაბილიტაციაზე გამოცხადებული ტენდერები დასრულდა. სოფელ გედსამანიაში ბეტონის საფარი გზის 1 350 მეტრიან მონაკვეთზე მოეწყობა. პროექტი გარდამავალია და მისი ღირებულება 535 948 ლარია. გარდამავალი პროექტია, ასევე, სოფელ ზვარეს გზის რეაბილიტაცია, რომლის ღირებულება 700 482 ლარს შეადგენს და ბეტონის საფარი 1 500 მეტრიან მონაკვეთზე დაიგება. ზემოთ აღნიშნული პროექტები მთის განვითარების ფონდიდან ფინანსდება. წელს მთის  განვითარების  ფონდიდან  ხარაგაულის მუნიციპალიტეტმა ყველაზე დიდი დაფინანსება 650 ათასი ლარი მიიღო.  

,,ხვალ, 28 მაისს, ჩვენი ვეფხვია 50 წლის ხდება, კაცი, რომელის ნიჭიერებაც ძალიან დააკლდა ხარაგაულს და თითოეულ ჩვენგანს. ჩვენო ვეფხო,  ხვალ, ისევე როგორც ბოლო 21 წელია, ისევ ამოვალთ შენს საფლავთან შენი მეგობრები, ისევ დავიწყებთ შენი დაბადების დღის აღნიშვნას სევდიანად, მერე გადავალთ მოგონებებზე და შენთან დაკავშირებულ ისტორიებს გავიხსენებთ, შემდეგ სევდას ნელ-ნელა სიცილი ჩაანაცვლებს და ვიმხიარულებთ შენთან ერთად. მე წამოვიღებ შენს ჩანაწერებს, რომლებსაც გულდასმით ვინახავ და შენ ლექსებს კიდევ ერთხელ გავაჟღერებთ, კიდევ ერთხელ შენთან ერთად შევეცილებით ხარაგაულის სიყვარულში ერთმანეთს... მოკლედ, ხვალ შენი დღეა ვეფხო!“ ამ პოსტით გამოეხმაურა ვეფხვია ღონღაძის დაბადების დღეს , თავის პირად ფეისბუქ გვერდზე, მისი მეგობარი, მამუკა ჭიპაშვილი. ვეფხვიას ტრაგიკულად დაღუპვის შემდეგ მამუკა ჭიპაშვილის აქტიურობით გამოიცა ვეფხვია ღონღაძის ლექსების კრებული „და ოცდამეცხრე გაზაფხულს ველი“. მის ლექსებზე შექმნილ სიმღერებს ხარაგაულელები სიყვარულით მღერიან. სიყვარულით დაწერილ ფრაზებს ,ასეთივე გრძნობით იმღერებენ მომავალი თაობები. ყველას უნდა გვახსოვდეს კაცი რომელიც არ ჰგავდა არვის. ხვალ ვეფხვია ღონღაძე 50 წლის გახდებოდა.   ხარაგაულს      ვეფხვია ღონღაძე შემოდგომის ქარი ფოთოლს გულზე გაკრავს, თითქოს ფარავს დასველებულ იარებს, ჩემი ცაცხვის ხეივანი მომენატრა, ქუჩის ბოლოს ისევ გამოგიარე. ამ საღამოს იდუმალი ფიქრი ახლავს დაღალული ჭადარივით შრიალებს, სადღეგრძელოს არაერთხელ გეტყვი ახალს, შენთან დავცლი ღვინით სავსე ფიალებს. სანთელივით უნდა მენთო მხოლოდ გულში, სიმღერის და ძმობის დღესასწაულო, მეც სუყველას ისევე შენს სიყვარულში, ვეცილები, ჩემო ხარაგაულო. სულ მახსოვხარ მხიარული მასპინძელი, სხვა ბავშვური მოგონებაც კარგია, კვლავ გეზრდება მომავალი, თუმცა ძველი ბევრი ნაღდი შვილიც დაგიკარგია. შენი დილა გაფრენას ჰგავს თეთრი გედის ცხრათვალა მზე სხივებს ააბრიალებს, გულში გიკრავ რახანია, თუმცა ბედის კარუსელი ისევ აღარ ტრიალებს.  

ხარაგაულის მუნიციპალიტეტის საკრებულოს ბიუროს  რიგგარეშე სხდომაზე დეპუტატებმა მერიის  კულტურის, განათლების, სპორტის და ახალგაზრდობის საქმეთა სამსახურის მიერ გაწეული მუშაობის შესახებ  ანგარიში მოისმინეს. საკითხი აღნიშნული სამსახურის უფროსმა, ირინე ჩხეიძემ წარადგინა. ირინე ჩხეიძემ სამსახურის უფლება-მოვალეობებზე, განხორციელებულ ღონისძიებებსა და ხარაგაულში მოქმედი კულტურული ა(ა)იპ-ების აქტივობებზე ისაუბრა. „გვსურს  მიმდინარე სადღესასწაულო თარიღებს რეგულაციების დაცვით გამოვეხმაუროთ. ბავშვთა უფლებების დაცვის დღეს, ღონისძიებები  ღია სივრცეში გაიმართება. ივნისში ოთარ აბაშიძის სახელობის თეატრი  ხარაგაულელ მაყურებელს სპექტაკლის ,,იმერული რექვიემი“ პრემიერას წარუდგენს, რომლითაც 19 ივნისს, იმერეთის თეატრალურ ფესტივალზე წარდგება. ჩვენ თეატრს 120 წელი შეუსრულდა,  საიუბილეო თარიღს სათანადოდ ვერ გამოვეხმაურეთ. ძალიან დიდი სურვილი გვქონდა  სადღესასწაულო დღეები ღონისძიებებით აღგვენიშნა, თუმცა პანდეემის გამო შეხვედრები მცირე მასშტაბით,  ზოგი კი  საერთოდ ვერ განხორციელდა“- აღნიშნა ირინე ჩხეიძემ. სხდომაზე კულტურის სამსახურის უფროსმა შოთა ბუაჩიძის სახელობის სამუსიკო სკოლისა და მოსწავლე-ახალგაზრდობის სახლის გაზიფიცირების საკითხზე ისაუბრა. ასევე, განმარტა, რომ მუზეუმს საკმაოდ ბევრი ექსპონატი დაუგროვდა, რომლთა განსათავსებლად  დამატებითი ოთახის მოწყობაა საჭირო. საკრებულოს თავმჯდომარის, მანანა ბარბაქაძის განმარტებით, პრიორიტეტების ნუსხაში უნდა განისაზღვროს მუზეუმში ექსპონანტების განსათავსებელი ოთახის მშენებლობა. სხდომაზე ეკონომიკისა და ქონების მართვის სამსახურის უფროსის მოვალეობის შემსრულებელმა, მაია ალავიძემ ბორითის  ზონაზე არსებული მიწის ფართობის სახელმწიფოზე უსასყიდლოდ საკუთრებაში გადაცემასთან დაკავშირებით წარადგინა ინფორმაცია. მაია ალავიძის განმარტებით „თბილისი - სენაკი - ლესელიძის საერთაშორისო მნიშვნელობის საავტომობილო გზის  E-60 ავტომაგისტრალის, ჩუმათელეთი-ხევის (ლოტი-F1) და  ხევი უბისის (ლოტი-F2) მონაკვეთებზე სამშენებლო სამუშაოების განხორციელების მიზნით, ხარაგაულის  მუნიციპალიტეტის საკუთრებაში არსებული, სოფელ ხევში მდებარე - 1042 კვ.მ არასასოფლო-სამეურნეო დანიშნულების მიწის ნაკვეთის და მასზედ მდგარი შენობა-ნაგებობის (ს/კ 36.05.31.013), 500 კვ.მ არასასოფლო-სამეურნეო დანიშნულ;ების მიწის ნაკვეთის და მასზედ მდგარი შენობა-ნაგებობის (ს/კ 36.05.34.026), 26 კვ.მ არასასოფლო-სამეურნეო დანიშნულების მიწის ნაკვეთი ( ს/კ 36.05.31.940),  სოფელ ბორითში მდებარე 373 კვ.მ არასასოფლო-სამეურნეო დანიშნულების მიწის ნაკვეთის და მასზედ მდგარი შენობა-ნაგებობის (ს/კ 36.03.40.610)   და სოფელ საქასრიაში მდებარე  1908 კვ.მ სასოფლო-სამეურნეო დანიშნულების მიწის ნაკვეთის (ს/კ36.03.35.117) სახელმწიფოსთვის უსასყიდლოდ საკუთრებაში  გადაცემის შესახებ“. საკითხები განხილული იქნება 7 ივნისის საკრებულოს სხდომაზე.  

ხარაგაულის მერმა , კობა ლურსმანაშვილმა, მერის პირველ მოადგილესთან, ვარლამ ჭიპაშვილთან ერთად დღეს, საქართველოს ეროვნული გმირის, მერაბ კოსტავას ხსოვნას პატივი მიაგო და სოფელ ბორითში  ეროვნულ-განმათავისუფლებელი მოძრაობის ყველაზე გამორჩეული ლიდერის  მემორიალი ყვავილებით შეამკო. კობა ლურსმანაშვილი: ,,ის იყო განსაკუთრებულად შეუვალი და უკომპრომისო, როდესაც საქმე საქართველოს ინტერესებს და დამოუკიდებლობას ეხებოდა. ადამიანებს აძლევდა სტიმულს, რომ ყოფილიყვნენ ისეთები როგორიც ის იყო თავად. მერაბ კოსტავა იყოს იმის მაგალითი, თუ როგორ უნდა გიყვარდეს ქვეყანა. ვარ ბედნიერი, რომ ვარ იმ ადამიანთაგან ერთ -ერთი, რომელიც მასთან ერთად იბრძოდა ქვეყნის დამოუკიდებლობისათვის. მე მჯერა არასოდეს ჩაქრება ის სულისკვეთება და ჩვენ ამას თაობიდან თაობებს გადავცემთ.“ საგულისხმოა, რომ 26 მაისი საქართველოს ეროვნული გმირის, ეროვნულ-განმათავისუფლებელი მოძრაობის ერთ-ერთი ლიდერის, მერაბ კოსტავას დაბადების დღეა. 1989 წლის 13 ოქტომბერს მერაბ კოსტავა ქუთაისიდან თბილისში მომავალ გზაზე ხარაგაულის მუნიციპალიტეტის სოფელ ბორითთან ავტოავარიაში დაიღუპა. ავტოავარიის დეტალები და გამომწვევი მიზეზები დღემდე კამათის საგანია. მერაბ კოსტავა დაიბადა 1939 წელს თბილისში, ის იყო ქართველი დისიდენტი, მუსიკათმცოდნე, პოეტი, საზოგადო მოღვაწე. ასევე საქართველოს ეროვნულ-განმათავისუფლებელი მოძრაობის ლიდერი, საქართველოს ეროვნული გმირი.